Matioo̱ 5:5 - Xo̱jo̱n eén Néná

⁵ Achichíra̱tsjaa̱ xota̱ xi ntꞌiéꞌén, ngatꞌa̱ kuí xí sa̱ko̱ó tꞌanangi xi katsó Néná nga tsja̱aná.

Matioo̱ 5:5 ပူးပေါင်းရင်းမြစ်များ

Xo̱jo̱n Salmoo̱ 147:6

Néná tsꞌénkjastjíe̱n xota̱ xi ni̱ma̱kjo̱a̱a̱, ta̱nga ni̱ma̱kjo̱a̱ ꞌbíndo xota̱ xi ꞌniú ndajiín.

Xo̱jo̱n Salmoo̱ 149:4

Ngatꞌa̱ Néná achichí tjoó xota̱ na̱xi̱ńdaá, kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.

Xo̱jo̱n Salmoo̱ 22:26

Xota̱ ni̱ma̱a̱ skji̱ni̱e̱ ko̱jo kꞌuí, kó stsi̱e̱ cha̱n cha̱a̱n, kó xota̱ xi mongase Néná, ngatsꞌèntsjaà. ¡Ngatsjéni̱xtjin ngatꞌíjñá ini̱ma̱jnú!

Xo̱jo̱n Salmoo̱ 25:13

Tji̱e̱nga tjíndo, nda ko̱e̱je̱e̱, kó xota̱ tji̱e̱e̱ sa̱ko̱ó tꞌanangi.

Xo̱jo̱n Salmoo̱ 25:9

Kuí boá xi ko̱e̱je̱jo xota̱ xi ni̱ma̱kjo̱a̱a̱ ndi̱yà xí kixi̱i̱, kó ko̱kóyaá xota̱ xi ntꞌiéꞌeén ndi̱yà xí ko̱e̱je̱.

Xo̱jo̱n Salmoo̱ 37:11

Ta̱nga xota̱ xi ntꞌiéꞌeén sa̱ko̱ó tꞌanangii̱, xi achichí tsjá ka̱maa̱ kjo̱a̱a̱ kjo̱a̱xió tsie xi kꞌuieé.

Xo̱jo̱n Salmoo̱ 37:22

Ngatꞌa̱ xota̱ xi Néná jè katsꞌénchikonñé kuí boá xi sa̱ko̱ó tꞌanangii̱, ta̱nga xota̱ xi Néná jè bo̱a̱ katsó nga ndajín ka̱maa̱, si̱ꞌankjie.

Xo̱jo̱n Salmoo̱ 37:29

Xota̱ xi kixi̱i̱ boá xi sa̱ko̱ó tꞌanangii̱, kó ngatsjéni̱xtjin nga ki̱a̱ kꞌuíndo.

Xo̱jo̱n Salmoo̱ 37:34

Chiyéràa̱ nga ko̱síko̱joo̱ Néná, kó tꞌenra ji ndi̱ya̱à kui, ngatꞌa̱ kuí boá xi nkꞌa ku̱i̱ꞌíjñaá kjiꞌanga tsja̱á kui tꞌanangii̱, ¡Kó jí má xi xchi̱e̱ ji, kjiꞌanga si̱ꞌankjie xota̱ xi ndajiín!

Xo̱jo̱n Salmoo̱ 37:9

Ngatꞌa̱ xota̱ xi ndajiín si̱ꞌankjie, ta̱nga xota̱ xi Néná ndyi̱koyaa̱, kuí boá xi sa̱ko̱ó tꞌanangii̱.

Xo̱jo̱n Salmoo̱ 69:32

Kjiꞌanga sku̱i̱e̱ kui nii̱ xota̱ xi ndyi̱foaꞌatio kjo̱a̱ni̱ma̱a̱ achichí tsjá ka̱maa̱. ¡Jún xi ndyi̱mindyiséjnú Néná, ti̱ꞌanꞌniútakónjnú ini̱ma̱jnú!

Xki̱ 12:3

kó tsjajín kamaá ni xi tsintꞌié, ngatꞌa̱ Moisee̱ kuí boá xi ꞌniú ni̱ma̱kjo̱a̱ ngi̱jii̱n ngayeje xota̱ xi tjín nga̱sondiee̱.

Matioo̱ 11:29

Chꞌi̱a̱jnú kui yá é xí tsꞌéntsjájnúꞌun, kó ngatamajnú ni xi tsꞌénbokoyájnúꞌun, ngatꞌa̱ ntꞌiéꞌén án ko̱jo nda ini̱ma̱na, kó bo̱a̱ tsꞌén ka̱ma sa̱ꞌínkjaꞌyá ini̱ma̱jnú.

Matioo̱ 21:5

Bi̱ tꞌínjnúu̱ xota̱ na̱xi̱ńdáꞌniú Jerusale̱n: «Jànꞌa̱n, ki̱a̱ tsꞌéndibákoón nda̱ Rée̱, nda̱ xi ntꞌiéꞌeén, kó ngo bórró tikónsoón, ngo ndí bórró, ndií cho̱ xi bonkꞌá chꞌià.»

Xota̱ Roma̱ 4:13

Ngatꞌa̱ jmí tsi kjo̱a̱a̱ kjo̱a̱kitii̱ nga Abraa̱n, ko̱jo xota̱ tji̱e̱e̱ katseꞌeé ni xi katsó Néná nga kui nga̱sondiee̱ tsi̱ꞌe̱ ka̱ma, ta̱ngatꞌanií kjo̱a̱kixi̱i̱ kjo̱a̱sꞌijii̱n.

Xota̱ Ngalasia̱ 5:23

ko̱jo kjo̱a̱ndaꞌyáꞌén, ko̱jo kjo̱a̱a̱ nga ka̱máná kꞌuíꞌniúu̱ yojoná ni xi chꞌokjiꞌii̱, tsi kui nii̱ xi si̱ꞌán, jmíjín ngo kjo̱a̱kiti xi ku̱i̱ꞌíchjáná.

Xota̱ Éfeso̱ 4:2

Nga xota̱ xi ni̱ma̱kjo̱a̱, ko̱jo xi ntꞌiéꞌén ka̱majnú, tsie takón ngatamajnú, kó ja̱kꞌi̱e̱ ja̱ngaján ti̱ꞌanchíkjo̱a̱jnúu̱ xingi̱jnú nga kꞌuiéjnú kjo̱a̱tjó.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

Titoo̱ 3:2

Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

Xo̱jo̱o̱n Sandiyaá 1:21

Kó kuíni nga chja̱ꞌáxínjnúu̱ yojojnú ngayeje ni xi ndándí ko̱jo ngayeje ni xi ndajín xi achichí tjín kuí nga̱sondiee̱, kó ni̱ma̱kjo̱a̱ ngatamajnú nga si̱ꞌanjo̱ꞌojnú kui én xí Néná je ítji̱e̱jin ngi̱jin ini̱ma̱jnú, ngatꞌa̱ kui eén tjínrií ngaꞌniú tsi̱ꞌe̱ nga kꞌo̱xiéꞌájnú.

Xo̱jo̱o̱n Sandiyaá 3:13

ꞌYání xi kjínkón ko̱jo xi ꞌniú makjiín ngi̱jinjnú. Nga ta̱kó kui nii̱ nga nda ni xi sa̱ꞌín, kó ni̱ma̱kjo̱a̱ ngatama nga sa̱ꞌín ni xi tsjaá kui kjo̱a̱kjínkón xi ndaa̱.

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.

1 Xo̱jo̱o̱n Peé 3:4

Ta̱sá ngi̱jii̱n ini̱ma̱jnú ngatꞌijñaá ngo kjo̱a̱fonda xi kjo̱tsònjín nga kꞌuiéjnú ngo a̱siénni̱xtjin xi nda ko̱jo xi xió. Kuí kjo̱a̱tsjakjiꞌii̱ xi ꞌniú chjínií ngindyi̱ko̱n Néná.