Matioo̱ 6:5 - Xo̱jo̱n eén Néná

⁵ Kó kjiꞌanga ko̱ndókjoée̱ Néná, ngata̱ bo̱a̱jín niꞌín ji xikó tsꞌén xota̱ xi jókje̱e̱n, ngatꞌa̱ achichí tjó maá nga chji̱a̱a̱ Néná, nga mindyiakixi̱ ki̱a̱ ndiꞌa nínga ndokjo̱a̱ eén Néná ko̱jo nijon ndi̱yàtié, tsi̱ꞌe̱ nga ngayeje xota̱ xi sku̱i̱e̱, ja̱koxi̱ ni xi xiánjnúꞌun nga kui xotaa̱, jè tjisákó yejee̱ ni xi tsoboaá nga sa̱ko̱ó.

Matioo̱ 6:5 ပူးပေါင်းရင်းမြစ်များ

Xo̱jo̱n Salmoo̱ 5:2

ji Re ko̱jo Ne xi tsa̱ꞌa̱n, ti̱ꞌinsénní kjiꞌanga ni̱ma̱ xián án, ngatꞌa̱ jí boá xi kuichjiaá.

Xo̱jo̱n Salmoo̱ 55:17

Nga ta̱jño̱ó, nga ka̱mangixoón, ko̱jo nga ka̱majñoó ni̱ma̱ xián án nga kuichjiáa̱ ¡kó kuí boá ku̱i̱ntꞌiè nda̱na!

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 16:5

Achichí chꞌoó Néná xota̱ xi kjo̱a̱nkꞌakon tjíjin ini̱ma̱a̱, kó ja̱koxi̱ boá nga ko̱ti̱je̱é.

Matioo̱ 21:22

Kó ngayeje ni xi chji̱a̱ꞌajnú nga ko̱ndókjo̱a̱jnúu̱ Néná, tsi sꞌijinjnú, sa̱kójnú.

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Matioo̱ 23:6

kó tsꞌéntjó kui yáxíríe̱ xi tjón síndo nínga chinie ṉño̱o̱, ko̱jo ki̱a̱ ndiꞌa nínga ndokjo̱a̱ eén Néná,

Matioo̱ 6:1

Ngata̱ ngindyi̱ko̱n xota̱jín niꞌánjnú kjiꞌanga ngo ni xi kixi̱ si̱ꞌánjnúu̱ ngo xota̱, tsi̱ꞌe̱ nga sku̱i̱e̱ nga nda ndyi̱niꞌánjnú, tsi bo̱a̱ si̱ꞌánjnú, Na̱ꞌminá xí tikón ndiꞌakꞌajmi jàn tsja̱ajínjnú ni xi je tikónndaa̱.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Matioo̱ 9:38

Kuíni nga ꞌniú chji̱a̱ꞌajnúu̱ Ndi̱a̱ xi tsi̱ꞌe̱ ni xi kamáxchaá tsi̱ꞌe̱ nga sa̱ngíyá ngase xota̱ xi sa̱ꞌínxá ngi̱jin jno̱o̱.

Markoo̱ 11:25

Kó kjiꞌanga ndyi̱ndokjo̱a̱jnúu̱ Néná, ti̱ꞌanjetakónjnú tsi tjín káꞌá xota̱ xi ngo ni xi ndajínkjiꞌi katsꞌénjo̱jnú, tsi̱ꞌe̱ nga kui Na̱ꞌmijnú xi tikón ndiꞌakꞌajmi jàn sa̱ꞌínjetakónjnú ni chꞌokjiꞌi xi kiꞌmíjnú jún.

Markoo̱ 12:38

Kó bi̱ katsó ngase Kjisoo̱ nga akóyá eén Néná: –Chónjnú já chji̱ni̱e̱kjo̱a̱kitii̱, ngatꞌa̱ achichí tsjá máa nga ꞌbítso̱ma nga boajá ńjñondio tsjakon, kó tsja máa nga ndikóntsꞌèn niꞌántinde nínga síndo ndi̱tse̱n,

Rkaa̱ 11:43

¡Ni̱ma̱ xò jún já fariseo̱! Nga tjójnú kui yáxíríe̱ xi tjón síndo ndiꞌa nínga ndokjo̱a̱ eén Néná, ko̱jo mejénjnú nga ndikóntsꞌèn si̱ꞌantindéjnú ndi̱tse̱e̱n.

Rkaa̱ 18:1

Kjisoo̱ íni̱jmi̱ì kui énkjiín xotaa̱, kjo̱a̱a̱ nga chjiéngá ku̱i̱chji̱a̱a̱ Néná ngatsjéni̱xtjin, kó nga ko̱yayàjín,

Rkaa̱ 18:13

Ta̱nga nda̱ xi foaꞌáꞌyá to̱n xi machjítjé nii̱, kjin kisꞌijña, nde kamámejénjiín askotsijen ndiꞌakꞌajmi jàn, kó ta̱soboá tji̱ngo̱ yeꞌeé ni̱se̱e̱n, nga bi̱ katsoó Néná: “Na̱ꞌmi, ngatamani̱ma̱a̱ an, ngatꞌa̱ xota̱ jé án.”

Rkaa̱ 20:47

Kó kui jaá, kuí boá xi tsꞌénchéjeé ni xi tjiín ínchjín kꞌán xi je kꞌien xi̱ꞌii̱n, kó achichí xò tsí Néná chji̱a̱a̱ ꞌne̱ ja̱ma, tsi̱ꞌe̱ nga sku̱i̱e̱ndikón xotaa̱. Kuí xota̱ xi̱ꞌba̱ xi tsie ngase ka̱majeé.

Rkaa̱ 6:24

Ta̱nga, xi̱xꞌi̱a̱njnú jún xota̱ xi cho̱n, ngatꞌa̱ jè kisꞌiejnú kjo̱a̱tsjajnú jún.

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Xota̱ Éfeso̱ 6:18

Ngatsjéni̱xtjin ndókjo̱a̱jnúu̱ Néná, kó te̱ꞌéndièjnúu̱ nga A̱si̱énni̱xtjii̱n xi ko̱síko̱jójnú nga ko̱ndókjo̱a̱jnú, ti̱ndyiondajnú kó ngata̱ niꞌánkjiejínjnú takónjnú, kó chji̱a̱ꞌatjejnú ngayeje xota̱ tsjiee̱ Néná.

1 Xota̱ Tesalónika̱ 5:17

Ngatsjéni̱xtjin ndókjo̱a̱jnúu̱ Néná.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”