Matioo̱ 6:13 - Xo̱jo̱n eén Néná

¹³ Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Matioo̱ 6:13 ပူးပေါင်းရင်းမြစ်များ

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Xo̱jo̱n Salmoo̱ 10:16

Néná boá xi Re ta̱kjiꞌání, xota̱ na̱xi̱ńdá xí kisꞌińdo tꞌanangi xi tsi̱ꞌe̱ je jesón yeje.

Xo̱jo̱n Salmoo̱ 106:48

¡Ngatamachikonñé, ngotꞌe̱ ko̱jo ta̱ kjiꞌání, Nee̱ xota̱ Israee̱l! ¡«Bo̱a̱ kjiꞌi», nga tsó xota̱ na̱xi̱ńdaá Néná! ¡Si̱ꞌantsjàa̱ Néná!

Xo̱jo̱n Salmoo̱ 22:28

Ngatꞌa̱ Néná boá xi botixómá, kó kuí boá xi ko̱tíxomaa̱ ngayeje xota̱ na̱xi̱ńdaá.

Xo̱jo̱n Salmoo̱ 41:13

¡Ngatamachikonñé Nee̱ xota̱ Israee̱l, ndeskande ngasꞌe̱ kó ta̱kjiꞌání! ¡Bo̱a̱ kjiꞌi, bo̱a̱ kjiꞌi!

Xo̱jo̱n Salmoo̱ 47:2

¡Ngatꞌa̱ Néná xí tikón nkꞌajmi jàn achichí yandikón, kuí boá ngo re xi je xi tsi̱ꞌe̱ ngayeje nga̱sondiee̱!

Xo̱jo̱n Salmoo̱ 47:7

¡Ngatꞌa̱ Néná kuí boá xi Ree̱ ngayeje nga̱sondiee̱, ngatꞌiéjnú kjo̱a̱kjíntakón nga ko̱ndájnúu̱!

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Xo̱jo̱n Salmoo̱ 89:52

Ji Ne, ¡ngatsjéni̱xtjin nda ngandokjo̱a̱ kjo̱a̱a̱ ji! Bo̱a̱ kjiꞌi, bo̱a̱ kjiꞌi.

Éksondo̱ 15:18

»Ne tsa̱ꞌa̱n, jí boá xi ko̱ti̱xome ji ngotꞌe̱, ndyiojón ko̱jo ngatsjéni̱xtjin».

Énkjínkón 30:8

Kjin ti̱ꞌinkjeꞌéní ni xi jmí ni chjíjiín ko̱jo kjo̱a̱ndisoo̱, kó ngata̱ jmí kjo̱a̱ni̱ma̱ ko̱jo tsi kjo̱a̱cho̱n boeꞌéjínní, ta̱kuítsí nichinie xi skjíni̱e̱ an ndyiojón ndyiojón.

Matioo̱ 26:41

Ngata̱ tsjayojoféjínjnú, ta̱sá Néná ndókjo̱a̱jnúu̱, tsi̱ꞌe̱ nga chjátꞌayákónjínjnú, ja̱koxi̱ nga a̱si̱énni̱xtjinjnú ꞌniú tikón, ta̱nga inda tikón yojojnú.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Matioo̱ 5:37

Ta̱sá kjiꞌanga ko̱ndókjo̱a̱jnú «jo̱o̱n» tꞌínjnú tsi ngo ni xi bo̱a̱ kjiꞌi, kó «jmí» tꞌínjnú tsi ngo ni xi bo̱a̱jín kjiꞌi, ngatꞌa̱ ngayeje én xí sꞌi̱són ngasee̱, tsi̱ꞌe̱ xindajín boá.

Matioo̱ 6:10

Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén Jí kꞌi̱e̱ tꞌanangii̱, xikó kjima ndiꞌakꞌajmi jàn.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

1 Xota̱ Korinto̱ 14:16

Ngatꞌa̱ tsi ta̱ ini̱màa̱ xí tiniꞌínkjín kjiꞌanga tiniꞌíntsjée̱ Néná, kó tsi ku̱i̱ntꞌie̱é jí ngo nda̱ xi bejín ni xi tiniꞌín, kótsꞌèn nga “bo̱a̱ kjiꞌi” ka̱tso̱ nga tiboeꞌé ji ndokꞌóchjì, kjo̱a̱a̱ nga bejín ni xi tꞌísé.

2 Xota̱ Korinto̱ 1:20

Ngatꞌa̱ ngayeje ni xi katsóyàtjón Néná nga sa̱ꞌín kuí, fotjosón ngatꞌaa̱ Kristoo̱, kó kuíni nga “bo̱a̱ kjiꞌi” ꞌmí ñá nga boeꞌée̱ kjo̱a̱je Néná.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Ndeuteronomio̱ 8:16

Ngata̱ chíyájínjnú nga Néná katsjájnú nichinie xi ndibání ndiꞌakꞌajmii̱ ki̱a̱ nangi kixií, ngo nichinie xi jmíni̱xtjin kamábe xota̱ xi xchájnú. »Ngatjaꞌátsjienjnú nga Néná boá xi katsangiyajnú kui kjo̱a̱chjatꞌayákoón nganda tsa̱jún.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

2 Xota̱ Tesalónika̱ 3:3

Ta̱nga Ndi̱a̱ná tsꞌénkjátjosón ni xi chji̱a̱, kó kuí xí sa̱ꞌín nga ꞌniú ku̱i̱ndyiajnú, kó xín sa̱ꞌínkjaꞌaboaꞌájnú xindajín.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

Xota̱ Ebreo̱ 11:36

Kje̱ꞌe xi akajnóchá, ko̱jo akjaa̱, kó ngaskande ikítꞌaꞌniú ko̱jo ndo̱bo̱a̱yà katsangisꞌien.

1 Xo̱jo̱o̱n Peé 5:8

Nda ti̱ꞌankjójnú ni xi si̱ꞌánjnú, kó ti̱ndyiondajnú, ngatꞌa̱ kondra̱jnú kui xi xindajín ndiabloo̱, tsoꞌbá xikó maá ngo xandi̱je̱ xi tamá, nga tsꞌénmongase ꞌyání xi sa̱ꞌínkꞌién nga skji̱ni̱e̱.

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

Ni xi akakoo̱ 1:18

ko̱jo án boá xi tikòn an, kꞌien án ngasꞌe̱, ta̱nga ngotꞌe̱, tikòn án ngatsjéni̱xtjin, kó án boá xi tikónna yibii̱ nínga botíxomaa̱ kjo̱a̱bo̱yaa̱.

Ni xi akakoo̱ 19:1

Jaskan ngije kamá kui nii̱, tsintꞌie an ngo nda̱ xi ꞌniú askjandáyà xi kjindibáni ndiꞌakꞌajmii̱ xi xikoó tsi nda̱a̱ kjín xota̱, xi bi̱ katsó: ¡Nganiꞌántsjaá Ndi̱a̱ná! Kjo̱a̱ꞌnaxiéꞌaá, ko̱jo kjo̱a̱jee̱, ko̱jo ngaꞌniuú tsi̱ꞌe̱ Néná boá.

Ni xi akakoo̱ 19:4

Kó nga kan nijón xota̱ xi xchaá ko̱jo nga nijón kui xi síndoo̱ kixindyiaxtien ngaskande tꞌanangii̱, kó katsꞌéndikón Néná xí botixómaá, kó bi̱ katsó nga tsíchji̱a̱: –¡Bo̱a̱ kjiꞌi! ¡Nganiꞌántsjaá!

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 21:4

Kó kuí boá xi sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n kui xotaa̱, kó ngiti̱ jmíjín xi ko̱yà ngase, ti̱nde ngiti̱ jmíjín xi skja̱ndá ngase, ti̱nde ngiti̱ jmíjín xi ni̱ma̱ ka̱tso̱ ngase, ti̱nde ngiti̱ jmíjín xi on ka̱ma ngasee̱, ngatꞌa̱ ni xi kisꞌie ngasꞌe̱ jè ngiti̱ jmíjín.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱:

Ni xi akakoo̱ 5:13

Kó ti̱ tsintꞌie an nga ngayeje ni xi katsꞌénda Néná ndiꞌakꞌajmi jàn, ko̱jo tꞌanangii̱, ko̱jo ngindie tꞌanangii̱, ko̱jo ngi̱jii̱n ndáchíkoón, nga bi̱ katsó: ¡Kui xi botixómaá, ko̱jo cho̱tsa̱nga̱a̱, kui ngateꞌeé kjo̱a̱niꞌántsjaà, ko̱jo kjo̱a̱yandikón, ko̱jo kjo̱a̱je, ko̱jo ngaꞌniú tsi̱ꞌe̱ nga kui ko̱tíxoma ngatsjéni̱xtjii̱n!