Matioo̱ 6:16 - Xo̱jo̱n eén Néná

¹⁶ Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:16 ပူးပေါင်းရင်းမြစ်များ

Na̱ Estee̱r (Ebreo̱) 4:16

«Tꞌen ji kó tꞌítikí jí ngayeje xota̱ jundío̱ xi síndo na̱xi̱ńdáꞌniú Susa̱, kó ti̱ꞌankjaꞌájnú kjindiá yojojnú ngatꞌaa̱ an, kó ngata̱ jmí ni chiniejínjnú, ko̱jo ngata̱ jmí ni ꞌyójínjnú ján ni̱xtjii̱n ján ni̱xtji̱e̱n. Kó an ko̱jo ínchjín xo̱ngò moso̱na ti̱ si̱ꞌankjaꞌajne̱ kjindiá yojojne̱ nga, kósꞌe̱ kjiꞌá boá nga kjuínkóo̱n ree̱, ndatsi tsjandièjín kjo̱a̱kitii̱ ni xi sa̱ꞌin an. ¡Kó tsi sa̱ꞌínkꞌiénna ree̱, ja̱ ngatꞌien an!»

Xo̱jo̱n Salmoo̱ 109:24

Jè ndeskande ngiti̱ jmí nichinie kjíni̱e̱jín an, jè achichí xkꞌién án, nga ngaskande fotsié má tikóna.

Xo̱jo̱n Salmoo̱ 35:13

Ta̱nga kjiꞌanga kamáꞌoón kui, ngaskande ńjño tokjuie tsajá an, kó katsꞌenkjaꞌa an kjindiá yojona nga ndasen kamána, sꞌe̱ ni̱ma̱ kixian an nga tsíchji̱a̱a̱ Néná, ngaskande nga jatjosón ni xi tsíꞌáa̱.

Xo̱jo̱n Salmoo̱ 69:10

Askjandá an nga ndasen katsꞌenkjaꞌa an kjindiá yojona, kó ta̱ngatꞌanii̱ kui nii̱ nga chꞌo kiꞌmína.

Matioo̱ 6:1

Ngata̱ ngindyi̱ko̱n xota̱jín niꞌánjnú kjiꞌanga ngo ni xi kixi̱ si̱ꞌánjnúu̱ ngo xota̱, tsi̱ꞌe̱ nga sku̱i̱e̱ nga nda ndyi̱niꞌánjnú, tsi bo̱a̱ si̱ꞌánjnú, Na̱ꞌminá xí tikón ndiꞌakꞌajmi jàn tsja̱ajínjnú ni xi je tikónndaa̱.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Matioo̱ 6:5

Kó kjiꞌanga ko̱ndókjoée̱ Néná, ngata̱ bo̱a̱jín niꞌín ji xikó tsꞌén xota̱ xi jókje̱e̱n, ngatꞌa̱ achichí tjó maá nga chji̱a̱a̱ Néná, nga mindyiakixi̱ ki̱a̱ ndiꞌa nínga ndokjo̱a̱ eén Néná ko̱jo nijon ndi̱yàtié, tsi̱ꞌe̱ nga ngayeje xota̱ xi sku̱i̱e̱, ja̱koxi̱ ni xi xiánjnúꞌun nga kui xotaa̱, jè tjisákó yejee̱ ni xi tsoboaá nga sa̱ko̱ó.

Markoo̱ 2:18

Ngo ndi̱yà nga xota̱ tsi̱ꞌe̱ Jua̱ xi botíndaá ko̱jo já fariseoo̱ ndyi̱tsꞌènkjáꞌa kjindiá yojoo̱, jachókoón Kjisoo̱, kó bi̱ katsoó: –Míkjo̱a̱a̱ nga xota̱ tsi̱ꞌe̱ Juaa̱ ko̱jo já fariseoo̱ tsꞌénkjáꞌa kjindiá yojoo̱, kó xota̱ tse̱ tsꞌenkjaꞌájín kjindiá yojoo̱.

Rkaa̱ 18:12

jó ndi̱yà tsꞌenkjaꞌa an kjindiá yojona nga ngo xomana̱, kó tsja an tie nga úchán to̱n xi tsꞌen an.”

Rkaa̱ 2:37

kó jè ichítié ko̱jo kantié nijón nó tjiín, kó ngatsjéni̱xtjin nga ki̱a̱ kisꞌijña ngi̱ya na̱ngo̱xi̱i̱, nga katsꞌén xaá Néná, nga ni̱xtjin ko̱jo nga ni̱xtji̱e̱n nga katsꞌénkjindiá, ko̱jo nga tsíchji̱a̱a̱ Néná.

Ni xi kamá 10:30

Kó bi̱ katsó Korniee̱: –Nijón ni̱xtjin tjínnií nga akakona ngo ni, mején ti̱ kuii̱ chi̱bo̱a̱, kꞌi̱e̱ ndiꞌana tikòn an nga tsꞌénchji̱a̱a̱ Néná nga chi̱bo̱a̱ ján nga kamángixoón, nga kamábe an ngo nda̱ xi tsꞌényajá ngo ńjño ꞌna̱,

Ni xi kamá 14:23

Kó Pabloo̱ ko̱jo Bernabee̱ xki̱ na̱ngo̱xi̱ katsjaá xá xota̱ xi xchá xí kꞌuíndotjoón na̱ngo̱xi̱i̱, kó ngije tsíchji̱a̱a̱ Néná, ko̱jo ngije jaꞌa nga katsꞌénkjindiá, Ndi̱a̱ná katsꞌéngatꞌaa̱ kui xota̱ xi je kisꞌijii̱n.

1 Xota̱ Korinto̱ 7:5

Ngata̱ ꞌbíxi̱a̱njínjnúu̱ yojojnú xingi̱jnú, ngototo tsi nga jójnú xi kꞌuíndajnú nga ku̱i̱ndyionxónjnú chiboa ni̱xtjin kjo̱a̱a̱ nga Néná ko̱ndókjo̱a̱jnúu̱, ta̱nga ngije jatjosón ni̱xtjin xi ikꞌíndajnú, ti̱ꞌantsjajo̱ nginíjnú xingi̱jnú, ngatꞌa̱ tsájmi̱ xindajín Satanaa̱ ka̱márií skjítꞌayákónjnú tsi ka̱maꞌniújínjnú yojojnú.

2 Xota̱ Korinto̱ 11:27

Jè tsie xá xí katsꞌen an xi katsꞌénkjiendana. Kjín ni̱xtjin indyiáńjñáa̱ yojona. Jè jaꞌatio an bojó ko̱jo xíndá. Kjín ndi̱yà jaꞌatio an kjindiá nga jmí ni iskjíni̱e̱jín an. Kjín ndi̱yà jaꞌatio an nchꞌàn, ko̱jo nga jmí ńjño kisꞌiejínna.

2 Xota̱ Korinto̱ 6:5

Ko̱jo nga tjifoájne̱, ko̱jo nga ndyi̱niꞌánchíkjo̱a̱jne̱ tsi tjín xi ndyi̱fíjo̱jne̱ ndo̱bo̱a̱yà, ko̱jo nga tjíbixkánjo̱jne̱, ko̱jo nga xá ꞌniú ndyi̱niꞌánjne̱, ko̱jo nga ńjñá, ko̱jo tsi kjindiá ndyi̱bitjatiójne̱.