Matioo̱ 6:19 - Xo̱jo̱n eén Néná

¹⁹ Ngata̱ jmí kjo̱a̱cho̱n ko̱jo ni xi chjí ꞌbíjñatjojínjnú kꞌi̱e̱ tꞌanangii̱, nínga xobií ko̱jo xtꞌaán sa̱ꞌínkjatsón, ko̱jo nínga chejeé sa̱ꞌín ngo ti̱xa̱, sꞌe̱ kjo̱jo.

Matioo̱ 6:19 ပူးပေါင်းရင်းမြစ်များ

Joo̱b 24:16

Xota̱ xi chejeé nga jñoó boá nga tsꞌénchéjé ndiꞌaa̱ xotaa̱, kó nga ni̱xtjii̱n ꞌbíndoꞌyá, mejénjiín sa̱ꞌínjo̱ꞌo ndiꞌií.

Joo̱b 31:24

»Jmíni̱xtjin nga kjo̱a̱cho̱o̱n xi kjimaꞌniátakón an, ti̱nde jmí tsi bi̱ kixiáa̱n to̱nsinieé: Jí boá xi ꞌniákoo̱n.

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Xo̱jo̱n Salmoo̱ 62:10

Ngata̱ ki̱a̱jín maꞌniátakónjnú ni xi ꞌniú ndajiín, ti̱nde ngata̱ ꞌbejínjnú kjo̱a̱chiyá kjo̱a̱a̱ kjo̱a̱chejeé, ndatsi ka̱matsie ngase kjo̱a̱cho̱njnú, nga ki̱a̱jín ꞌbíjñajnú ini̱ma̱jnú.

Éksondo̱ 22:2

Kó tsi kui cho̱ xi kiniꞌánchejeé ta̱kó tikón ngi̱ya tsja xi katsꞌénchejeé, kui chejeé chjiéngá jó cho̱ tsja̱á ngajoo̱ xi tsi̱ꞌe̱ kui cho̱o̱. Ngayeje xi sa̱ꞌínchejé, chjiéngá ku̱i̱ꞌíchjí xikó kjiꞌi chjií kui cho̱o̱. Tsi ka̱májiín ku̱i̱ꞌíchjí, chjiéngá sti̱ñá kui chejeé xikoó ngo moso̱ xi stiñá, tsi̱ꞌe̱ nga ka̱machjí kuí cho̱ xi katsꞌénchejé. »Tsi ngo nda̱ xi tikoón ngo ngi̱ndie sku̱i̱e̱ nga ngo xi tjítsꞌénchéjeé nga jñoó, kó tsi sa̱ꞌínkꞌién, jmí jé kꞌuiéjiín. Ta̱nga tsi nga ni̱xtjii̱n nga sku̱i̱e̱ kui xi tjítsꞌénchéjeé, kó tsi sa̱ꞌínkꞌién, tjínrií jé.

Énkjínkón 11:4

Kjiꞌanga kjo̱chó ni̱xtjin nga xcha̱ tsi nda ko̱jo tsi ndajín kiniꞌán, nde jmí ni ka̱machjíjiín kjo̱a̱cho̱o̱n, ta̱kuítsí kjo̱a̱kixi̱i̱ xi kꞌo̱xiéngíná ngi̱ya tsja kjo̱a̱bo̱yaa̱.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Matioo̱ 19:21

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Matioo̱ 6:20

Ta̱sá nda tsi ki̱a̱ ndiꞌakꞌajmi jàn chja̱ꞌátjójnú kjo̱a̱cho̱n, nínga xobií ko̱jo xtꞌaán sa̱ꞌínkjatsónjín, kó nínga chejeé jmí ti̱xa̱ tsꞌénjín tsi̱ꞌe̱ nga kjo̱jo.

Rkaa̱ 12:21

Bo̱a̱ máa kui xota̱ xi tsie kjo̱a̱cho̱n ꞌbitíkoó yojoo̱, ta̱nga achichí ni̱ma̱ síndo ngindyi̱ko̱n Néná.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 12:39

Ta̱nga ngatamakjínjnú kui nii̱: Tsi nda̱ xi tsi̱ꞌe̱ ndiꞌaa̱ sku̱i̱e̱ mí chi̱bo̱a̱ nga kjo̱chó chejeé ndiꞌaa̱, ja̱koxi̱ nga nde kjóféjín, kó nde tsja̱ndièjínraa̱ nga kꞌo̱sꞌien chejeé tsobo̱a̱.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 18:24

Nga kamábe Kjisoo̱ nga ndasen kisꞌijña kui nda̱a̱, bi̱ katsó: –¡Achichí niꞌin kjiꞌi nga xota̱ xi tsie kjo̱a̱cho̱n tjiín nga kꞌo̱sꞌien nínga botíxomaa̱ Néná!

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.