Matioo̱ 5:46 - Xo̱jo̱n eén Néná

⁴⁶ Ngatꞌa̱ tsi ta̱kuítsí xota̱ xi tjoó jún xi si̱ꞌantjójnú, mí ni xi nda xi sa̱kójnú. A mí tsí ngaskande xota̱ xi foaꞌáꞌyá to̱n xi machjítjé nii̱ xi tsꞌén kuí nii̱ nga.

Matioo̱ 5:46 ပူးပေါင်းရင်းမြစ်များ

Matioo̱ 11:19

Jaskan jeꞌe ndií nda̱ xi̱ꞌii̱n, nda̱ xi iskjinie, ko̱jo xi katsꞌe, kó jún, bi̱ kiꞌmíjnú: Kꞌi̱e̱ tikón ngo nda̱ xi xki̱ꞌá, nda̱ chꞌi̱, nda̱ amingoo̱ já xí foaꞌáꞌyá to̱n xi machjítjé ni ko̱jo xota̱ jé. Ta̱nga kjo̱a̱kjínkoón Néná ka̱makixi̱ni kjo̱a̱a̱ ndií.

Matioo̱ 18:17

kó tsi ti̱nde bo̱a̱ tsꞌén ku̱i̱ntꞌiéꞌénjín, tꞌíyée̱ xota̱ na̱ngo̱xi̱i̱, kó tsi ti̱nde bo̱a̱ tsꞌén ku̱i̱ntꞌiéꞌénjiín ni xi ka̱tso̱o̱ kui xotaa̱, ja̱ ta̱sá xikoó tsi ngo xota̱ xi jundío̱jín ngatamaa̱ kui nda̱a̱, ko̱jo tsi xikoó ngo nda̱ xi foaꞌáꞌyá to̱n xi machjítjé nii̱.

Matioo̱ 5:47

Kó tsi ta̱ ntsꞌié tsí xi si̱ꞌintinde ji, mí ta̱ ni xi tiniꞌín ngase ji. A mí tsí ngaskande xota̱ xi jundío̱jiín xi tsꞌén kuí nii̱ nga.

Matioo̱ 6:1

Ngata̱ ngindyi̱ko̱n xota̱jín niꞌánjnú kjiꞌanga ngo ni xi kixi̱ si̱ꞌánjnúu̱ ngo xota̱, tsi̱ꞌe̱ nga sku̱i̱e̱ nga nda ndyi̱niꞌánjnú, tsi bo̱a̱ si̱ꞌánjnú, Na̱ꞌminá xí tikón ndiꞌakꞌajmi jàn tsja̱ajínjnú ni xi je tikónndaa̱.

Markoo̱ 2:15

Ngo ndi̱yà nga Kjisoo̱ tikóntꞌa yámíxa̱ nga tsꞌénkjinie ṉño̱ ndiꞌaa̱ Lebii̱, achichí má já xí foaꞌáꞌyá to̱n xi machjítjé ni, ko̱jo xota̱ jé, ko̱jo xota̱ tsi̱ꞌe̱ Kjisoo̱ xi síndotꞌajo̱, ngatꞌa̱ achichí kamá xota̱ xi kijítji̱ngii̱.

Markoo̱ 2:16

Kó já chji̱ni̱e̱kjo̱a̱kitii̱ ko̱jo já fariseoo̱, nga kamábe nga Kjisoo̱ tsꞌénkjiniejo̱ ṉño̱ já xí foaꞌáꞌyá to̱n xi machjítjé nii̱, ko̱jo xota̱ jeé, bi̱ katsó nga asíyaá xota̱ tsi̱ꞌe̱ Kjisoo̱: –Mí ni xi̱ꞌbi̱, nga mostro̱jnú tsꞌénkjiniejo̱ ṉño̱ já xí foaꞌáꞌyá to̱n xi machjítjé ni ko̱jo xota̱ jé.

Rkaa̱ 15:1

Achichí xota̱ xi foaꞌáꞌyá to̱n xi machjítjé ni, ko̱jo xota̱ jé kijíkóntiñaa̱ Kjisoo̱, tsi̱ꞌe̱ nga tsintꞌieé ni xi tsíchji̱a̱,

Rkaa̱ 18:13

Ta̱nga nda̱ xi foaꞌáꞌyá to̱n xi machjítjé nii̱, kjin kisꞌijña, nde kamámejénjiín askotsijen ndiꞌakꞌajmi jàn, kó ta̱soboá tji̱ngo̱ yeꞌeé ni̱se̱e̱n, nga bi̱ katsoó Néná: “Na̱ꞌmi, ngatamani̱ma̱a̱ an, ngatꞌa̱ xota̱ jé án.”

Rkaa̱ 19:2

Ki̱a̱ kisꞌijña ngo nda̱ cho̱n xi ꞌmí Sakeo̱, kó ngito̱ko̱o̱ já xí foaꞌáꞌyá to̱n xi machjítjé ni kamá kui nda̱a̱,

Rkaa̱ 19:7

Kó nga kamábe ngayeje xotaa̱, bi̱ katsoó xkjín: Ndiꞌaa̱ ngo nda̱jé kꞌuijñá.

Rkaa̱ 3:12

Ti̱ bo̱a̱ ti̱ tsꞌén jachókatíndá yojoo̱ já xí foaꞌáꞌyá to̱n xi machjítjé ni, kó bi̱ katsó nga asíyaá Juaa̱: –Ji Mostro̱, mí ni xi ka̱ma si̱ꞌanjne̱ ji̱n.

Rkaa̱ 5:29

Kó Lebii̱ ngo sꞌué ꞌniú katsꞌeén Kjisoo̱ ki̱a̱ ndiꞌaa̱, kó kjín já xí foaꞌáꞌyá to̱n xi machjítjé ni, ko̱jo kje̱ꞌe xota̱ xi nijan kisꞌińdotꞌajo̱ yámíxa̱.

Rkaa̱ 5:30

Kó já chji̱ni̱e̱kjo̱a̱kitii̱ ko̱jo já fariseoo̱, tsíchji̱a̱taꞌin xota̱ tsi̱ꞌe̱ Kjisoo̱, nga bi̱ katsó: –Míkjo̱a̱a̱ nga jún ndyi̱chiniejo̱ ko̱jo ndyi̱ꞌyòjo̱jnú ni xota̱ xi foaꞌáꞌyá to̱n xi machjítjé ni ko̱jo xota̱ jé.

Rkaa̱ 7:29

Kó ngayeje xota̱ na̱xi̱ńdá ko̱jo já xí foaꞌáꞌyá to̱n xi machjítjé nii̱, nga tsintꞌieé Juaa̱, katsꞌénkixi̱ yojoo̱ ngindyi̱ko̱n Néná, nga katsjandiè nga Juaa̱ atíndá,

Rkaa̱ 7:34

Jaskan jeꞌe ndií nda̱ xi̱ꞌii̱n, nda̱ xi iskjinie, ko̱jo xi katsꞌe, kó bi̱ kiꞌmíjnúu̱: Kui nda̱a̱, nda̱ xki̱ꞌá, nda̱ chꞌi̱, nda̱ amingoo̱ já xí foaꞌáꞌyá to̱n xi machjítjé ni ko̱jo xota̱ jé boá xi̱ꞌbi̱.