Matioo̱ 5:37 - Xo̱jo̱n eén Néná

³⁷ Ta̱sá kjiꞌanga ko̱ndókjo̱a̱jnú «jo̱o̱n» tꞌínjnú tsi ngo ni xi bo̱a̱ kjiꞌi, kó «jmí» tꞌínjnú tsi ngo ni xi bo̱a̱jín kjiꞌi, ngatꞌa̱ ngayeje én xí sꞌi̱són ngasee̱, tsi̱ꞌe̱ xindajín boá.

Matioo̱ 5:37 ပူးပေါင်းရင်းမြစ်များ

Matioo̱ 13:19

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Matioo̱ 13:38

kó jno̱o̱, kuí xí nga̱sondiee̱, kó xojmá xi ndaa̱, kuí xí xota̱ xi tsi̱ꞌe̱ nínga botixómá Néná, kó xka̱ xi ndajiín, kuí xí xota̱ xi tsi̱ꞌe̱ xindajín,

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Matioo̱ 5:36

Ti̱nde ngata̱ takojínjnú niꞌánkjiénjnú nga ngiboanéná kꞌuínjnú, ngatꞌa̱ nde ka̱májínjnú si̱ꞌánjmájnú ko̱jo tsi si̱ꞌantiboájnú ngo tsja̱tokójnú.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Juaa̱ 8:44

Na̱ꞌmijnú xindajín ndiabloo̱ boá, kó ni xi mejeén xindajín kuí ni xi mejénjnú si̱ꞌánjnú. Ngaskande koó nga ítjatsꞌennii̱ nga̱sondiee̱ nga xindajín ini̱ma̱ tsꞌenkꞌién, ko̱jo ndiso, ngatꞌa̱ jmí ja̱koxi̱jiín. Kjiꞌanga chji̱a̱ éndísó, nii̱rí xí chji̱a̱, ngatꞌa̱ ndiso kuí, kó kuí boá xi na̱ꞌmii̱ kjo̱a̱ndisoo̱.

Xota̱ Éfeso̱ 4:25

Kó kuíni nga ngiti̱ ꞌbíndisójínjnú, ta̱sá én xí ja̱koxi̱ xi ndókjo̱a̱jojnú xotaa̱, ngatꞌa̱ ngayeje ñá, ta̱ ngo tsí yojo ndokjo̱a̱.

Xota̱ Éfeso̱ 6:16

Ngatsjéni̱xtjin chjábéjnú kjo̱a̱sꞌijii̱n, kó kui xi ngatamajnú xikoó ngo ki̱cha̱ xi ꞌbíchjaá ni xi ndajín xi tsꞌénkjién ngo nda̱jun. Kuí kjo̱a̱sꞌijii̱n xi ngatꞌíchjaá kjiꞌanga xindajín ka̱mamejeén sa̱ꞌínꞌónjnú.

Xota̱ Kolosa̱ 3:9

Ngata̱ ja̱kꞌi̱e̱ ja̱ngajánjín ꞌbíndisojo̱jnú xingi̱jnú, ngatꞌa̱ jè xikoó tsi je ikꞌiéjnú ńjño xchá xí kichajájnú ngasꞌe̱.

Xota̱ Kolosa̱ 4:6

Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.

2 Xota̱ Tesalónika̱ 3:3

Ta̱nga Ndi̱a̱ná tsꞌénkjátjosón ni xi chji̱a̱, kó kuí xí sa̱ꞌín nga ꞌniú ku̱i̱ndyiajnú, kó xín sa̱ꞌínkjaꞌaboaꞌájnú xindajín.

Xo̱jo̱o̱n Sandiyaá 5:12

Jún ntsꞌie, ꞌniú míꞌájnúꞌun kui nii̱: Kjiꞌanga tjín xí ko̱síyájnú ngo ni, ngata̱ ngiboanénájín ꞌmíjnú nga si̱ꞌankjiénjnú jaꞌeén ndiꞌakꞌajmii̱, ko̱jo tsi tsi̱ꞌe̱ tꞌanangii̱, ko̱jo tsi tsi̱ꞌe̱ kje̱ꞌe ni, ta̱sá “jo̱o̱n” tꞌínjnú, tsi bo̱a̱ kjiꞌi kui nii̱, kó “jmí” tꞌínjnú, tsi bo̱a̱jín kjiꞌi kui nii̱, tsi̱ꞌe̱ nga ko̱tíjéjínjnú Néná.

1 Xo̱jo̱o̱n Juaa̱ 2:13

Jún xi xi xchájnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kamáyàjnú kui xi ja̱bo̱a̱ je tikón ndeskande koó nga ítjatsꞌennii̱ nii̱. Jún xi xo̱ngòjnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kiniꞌánjnúu̱ nga kiniꞌánchajajnú xindajiín. Tjítsꞌenꞌindójnúꞌun kui xo̱jo̱o̱n jún xi ndí ndína jún, ngatꞌa̱ jè kamáyàjnú Na̱ꞌmii̱.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

1 Xo̱jo̱o̱n Juaa̱ 5:18

Jè ya ñá nga ngayeje xota̱ xi Néná je katsjaá nga ndií kui ka̱ma, ngájiín nga tsꞌénjé, ngatꞌa̱ ndií kui Na̱ꞌmii̱ tsꞌénkoón kui xota̱ xi̱ꞌba̱, kó xindajín tsꞌénjo̱jín.