Matioo̱ 5:48 - Xo̱jo̱n eén Néná

⁴⁸ Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Matioo̱ 5:48 ပူးပေါင်းရင်းမြစ်များ

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Xo̱jo̱n Salmoo̱ 37:37

Nda nda má ti̱ꞌinkjé jí ko̱jo tsitsíjìi̱n xota̱ xi kixi̱i̱, ngatꞌa̱ achichí nda fetꞌani ni̱xtjii̱n kui nda̱ xi tjiín kjo̱a̱xioó,

Lebitiko̱ 19:2

tsi̱ꞌe̱ nga tsja̱á kui eén xota̱ Israee̱l: «Án boá xi nee̱ xota̱ Israee̱l, kó bo̱a̱jín kón an xikoó ne xi ngasee̱. Kuíni nga jún, chjiéngá bo̱a̱jín kón ka̱majnú xikoó xota̱ na̱xi̱ńdá xí ngasee̱.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 5:45

tsi̱ꞌe̱ nga ndií Na̱ꞌminá xí tikón ndiꞌakꞌajmi jàn ka̱majnú, ngatꞌa̱ kuí xí tsꞌentjoó tsꞌueé xota̱ xi nda ko̱jo xi ndajín, kó kuí xí tsꞌénkáꞌaá stseé xota̱ xi kixi̱ ko̱jo xi kixi̱jín.

Matioo̱ 5:47

Kó tsi ta̱ ntsꞌié tsí xi si̱ꞌintinde ji, mí ta̱ ni xi tiniꞌín ngase ji. A mí tsí ngaskande xota̱ xi jundío̱jiín xi tsꞌén kuí nii̱ nga.

Rkaa̱ 6:36

Chjiéngá ni̱ma̱takón ngatamajnú, xikótsꞌèn ni̱ma̱ maa̱ Na̱ꞌmijnú.

Rkaa̱ 6:40

Nda̱ xi tjibókoyaá ꞌniújín ngase ka̱maa̱ ta̱bo̱a̱jínnii̱ mostroo̱, ta̱nga ngije akakoyaá kui nda̱a̱, bo̱a̱ ti̱ tsꞌén ka̱maa̱ xikoó kui mostroo̱.

2 Xota̱ Korinto̱ 13:11

Kó nga fetꞌanii̱ ni xi xiyàjnúꞌun já ntsꞌie, mejénna nga kꞌuiéjnú kjo̱a̱tsja, ti̱ndyi̱séjnú nga xota̱ xi kixi̱ ndo̱jò ndójo̱ ka̱majnú, te̱ꞌéngaꞌniújnúu̱ xingi̱jnú, kó ti̱ bo̱a̱ ti̱ tsꞌén ngasꞌiejnú jún nga, ngatꞌiéjnú kjo̱a̱xió, kó bo̱a̱ tsꞌén nga Néná xi tjiín kjo̱a̱xioó, ko̱jo xi tjiín kjo̱a̱tjoó nga tꞌíjñajinjnú.

2 Xota̱ Korinto̱ 13:9

Achichí tsjá májne̱ nga tsó xotaa̱ nga ji̱n jmíjínjne̱ ngaꞌniú, kó nga jún tjínjnú ngaꞌniú xí tsjá Néná. Ta̱kó ndyi̱ndokjo̱a̱jne̱ Néná, tsi̱ꞌe̱ nga ka̱ma kixi̱ ndo̱jò ndójo̱jnú xikótsꞌèn mejeén kui.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Xota̱ Éfeso̱ 3:1

Kó kuíni nga an, Pabloo̱, ndo̱bo̱a̱yà tikòn an ta̱ngatꞌanii̱ Kristo̱ Kjisoo̱, nganda tsa̱jún xi xota̱ xi jundío̱jínjnú.

Ndeuteronomio̱ 27:10

Kuíni nga, chjiéngá ko̱nda̱ꞌyáꞌénjnúu̱ ngayeje nii̱, ko̱jo nga si̱ꞌankjatjosónjnúu̱ kjo̱a̱botíxoma xi ngotꞌe̱ je katsjajnúꞌun».

Xota̱ Kolosa̱ 1:28

Kristo̱ xi̱ꞌbi̱ xi ndyi̱ꞌbíni̱jmìjne̱, kó ndyi̱botíxomajne̱ ngayeje xotaa̱, kó ndyi̱bokoyájne̱ nga ndyi̱niꞌánkjiénjne̱ ngayeje kjo̱a̱kjínkón xi tsja̱ajne̱ Néná, tsi̱ꞌe̱ nga kui xotaa̱ xi ka̱ma xikoó xota̱ xi sꞌijii̱n Kristoo̱ xikótsꞌèn mejeén Néná.

Xota̱ Kolosa̱ 4:12

Tinde xò bo̱a̱ tsó nda̱ xi ꞌmí Epafraa̱, xi nda̱ nangijnú ma, xi ti̱ mosoo̱ Kristoo̱ nga, kui nda̱a̱ ngatsjéni̱xtjin nga ngayeje ini̱ma̱a̱ nga tsꞌénmíꞌatjéjnú jún nga chji̱a̱a̱ Néná, tsi̱ꞌe̱ nga ꞌniú ku̱i̱ndyiajnú nga ka̱mando̱jo kjin kjinjnú nga si̱ꞌánjnú ngayeje ni xi mejeén Néná.

Xo̱jo̱o̱n Sandiyaá 1:4

Kó bo̱a̱ tsꞌén kjiꞌanga ndyi̱niꞌánchíkjo̱a̱jnú, ndyi̱boeꞌéndièjnúu̱ kui kjo̱a̱chiyákjo̱a̱a̱ nga sa̱ꞌín ndo̱jò xaá ngi̱jin ini̱ma̱jnú, tsi̱ꞌe̱ nga ka̱majnú jún xi chjiéngá ka̱majnú, kó nga ka̱ma xcha̱ nda ndajnú ngi̱yaa̱ kjo̱a̱sꞌijii̱n Néná, kó nga ngojín ni xcha̱jàjnú.

1 Xo̱jo̱o̱n Juaa̱ 3:3

Kó ngayeje xota̱ xi ndyi̱koyaa̱ kui, ndyi̱tsꞌèntsjie yojoo̱ ngindyi̱ko̱n Néná, xikótsꞌèn tsjie Jesukristoo̱.