Matioo̱ 5:7 - Xo̱jo̱n eén Néná

⁷ Achichíra̱tsjaa̱ xota̱ xi ni̱ma̱ maa̱, ngatꞌa̱ kuí xí kjo̱chóꞌá kjo̱a̱ni̱ma̱takoón Néná.

Matioo̱ 5:7 ပူးပေါင်းရင်းမြစ်များ

Xo̱jo̱n Salmoo̱ 112:4

Kó nga kuí boá xi ndaxota̱, xi kixi̱, ko̱jo xi tjiín kjo̱a̱chiyákjo̱a̱, kuíni nga kui xi ko̱ko̱ó ndi̱yà xota̱ xi kixi̱i̱, kuí boá xi ka̱ma xikoó ngo ndiꞌí xí tí nínga jñoó.

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 18:25

Ni̱ma̱ ka̱maa̱ xota̱ xi ni̱ma̱ maa̱, kó kixi̱ si̱ꞌinje̱ ji xota̱ xi kixi̱i̱.

Xo̱jo̱n Salmoo̱ 37:26

Ngatsjéni̱xtjin nga tjiín kjo̱a̱ni̱ma̱takón, kó tsꞌénkíyà, kó ndií, kjo̱a̱niꞌánchikonñé maá kje̱ꞌe xota̱.

Énkjínkón 11:17

Xota̱ xi ni̱ma̱ maa̱ kje̱ꞌe xota̱, ti̱kuíní ini̱ma̱a̱ xi nda tjítsꞌénjo̱, ta̱nga xota̱ xi ndajínxotaa̱, ti̱kuíní yojoo̱ xi ndajín tjítsꞌénjo̱.

Énkjínkón 11:25

Xota̱ xi tjiín ngo ini̱ma̱ xi nda nga bosikójo kje̱ꞌe xota̱, ndatsꞌèn kꞌuijñá, kó xota̱ xi tsja̱á nichinie kje̱ꞌe xota̱, ti̱ ko̱e̱ꞌeé kui nga.

Énkjínkón 14:21

Tjítsꞌénjé boá xota̱ xi ni̱ma̱kjo̱a̱ tsꞌénjo̱ xota̱ xi ngasee̱, ta̱nga achichíra̱tsjaa̱ xota̱ xi ni̱ma̱ maa̱ xota̱ xi ni̱ma̱a̱.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Markoo̱ 11:25

Kó kjiꞌanga ndyi̱ndokjo̱a̱jnúu̱ Néná, ti̱ꞌanjetakónjnú tsi tjín káꞌá xota̱ xi ngo ni xi ndajínkjiꞌi katsꞌénjo̱jnú, tsi̱ꞌe̱ nga kui Na̱ꞌmijnú xi tikón ndiꞌakꞌajmi jàn sa̱ꞌínjetakónjnú ni chꞌokjiꞌi xi kiꞌmíjnú jún.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Xota̱ Roma̱ 11:30

Ngasꞌe̱ jún kamámejénjínjnú nga kiniꞌánkjatjosónjnúu̱ Néná, ta̱nga ngotꞌe̱ ꞌne̱ tjisákójnú kjo̱a̱ni̱ma̱takoón Néná, ngatꞌa̱ xota̱ Israee̱l kamámejénjiín katsꞌénkjatjosón.

1 Xota̱ Korinto̱ 7:25

Kó kjo̱a̱ ngaá xota̱ xi síndo xo̱ngò kꞌaán, jmíjínna ngo kjo̱a̱botíxomaa̱ Ndi̱a̱ná xí tsjàa̱, ta̱nga xiyàa̱ ni xi bee̱ko̱n an, ngatꞌa̱ Néná katsjána kjo̱a̱ni̱ma̱takoón nga kui xi katsꞌénna ngo nda̱ xi si̱ꞌansꞌijíi̱n én xí ku̱i̱chji̱a̱.

2 Xota̱ Korinto̱ 4:1

Kó kuíni nga ta̱ngatꞌanii̱ kjo̱a̱ni̱ma̱takoón Néná nga katsjájne̱ kui xaá, kó ndyi̱niꞌankjiéjínjne̱ kjo̱a̱.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

1 Timoo̱ 1:13

ndatsi ngasꞌe̱ achichí chꞌo kixian an kondraa̱ kui, tsangatji̱ngíi̱ xota̱ xi tsi̱ꞌe̱, ko̱jo chꞌo kixiáa̱n. Ta̱nga Néná ni̱ma̱ kamaá an, ngatꞌa̱ kui ni̱xtjin jàn kji̱e̱ sꞌijinjínna Kristoo̱, kó bejín an ni xi katsꞌen an.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

1 Xo̱jo̱o̱n Peé 2:10

Jún xi kje̱ꞌe ni̱xtjin nde ngo xota̱ na̱xi̱ńdá kamájínjnú, ta̱nga ngotꞌe̱ ꞌne̱, xota̱ na̱xi̱ńdaá Néná boá jún. Néná ni̱ma̱jín kamaá jún ngasꞌe̱, ta̱nga ngotꞌe̱ ꞌne̱ Néná ni̱ma̱ máa jún.