Matioo̱ 6:33 - Xo̱jo̱n eén Néná

³³ Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Matioo̱ 6:33 ပူးပေါင်းရင်းမြစ်များ

Xo̱jo̱n Salmoo̱ 112:3

Achichí tsie kjo̱a̱cho̱n kꞌuieé ndiꞌaa̱, kó ngatsjéni̱xtjin nga kui xi sa̱ꞌín ngi̱yaa̱ kjo̱a̱kixi̱i̱.

Xo̱jo̱n Salmoo̱ 37:25

Jè jaꞌá nga kamáxo̱ngò án, kó jè xchá án ngotꞌe̱, ta̱nga kji̱e̱ sa bejín an nga xota̱ xi kixi̱i̱, síndomasien, ti̱nde kji̱e̱ sa bejín nga nichinie ndyi̱míꞌasón ndií.

Xo̱jo̱n Salmoo̱ 37:3

Néná ti̱ꞌinꞌnítakín ji, kó ni xi nda ti̱ꞌin ji, ku̱i̱ndyin ji kui tꞌanangii̱, kó ni xi ja̱koxi̱i̱ ti̱ꞌinꞌnítakín ji.

Énkjínkón 10:3

Néná tsjandièjín nga kjindiá foaꞌa xota̱ xi kixi̱i̱, ti̱nde tsjandièjiín nga sa̱ꞌínkjatjosón ni ndajín xi mejeén sa̱ꞌín xota̱ xi ꞌniú ndajiín.

Énkjínkón 28:10

Xota̱ xi ndi̱yà xi ndajín fíjo̱ xota̱ xi kixi̱i̱, ti̱kuíní xi kꞌo̱kayà chja̱ya̱ xi ꞌbíjñá. Ta̱nga xota̱ xi kixi̱i̱ kuí boá xi sa̱ko̱ó ni xi ndaa̱.

Énkjínkón 8:18

Nijan tsꞌénxájo̱na, kjo̱a̱cho̱o̱n, ko̱jo kjo̱a̱yandikoón, ko̱jo nga tsie ni ꞌbéná, ko̱jo kjo̱a̱kixi̱i̱.

Eklesiastee̱ 10:2

Ini̱ma̱a̱ nda̱ xi kjínkoón ni xi nda boá xi mongase nga tsꞌén, ta̱nga ini̱ma̱a̱ nda̱ xi kitikjo̱a̱a̱, ni xi ndajiín boá xi mongase kui.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 4:17

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Rkaa̱ 1:6

Nga joó nga kixi̱ kisꞌiṉtso̱ma ngindyi̱ko̱n Néná, kó jmíjín xi chꞌo tsꞌén tsíchji̱a̱taꞌin, ngatꞌa̱ katsꞌénkjatjosón kjo̱a̱botíxomaa̱ ko̱jo kjo̱a̱kitii̱ Néná.

Rkaa̱ 12:31

Ta̱nga ta̱sá ti̱ndyi̱séjnú kjo̱a̱botíxomaa̱ Néná, kó ngayeje kui nii̱ ta̱ sꞌi̱sónrií nga sa̱kójnú.

Juaa̱ 5:4

ngatꞌa̱ ta̱ kjiꞌa xóní nga ngo xò ndítsjiee̱ Néná jatjajen nínga tikón kui ti̱xa̱ xi ndyi̱a̱ ndáfoaa̱, sꞌe̱ tsꞌéntíyà xoò ndáfoaa̱, kó ta̱ xota̱ xi tjón sa̱ngínjin xò yojoo̱ kui ti̱xa̱a̱, mandaya xò, ta̱jñà chiꞌinní xi tjiín.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Ni xi kamá 20:25

Kó kuíni nga ngotꞌe̱ ꞌne̱ ꞌniú kixi̱ tikòn an nga nde ingojín jún, xi je ini̱jmìi̱ éntjatsi̱e̱e̱ nínga botixómá Néná xi sku̱i̱e̱ ngase kje̱n án.

Ni xi kamá 28:31

kó nde jmíjín xi katsꞌénniꞌii̱n nga íni̱jmì eén kjo̱a̱a̱ xikótsꞌèn ko̱tíxoma Néná, ko̱jo nga akóyá kjo̱a̱a̱ Ndi̱a̱ná Jesukristoo̱.

Xota̱ Roma̱ 1:17

Ngatꞌa̱ éntjatsi̱e̱e̱ bokóní xikótsꞌèn nga Néná tsjaá xotaa̱ nga kixi̱ ka̱ma ngindyi̱ko̱n kui, ta̱ngatꞌanii̱ nga sꞌijii̱n. Bo̱a̱ ma ngatꞌa̱ sꞌijii̱n, xikótsꞌèn kjitꞌa xo̱jo̱n eén Néná: “Xi kixi̱ ngindyi̱ko̱n Néná, ta̱ngatꞌanií nga sꞌijii̱n nga kꞌuijñáni nga̱sondie.”

Xota̱ Roma̱ 10:3

Ngatꞌa̱ katsꞌénxki̱jín nga Néná mejeén nga kixi̱ ka̱ma xotaa̱, ta̱sá kui tsangase ndi̱yà kótsꞌèn nga kixi̱ kꞌuíndo ngindyi̱ko̱n Néná, ni̱ma̱kjo̱a̱jín katsꞌén yojoo̱ nga katsꞌénjo̱ꞌo kjo̱a̱kixi̱ xi tsjá Néná.

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

1 Xota̱ Korinto̱ 3:22

Tsi tsi̱ꞌe̱ Pabloo̱, tsi tsi̱ꞌe̱ Apoloo̱, tsi tsi̱ꞌe̱ Peé, tsi tsi̱ꞌe̱ nga̱sondiee̱, tsi tsi̱ꞌe̱ kjo̱a̱mindyioo̱n, tsi tsi̱ꞌe̱ kjo̱a̱bo̱yaa̱, tsi tsi̱ꞌe̱ ni xi kjima ngotꞌe̱, tsi tsi̱ꞌe̱ ni xi sꞌe̱ ka̱ma, ngayeje kui nii̱ nga tsa̱jún boá,

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Filipo̱ 3:9

kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.

2 Xota̱ Tesalónika̱ 1:5

Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.