Matioo̱ 5:6 - Xo̱jo̱n eén Néná

⁶ Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Matioo̱ 5:6 ပူးပေါင်းရင်းမြစ်များ

Xo̱jo̱n Salmoo̱ 107:9

¡Néná foaꞌáxín xíndaá xota̱ xi xíndaá, kó foaꞌáxín bojoó xota̱ xi bojoó!

Xo̱jo̱n Salmoo̱ 145:19

Jí boá xi niꞌínsée̱n nga ꞌniú chji̱a̱a̱ kui xota̱ xi bendikoón, kó boeꞌée̱ ni xi chjieén, kó ꞌnaxiéꞌé ji.

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 63:5

¡Nda stsi̱e̱é ini̱ma̱na xikó maá tsi yojo ko̱jo tsi xinié jè iskjinie! ¡Kó ndso̱ꞌba án achichí tsjá ka̱maa̱ nga sa̱ꞌíntsjaá!

Xo̱jo̱n Salmoo̱ 65:4

¡Achichí kjo̱a̱niꞌánchikonñé sakoó kui xota̱ xi ki̱a̱ tiña síndotꞌaa̱, kui xi ti̱ ki̱a̱ síndo na̱ngo̱xi̱i̱ nga! Achichí nda tsiejne̱ kjo̱a̱a̱ kui nichinie xi ji nangiyejne̱.

Xo̱jo̱n Salmoo̱ 84:2

Achichí ni xi kjimaa̱ ini̱ma̱na nga mejeén nga ki̱a̱ kꞌuíjñá ndi̱tsee̱n na̱ngo̱xi̱i̱ ji Ne, ¡ini̱ma̱na ko̱jo yojona mejeén nga si̱eé kui Néná xí tikoón.

Énkjínkón 10:24

Ni xi tsakjón nga ka̱maa̱ xota̱ xi ndajiín, kuí boá ni xi ka̱maa̱, kó ni nda xi mejeén nga ka̱maa̱ xota̱ xi kixi̱i̱, kuí boá ni xi kjo̱tjosoón.

Énkjínkón 21:21

Xota̱ xi fítji̱ngi kjo̱a̱kixi̱i̱ ko̱jo kjo̱a̱ni̱ma̱takoón, kuí boá xi sa̱ko̱ó kjo̱a̱mindyion, ko̱jo kjo̱a̱kixi̱ ko̱jo kjo̱a̱yandikón.

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Rkaa̱ 1:53

Xota̱ xi bojoó katsjaá nichinie, kó xota̱ xi cho̱o̱n katsꞌénkjítiya.

Rkaa̱ 6:21

Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Rkaa̱ 6:25

Xi̱xꞌi̱a̱njnú jún xi ngotꞌe̱ kitsiejnú, ngatꞌa̱ sꞌe̱ ka̱mabojójnú. Xi̱xꞌi̱a̱njnú jún xi ngotꞌe̱ ndyi̱mojnó jún, ngatꞌa̱ sꞌe̱ on ka̱majnú, ko̱jo sꞌe̱ xchaꞌájnú.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 7:37

Kó ni̱xtjin nga kjifetꞌa sꞌué xí ꞌboxié kui xotaa̱, Kjisoo̱ kasasienkixi̱, sꞌe̱ ꞌniú tsíchji̱a̱, nga bi̱ katsó: –Tsi tjín xí xíndaá, ngatjandibakónna tsi̱ꞌe̱ nga ngiti̱ ka̱ma xíndájiín.

Ni xi akakoo̱ 7:16

Ngiti̱ jmí kjo̱a̱ni̱ma̱ kjo̱a̱ꞌatiojín nga ka̱ma bojó, ko̱jo nga ka̱ma xíndaá, ti̱nde sa̱ꞌínchjánjiín ndoboaá, ti̱nde sa̱ꞌínniꞌínjiín sibeé,