Matioo̱ 6:14 - Xo̱jo̱n eén Néná

¹⁴ Ngatꞌa̱ tsi si̱ꞌanjetakónjnúu̱ xota̱ xi chꞌo tjítsójnú, ti̱ bo̱a̱ ti̱ tsꞌén sa̱ꞌínjetakónjnú Na̱ꞌmijnú xi tikón ndiꞌakꞌajmii̱,

Matioo̱ 6:14 ပူးပေါင်းရင်းမြစ်များ

Énkjínkón 21:13

Xota̱ xi tsꞌensénjiín xota̱ ni̱ma̱ xi ni̱ma̱ tsó nga ko̱si̱ko̱joo̱, ti̱nde kui si̱ꞌansénjiín kjiꞌanga kui ku̱i̱ꞌa nga ko̱siko̱jo.

Matioo̱ 5:7

Achichíra̱tsjaa̱ xota̱ xi ni̱ma̱ maa̱, ngatꞌa̱ kuí xí kjo̱chóꞌá kjo̱a̱ni̱ma̱takoón Néná.

Matioo̱ 6:12

Kó ti̱ꞌinjetakínjne̱ ni xi tjitjíe̱njne̱ ji̱n, xikótsꞌèn niꞌánjetakónjne̱ ngayeje xota̱ xi tjitjieén tsa̱ji̱n.

Matioo̱ 7:2

Ngatꞌa̱ xikótsꞌèn ndyi̱nfongitaꞌínjnú jé ngo xota̱, ti̱ bo̱a̱ ti̱ tsꞌén kjongítaꞌínjnú jún ngo jé, kó ti̱ kuii̱ yáchi̱bo̱a̱ xi si̱ꞌankjiénjnú jún nga xꞌi̱chi̱bo̱a̱jnú, ti̱ kuii̱ xi si̱ꞌankjién nga xꞌi̱chi̱bo̱a̱jojnú jún.

Markoo̱ 11:25

Kó kjiꞌanga ndyi̱ndokjo̱a̱jnúu̱ Néná, ti̱ꞌanjetakónjnú tsi tjín káꞌá xota̱ xi ngo ni xi ndajínkjiꞌi katsꞌénjo̱jnú, tsi̱ꞌe̱ nga kui Na̱ꞌmijnú xi tikón ndiꞌakꞌajmi jàn sa̱ꞌínjetakónjnú ni chꞌokjiꞌi xi kiꞌmíjnú jún.

Rkaa̱ 6:37

Ngata̱ fongitaꞌínjínjnú jé ngo xota̱, tsi̱ꞌe̱ nga Néná ko̱óngitaꞌínjínjnú ngo jé. Ti̱ꞌanjetakónjnúu̱ xingi̱jnú, kó Néná sa̱ꞌínjetakónjnú jún.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Xota̱ Kolosa̱ 3:13

Ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú, kó ti̱ꞌanjetakónjnúu̱ xingi̱jnú tsi tjín xí ko̱óngítaꞌínjnú. Xikó tsꞌén nga Kristoo̱ katsꞌénjetakónjnú, ti̱ bo̱a̱ ti̱ tsꞌén ti̱ꞌanjetakónjnú jún.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.