Matioo̱ 6:2 - Xo̱jo̱n eén Néná

² Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Matioo̱ 6:2 ပူးပေါင်းရင်းမြစ်များ

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 37:21

Xota̱ xi ndajiín míyá, kó tsꞌénsónjín ni xi tsjiee̱n, ta̱nga xota̱ xi kixi̱i̱, tjiín kjo̱a̱ni̱ma̱takón kó tsie ni xi tsjá.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Énkjínkón 20:6

Achichí má xi xota̱ xi ndaxota̱ ndyi̱tsoó yojoo̱, ta̱nga nde ngojín xi sa̱ko̱ó xota̱ xi ka̱ma ka̱maꞌniátakón.

Eklesiastee̱ 11:2

Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín, ngatꞌa̱ nde yejín ji mí ni xi ndajín xi ka̱maa̱ tꞌanangii̱.

Matioo̱ 15:7

¡Xota̱ jókje̱n! Kjénní ni xi katsó nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:

Matioo̱ 16:3

Kó tsi nga ta̱jño̱ó, bi̱ ꞌmíjnú: Stsé ko̱jo tjo̱ ka̱ma, tsi iní ngindie jàn ko̱jo tsi ṉdi̱ ndyi̱a̱. ¡Xota̱ jókje̱n! Ánní nga yàjnú nga nda, axa̱ ndajín ka̱ma ni̱xtjii̱n nga tsitsijenjnúu̱ kókjiꞌi nkꞌa jàn. Kó ánní nga makjínjínjnú chi̱bo̱a̱ xi tjisꞌíjñá kui ni̱xtjii̱n.

Matioo̱ 22:18

Ta̱nga Kjisoo̱ ja̱bo̱a̱ je be ni xi katsꞌénkjó kuí jaá, kó bi̱ katsoó: –Já jókje̱n, ánní nga an ndyi̱chjatꞌayákónjnúꞌun.

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Matioo̱ 23:6

kó tsꞌéntjó kui yáxíríe̱ xi tjón síndo nínga chinie ṉño̱o̱, ko̱jo ki̱a̱ ndiꞌa nínga ndokjo̱a̱ eén Néná,

Matioo̱ 24:51

kó ndi̱a̱a̱ achichí ꞌniú sa̱ꞌínjeé kui mosoo̱, kó ki̱a̱ sa̱ngíyá nínga síndo xota̱ jókje̱e̱n, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.

Matioo̱ 5:18

Ngatꞌa̱ ja̱koxi̱ ni xi xiánjnúꞌun nga tji̱e̱nga tikón ndiꞌakꞌajmii̱ ko̱jo tꞌanangii̱, nde ngojín nii̱ kjo̱a̱kitii̱ xi xtjo̱ꞌóxiín ngaskande nga je jatjosón ngayejee̱.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:3

Kó kjiꞌanga ngo chji̱e̱ ko̱e̱ꞌé ji, nga sku̱i̱e̱jín ndse̱ skoón ni xi sa̱ꞌín ndse̱ xi kixi̱i̱,

Matioo̱ 6:5

Kó kjiꞌanga ko̱ndókjoée̱ Néná, ngata̱ bo̱a̱jín niꞌín ji xikó tsꞌén xota̱ xi jókje̱e̱n, ngatꞌa̱ achichí tjó maá nga chji̱a̱a̱ Néná, nga mindyiakixi̱ ki̱a̱ ndiꞌa nínga ndokjo̱a̱ eén Néná ko̱jo nijon ndi̱yàtié, tsi̱ꞌe̱ nga ngayeje xota̱ xi sku̱i̱e̱, ja̱koxi̱ ni xi xiánjnúꞌun nga kui xotaa̱, jè tjisákó yejee̱ ni xi tsoboaá nga sa̱ko̱ó.

Matioo̱ 7:5

¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen, tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie.

Markoo̱ 12:39

kó tsja máa nga ꞌbíndonié yáxíríe̱ xi tjón síndo ngi̱ya ndiꞌa nínga ndokjo̱a̱ eén Néná, kó tsja máa nga kui tjón ꞌbíndo ngi̱ndie xi tjón síndoo̱ yámíxa̱ nínga chinie ṉño̱o̱.

Markoo̱ 7:6

Sꞌe̱ Kjisoo̱, bi̱ katsó: –Xota̱ jókje̱n, kjénní ni xi tsíchji̱a̱ nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ tsꞌén ítꞌa xo̱jo̱n: Kui xota̱ na̱xi̱ńdaá ta̱ tsꞌoa tsí nga bendikónna, ta̱nga ini̱ma̱a̱ achichí kjin tikónnii̱ an.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 11:43

¡Ni̱ma̱ xò jún já fariseo̱! Nga tjójnú kui yáxíríe̱ xi tjón síndo ndiꞌa nínga ndokjo̱a̱ eén Néná, ko̱jo mejénjnú nga ndikóntsꞌèn si̱ꞌantindéjnú ndi̱tse̱e̱n.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 12:56

¡Xota̱ jókje̱n! Ánní nga yàjnú nga nda, axa̱ ndajín ka̱ma ni̱xtjii̱n nga tsitsíjenjnúu̱ kókjiꞌi nkꞌa jàn ko̱jo tꞌanangii̱, kó ánní nga makjínjínjnú kui ni̱xtjin xi̱ꞌbi̱.

Rkaa̱ 13:15

Sꞌe̱ Ndi̱a̱a̱, bi̱ katsó: –Xota̱ jókje̱n, a ꞌnaxiéjínjnú ngi̱ndie nínga síndo cho̱yojojnú ko̱jo bórrójnú, tsi̱ꞌe̱ nga ko̱e̱je̱kꞌi ndáfoa nga ni̱xtjin ndikón.

Rkaa̱ 20:46

–Chónjnú já chji̱ni̱e̱kjo̱a̱kitii̱, ngatꞌa̱ achichí tsjá máa nga ꞌbítso̱ma nga boajá ńjñondio tsjakon, kó tsja máa nga ndikóntsꞌèn niꞌántinde nínga síndo ndi̱tse̱n, ko̱jo tsja máa nga ꞌbíndonié yáxíríe̱ xi tjón síndo, ngi̱ya ndiꞌa nínga ndokjo̱a̱ eén Néná, kó tsja máa nga kui tjón ꞌbíndo ngi̱ndie xi tjón síndoo̱ yámíxa̱ nínga chinie ṉño̱o̱.

Rkaa̱ 6:24

Ta̱nga, xi̱xꞌi̱a̱njnú jún xota̱ xi cho̱n, ngatꞌa̱ jè kisꞌiejnú kjo̱a̱tsjajnú jún.

Rkaa̱ 6:42

Axa̱ kótsꞌèn ma takín nga bi̱ sée̱ ntsꞌie: “Ntsꞌie, te̱ꞌéndièní nga kꞌoxié an xtjié xí kjingi ndyikin ji”, nga yejín ji yáxtió xi kjingi tse̱. ¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie ji.

Juaa̱ 13:29

Ngatꞌa̱ tjín xí katsꞌénkjó nga kjo̱a̱a̱ nga Jundaa̱ kisꞌijñaa̱ stsatoo̱n, tsi kuíni nga Kjisoo̱, bi̱ katsoó: Tsꞌi̱tsie ni xi chjiénná tsi̱ꞌe̱ sꞌueé, axa̱ tsi̱ꞌe̱ nga tsja̱a chií to̱n xota̱ ni̱ma̱a̱.

Juaa̱ 5:41

Tsꞌenjoꞌojín an kjo̱a̱je xi tsja̱ana xotaa̱,

Juaa̱ 5:44

Kótsꞌèn ka̱ma sꞌi̱jinjnú, nga ja̱kꞌi̱e̱ ja̱ngaján ndyi̱boeꞌéjnúu̱ kjo̱a̱je xingi̱jnú, kó ndyi̱mindyiséjínjnú kjo̱a̱je xi tsja̱aná Néná xí ngototoo̱.

Juaa̱ 7:18

Kui xota̱ xi tsi̱ꞌe̱ ni xi chji̱a̱a̱, mongase nga ngayeje xi sku̱i̱e̱ kjo̱a̱jee̱, ta̱nga xi mongase nga xcha̱ kjo̱a̱jee̱ xi katsangiya, kuí xi̱ꞌbi̱ xi ja̱koxi̱i̱, kó kuí xí kixi̱.

Ni xi kamá 10:2

kui nda̱a̱ ko̱jo xota̱ ndiꞌaa̱ kamábendikón ton ton Néná, kó tsie to̱nchji̱e̱ katsjá nga asíko̱jo xota̱ na̱xi̱ńdaá, kó ngatsjéni̱xtjin tsíchji̱a̱a̱ Néná.

Ni xi kamá 10:31

kó bi̱ katsóna: “Kornie̱, jè kandaꞌyá nga tindokjo̱e̱e̱ Néná, kó chji̱e̱e̱ jè tjíniꞌánkjaꞌátsjien ngindyi̱ko̱n Néná.

Ni xi kamá 10:4

Kó Korniee̱ ta̱ askotsijendárií kui ndítsjiee̱, kó achichí katsakjón nga asíyaá, sꞌe̱ bi̱ katsoó: –Mí xí machjieén Ndi̱a̱. Kósꞌe̱ bi̱ katsó ndítsjiee̱: –Nga tindokjo̱e̱e̱ Néná, ko̱jo nga tibosíke̱je ngayeje xota̱ ni̱ma̱ xi jmí to̱njiín, je jachó kui nii̱ ngindyi̱ko̱n Néná.

Ni xi kamá 11:29

Kósꞌe̱ xota̱ xi je kisꞌijii̱n Kjisoo̱ xi chji̱a̱ni na̱xi̱ńdáꞌniú Antiokiya̱ bo̱a̱ katsó nga sa̱ngíyaá chji̱e̱ ntsꞌié xi síndo na̱xi̱ńdá Jundea̱, xikótsꞌèn kasakoo̱ nga ngo nga ngo nga tsja̱á kui chji̱e̱e̱,

Ni xi kamá 24:17

Jaskan ngije jaꞌa kjín nó nga kistsoꞌbá an kje̱ꞌe ngi̱ndie, jéꞌe̱ ngiñá an na̱xi̱ńdána tsi̱ꞌe̱ nga tsja an chji̱e̱ ko̱jo kjo̱a̱nda,

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

Xota̱ Roma̱ 12:8

Xi katseꞌeé kjo̱a̱nda tsi̱ꞌe̱ nga tsja̱angaꞌniuú xotaa̱, nga tsja ngaꞌniuú. Xi katseꞌeé kjo̱a̱nda tsi̱ꞌe̱ nga tsja̱a to̱n, ngayeje kon nga ngatasikójo. Xi katseꞌeé kjo̱a̱nda tsi̱ꞌe̱ nga kꞌuijñátjón, kixi̱ nga tsꞌén kuí xaá. Xi katseꞌeé kjo̱a̱nda tsi̱ꞌe̱ nga ni̱ma̱ ka̱maa̱ xotaa̱, tsjangatamaa̱ nga sa̱ꞌín kui xaá.

1 Xota̱ Korinto̱ 13:3

Tsi sa̱ꞌinkjaꞌasóo̱n xota̱ ni̱ma̱a̱ ngayeje ni xi tjínna, kó tsi sa̱ꞌinkꞌasꞌien an yojona tsi̱ꞌe̱ nga ku̱i̱ti̱ an, ngandaa̱ xota̱ xi ngasee̱, ta̱nga tsi jmíjínna kjo̱a̱tjó, ta̱ kjo̱a̱ndaní ni xi tjítsꞌen an.

Xota̱ Ngalasia̱ 2:10

Ta̱ kuí tsí ni xi tsíꞌájne̱ nga xchi̱yàjínjne̱ xota̱ ni̱ma̱ xi chji̱a̱ni na̱ngo̱xi̱i̱ na̱xi̱ńdáꞌniú Jerusale̱n, kó kui nii̱ xi ngayeje ko̱n an nga nda tjítsꞌenkjatjosón an.

Xota̱ Éfeso̱ 4:28

Kui xota̱ xi katsꞌénchejé ngasꞌe̱, ngiti̱ bo̱a̱jín nga tsꞌén, ta̱sá ngatsꞌénxá, ngo xá xí nda nga tsꞌén nga sa̱ꞌínkjién tsja, tsi̱ꞌe̱ nga kꞌuieé ngo ni xi tsja̱á xota̱ xi ka̱machjieén ngo ni.

1 Xota̱ Tesalónika̱ 2:6

Ti̱nde jmíni̱xtjin nga ikindyiséjne̱ tsi xotaa̱, ko̱jo tsi jún, ko̱jo tsi kje̱ꞌe xota̱ xi katsꞌéndikónjne̱, ndatsi kamá tsí jún ikꞌíniéjne̱ yojojne̱ kjo̱a̱a̱ nga apostroo̱ Kristoo̱ ji̱n.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

Filemoo̱ 1:7

Ji ntsꞌie, achichí tsjátjínna kó tsjangaꞌniúna kjo̱a̱tjó xi tjiín, ngatꞌa̱ jí xí katseꞌé ngaꞌníi̱ ini̱ma̱a̱ xota̱ tsjiee̱ Néná.

Xota̱ Ebreo̱ 13:16

Kó ngata̱ niꞌánchíyájínjnú jún nga ni xi nda si̱ꞌánjnú, ko̱jo nga ja̱kꞌi̱e̱ ja̱ngaján ko̱si̱ko̱jójnú xingi̱jnú, ngatꞌa̱ ko̱jo kuí kjo̱a̱tjó xi̱ꞌbi̱ xi tsja maa̱ Néná nga.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.