Matioo̱ 6:10 - Xo̱jo̱n eén Néná

¹⁰ Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén Jí kꞌi̱e̱ tꞌanangii̱, xikó kjima ndiꞌakꞌajmi jàn.

Matioo̱ 6:10 ပူးပေါင်းရင်းမြစ်များ

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 40:8

Ji Ne tsa̱ꞌa̱n, nga tsꞌenkjatjosón an ni xi mejeén ji, kuí nii̱ xi tsie ngase kjo̱a̱tsja tsjána, ¡kó kjo̱a̱bokoyáa̱ ngi̱jin ini̱ma̱na tikónjin!

Matioo̱ 12:50

Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 26:42

Kó ti̱ kijí nginí Kjisoo̱ ingo ndi̱yà, ti̱ tsíchji̱a̱ nginií Néná, nga bi̱ katsó: –Na̱ꞌmi, tsi kjo̱a̱ꞌniútjínnií nga kjo̱a̱ꞌa an kui kjo̱a̱ni̱ma̱a̱, kjo̱a̱jiín, ngatama ni xi mejeén ji nga ka̱ma.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 4:17

Ngaskande koó kjiꞌa ítsꞌi̱yanii̱ Kjisoo̱ nga íni̱jmì eén Néná, kó bi̱ katsó: –Ti̱ꞌankꞌoyàjnú yojojnú, ngatꞌa̱ Néná jè tsá ko̱tíxoma.

Matioo̱ 7:21

Jmí tsi ngayeje xota̱ xi «Ndi̱a̱, Ndi̱a̱», ka̱tso̱na xi kꞌo̱sꞌien nínga botixómá Néná, ta̱kuítsí xi kꞌo̱sꞌien xi sa̱ꞌínkjatjosón ngayeje ni xi mejeén Na̱ꞌmina xi tikón ndiꞌakꞌajmi jàn.

Markoo̱ 11:10

¡Ngatamachikonñé ngi̱ndie nínga botíxoma xi sꞌe̱ ndibaá, nínga tsꞌénbotixómá xota̱ xi xcháná Ndabii̱! ¡Néná ngatꞌaxiéꞌáná ndiꞌakꞌajmi jàn!

Markoo̱ 3:35

Ngatꞌa̱ ngayeje xi sa̱ꞌínkjatjosón ni xi mejeén Néná, kuí xi̱ꞌba̱ xi ntsꞌié án, xi ndichja án, ko̱jo xi na̱anna.

Rkaa̱ 19:11

Ngije tsintꞌié kuí eén xotaa̱, Kjisoo̱ katsóyà kui énkjiín, ngatꞌa̱ je tikón tiña na̱xi̱ńdáꞌniú Jerusale̱n, kó kui jaá katsꞌénkjó nga Néná je ko̱tíxoma tji̱ꞌni̱u̱.

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Rkaa̱ 22:42

nga bi̱ katsó: –Na̱ꞌmi, tsi mejeén, chje̱ꞌéxín boeꞌéní kui kjo̱a̱ni̱ma̱a̱, ta̱nga jmí tsi ni xi xian an ni xi ngatama, ta̱sá ngatama ni xi mejeén jí.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 7:17

tsi tjín xí mejeén sa̱ꞌínkjatjosón ni xi mejeén Néná, sku̱i̱e̱ tsi tsi̱ꞌe̱ Néná ni xi bokoyá an, ko̱jo tsi tsa̱ꞌa̱n.

Ni xi kamá 13:22

Jaskan Néná jaꞌáxiín xaá Sauu̱l, kó Ndabii̱ íjñá ngajoo̱, kó bi̱ katsó Néná kjo̱a̱a̱ Ndabii̱: “Jè kasakona nga Ndabi̱ xi ndií Isaii̱ ngo nda̱ xi nda kasasiee̱n ini̱ma̱na, kuí boá xi sa̱ꞌín ngayeje ni xi mejénna.”

Ni xi kamá 21:14

Kó nga kamáꞌindakónjínjne̱, ta̱sá bi̱ kiꞌmíjne̱: –Ngatama ni xi mejeén Ndi̱a̱ná nga ka̱ma.

Ni xi kamá 22:14

Kó bi̱ katsó ngasena: “Kuí Nee̱ xota̱ tji̱e̱ xcháná xí jaꞌájiin ji tsi̱ꞌe̱ nga xchi̱e̱ ji ngayeje ni xi mejeén sa̱ꞌín, ko̱jo tsi̱ꞌe̱ nga xchi̱e̱ ji Kjiso̱ xi kixi̱i̱, kó ko̱nda̱ꞌyé ji nda̱a̱ nga tsꞌoa má xi ku̱i̱chji̱a̱joo,

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Xota̱ Éfeso̱ 6:6

Bo̱a̱ ti̱ꞌánjnú, ta̱nga jmí tsi ta̱ kjiꞌa tsí nga ndyi̱kotsijenjnú xotaa̱, ta̱sá xikoó nga moso̱ xi tsi̱ꞌe̱ Kristoo̱ májnú, kuíni nga ngayeje ini̱ma̱jnú nga ti̱ꞌánjnú ni xi mejeén Néná.

Xota̱ Kolosa̱ 1:13

Néná boá xi xín katsꞌénkjaꞌaboaꞌáná ngaꞌniuú ngi̱ndie nínga jñoó, kó jè kijíjo̱ná nínga tsꞌénbotixómá ndí tjoó,

Xota̱ Kolosa̱ 1:9

Kuíni nga ji̱n ndeskande koó nga kandaꞌyájne̱, ngatsjéni̱xtjin ndyi̱ndokjo̱a̱tjéjne̱ jún, ko̱jo ndyi̱chjiáꞌájne̱ Néná tsi̱ꞌe̱ nga ko̱kó cha̱n cha̱njnú ni xi mejeén nga si̱ꞌánjnú jún, ko̱jo tsi̱ꞌe̱ nga tsja̱ajnú ngayeje to̱ko̱ya kjo̱a̱kjínkón, ko̱jo nga A̱si̱énni̱xtjii̱n xi tsja̱ajnú nga ka̱makjínjnú ni xi tsi̱ꞌe̱ Néná.

1 Xota̱ Tesalónika̱ 4:3

Ngatꞌa̱ Néná mejeén nga jún tsjietsꞌén ku̱i̱ndyionjnú ngindyi̱ko̱n kui, nga xín si̱ꞌankjaꞌájnúu̱ yojojnú kjo̱a̱tondoo̱.

1 Xota̱ Tesalónika̱ 5:18

Te̱ꞌéjnúu̱ ndokꞌóchjì Néná kjo̱a̱a̱ ngayeje nii̱, ngatꞌa̱ kuí nii̱ xi mejeén Néná nga ko̱e̱ꞌéjnú jún xi je sꞌijinjnú Kristo̱ Kjisoo̱.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 10:36

Chjiéngá kꞌuiéjnú kjo̱a̱chiyákjo̱a̱, tsi̱ꞌe̱ nga si̱ꞌánjnú ni xi mejeén Néná, kó bo̱a̱ tsꞌén nga sa̱kójnú ni xi katsóyàtjón nga tsja̱á.

Xota̱ Ebreo̱ 10:7

Kuíni nga bi̱ kixian an: “Kꞌi̱e̱ tikòn an kꞌi̱e̱e̱, Ne, tsi̱ꞌe̱ nga sa̱ꞌinkjatjosón an ni xi mejeén ji, xikótsꞌèn kjitꞌa kui chꞌo̱ xo̱jo̱o̱n kjo̱a̱a̱ an.”

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

1 Xo̱jo̱o̱n Peé 2:15

Ngatꞌa̱ kuí nii̱ xi mejeén Néná: Kjiꞌanga nda si̱ꞌánjnú, kjiꞌá boá nga kjókjojnú tsꞌoa xota̱ xi bejín Néná, kó makjínjiín ni xi tsi̱ꞌe̱.

1 Xo̱jo̱o̱n Peé 4:2

tsi̱ꞌe̱ nga xikó kjiꞌi ni̱xtjin xi chaja ngasee̱ nga kꞌuijñá nga̱sondiee̱, kꞌuijñá xikótsꞌèn mejeén Néná, kó jmí tsi xikótsꞌèn mejeén kjo̱a̱niꞌánkjoó xotaa̱.

Ni xi akakoo̱ 11:15

Kó xi ma yito ndítsjiee̱ katsꞌénkjanie, sꞌe̱ ꞌniú kandaꞌyá kjín nda̱ ki̱a̱ ndiꞌakꞌajmii̱ xi bi̱ katsó: Ngayeje nga̱sondiee̱ je Ndi̱a̱ná ko̱jo Kristoo̱ ko̱tíxomaa̱, kó kuí xí ko̱tíxoma ngatsjéni̱xtjii̱n.

Ni xi akakoo̱ 12:10

Kó tsintꞌie an ngo nda̱ xi ꞌniú tsíchji̱a̱ ndiꞌakꞌajmii̱ xi bi̱ katsó: –Jè jeꞌe kjo̱a̱ꞌnaxiéꞌaá, ko̱jo ngaꞌniuú, ko̱jo kjo̱a̱botíxomaa̱ Néná, ko̱jo xaá Kristoo̱, ngatꞌa̱ jè ikiyotji̱ngii̱ kui xi tsꞌénbongítaꞌin ntsꞌié, kui xi nga ni̱xtjin ko̱jo nga ni̱xtji̱e̱n nga yíngítaꞌin ngindyi̱ko̱n Néná.

Ni xi akakoo̱ 19:6

Ti̱ tsintꞌie an ngo ni xi xikoó nda̱a̱ kjín xota̱, xikó má tsꞌén fonie ndáfoaa̱ ndejeèꞌ nga ꞌbóka, ko̱jo tsi xikótsꞌèn ꞌniú fonie cho̱ꞌo̱o̱n, xi bi̱ katsó: ¡Nganiꞌántsjaá Néná! Ngatꞌa̱ jè ítsꞌi̱yanii̱ nga ko̱tíxoma Ndi̱a̱ná, Néná xí tjiín ngaꞌniuú.

Ni xi akakoo̱ 20:4

Kó kamábe an nínga botíxoma, kó ki̱a̱ kisꞌińdosón kui xi katseꞌeé xá tsi̱ꞌe̱ nga ko̱tíjeé, kó ti̱ kamábe an a̱si̱énni̱xtjii̱n kui xota̱ xi ikichásén to̱ko̱ ta̱ngatꞌanii̱ nga jmíni̱xtjin íjñámasien ni xi akóyá Kjisoo̱ ko̱jo eén Néná, kuí xotaa̱ xi katsꞌéndikónjín cho̱ chꞌokjiꞌii̱ ko̱jo a̱sie̱én, ti̱nde katsjandièjín nga ikꞌíjñaá chi̱bo̱a̱a̱ kui cho̱o̱ xtjien ko̱jo tsja, kó kui xotaa̱ jaꞌáꞌyá nginií, kó nijan atíxomajo̱ Kristoo̱ ngo mi̱ nó.