Matioo̱ 6:25 - Xo̱jo̱n eén Néná

²⁵ Kuíni nga bi̱ xiánjnúꞌun: Ngata̱ nda̱jín májnú kjo̱a̱a̱ kjo̱a̱mindyionjnú, kjo̱a̱a̱ mí ni xi xi̱ni̱e̱jnú ko̱jo mí ni xi sꞌi̱o̱jnú, ko̱jo kjo̱a̱a̱ yojojnú, ko̱jo kjo̱a̱a̱ mí ńjño xi xcha̱jàjnú. A chjíjín ngasenii̱ kjo̱a̱mindyioo̱n ta̱bo̱a̱jiín nichiniee̱, kó a chjíjín ngasenii̱ yojoo̱ ta̱bo̱a̱jiín ńjño xi chajaá.

Matioo̱ 6:25 ပူးပေါင်းရင်းမြစ်များ

Xo̱jo̱n Salmoo̱ 55:22

Ti̱ꞌinkꞌasꞌíi̱n Néná chꞌià é xí kichꞌé ji, kó kuí boá tsja̱angaꞌniuú. ¡Néná sa̱ꞌínkjastjíe̱n nginí xota̱ xi kixi̱i̱ xi je tsꞌákaa̱!

Matioo̱ 10:19

Ta̱nga nga si̱ꞌankꞌasꞌienjnú ngi̱ya tsja jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú ko̱jo tsi kótsꞌèn ko̱ndókjo̱a̱jnú ngo ni, ngatꞌa̱ ti̱ kuii̱ chi̱bo̱a̱ kꞌuiyájnú ni xi ko̱ndókjo̱a̱jnú.

Matioo̱ 13:22

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Matioo̱ 6:31

Kó kuíni nga, ngata̱ nda̱jín májnú nga bi̱ kꞌuínjnú: «Mí ni xi xi̱ni̱e̱, mí ni xi sꞌi̱o̱, mí ni xi xcha̱já.»

Matioo̱ 6:34

Kó kuíni nga, ngata̱ nda̱jín májnú kjo̱a̱a̱ ni xi ka̱ma ndyiojón, ngatꞌa̱ ndyiojoón kꞌuiérií ni xi nda̱ ka̱maa̱, jè ndakjiꞌi nga, nga ngo nga ngo ni̱xtjii̱n tjiín kjo̱a̱xti xi tsi̱ꞌe̱.

Markoo̱ 13:11

Ta̱nga nga si̱ꞌankꞌasꞌienjnú nínga síndo jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ti̱nde ngata̱ niꞌánkjójínjnú, ta̱sá ni xi kꞌuiyájnú nga kꞌuínjnú kui chi̱bo̱a̱a̱, kuí xí ndokjo̱a̱jnú, ngatꞌa̱ jmí tsi jún xi ko̱ndókjo̱a̱jnú, A̱si̱énni̱xtjii̱n Néná boá xi ku̱i̱chji̱a̱.

Markoo̱ 4:19

ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n ko̱jo kjo̱a̱ndikonkoón nii̱ ꞌbosꞌieén, kó tsꞌénxí eén Néná, kó kui nii̱ xi tsjandièjín nga boajaá to.

Rkaa̱ 12:11

Kó kjiꞌanga kongínjo̱jnú ndiꞌa nínga ndokjo̱a̱ eén Néná, ko̱jo tsi ngindyi̱ko̱n nendiꞌamasien, ko̱jo tsi ngindyi̱ko̱n xota̱xá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ko̱jo tsi ni xi kꞌuínjnú,

Rkaa̱ 8:14

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga chíchi̱ chíchi̱ ꞌbijñá kui eén, ngatꞌa̱ kjo̱a̱nda̱a̱ kjo̱a̱cho̱o̱n, ko̱jo kjo̱a̱tsja xi tjiín kuí nga̱sondiee̱, tsꞌénchájá, kó jmí to ꞌbéjiín nga maxchá.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

1 Xota̱ Korinto̱ 7:32

Mejénna nga nda̱jín ka̱majnú. Kui nda̱ xi tikón xo̱ngò kꞌaán, nda̱ ngatamaa̱ ni xi tsi̱ꞌe̱ Ndi̱a̱ná, kó nga tsꞌén ni xi tsja ka̱maa̱ Ndi̱a̱ná.

Xota̱ Filipo̱ 4:6

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.

2 Timoo̱ 2:4

Ngojín nda̱jun xi tjitsꞌénxá xí ka̱mamejeén sa̱ngínjin yojoo̱ ni xi tjín kuí nga̱sondiee̱, ngatꞌa̱ chjiéngá tsjatsꞌèn kꞌuijñá ngindyi̱ko̱n xi katsjaá kui xaá.

1 Xo̱jo̱o̱n Peé 5:7

Ngayeje ni xi nda̱jnú, Néná tꞌíjñájnúu̱, ngatꞌa̱ kuí xí tsꞌénkoón jún.