Matioo̱ 5:30 - Xo̱jo̱n eén Néná

³⁰ Kó tsi ndse̱ kixi̱ ko̱ngijeé, ti̱chétꞌe kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱ ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:30 ပူးပေါင်းရင်းမြစ်များ

Matioo̱ 11:6

Kó achichíra̱tsjaa̱ xi ta̱ngatꞌajiín án nga sti̱ngíni.

Matioo̱ 13:21

ta̱nga nga jmí ja̱ma̱jiín, kuíni nga ta̱ chiboa tsí ꞌbondíyaá, ngatꞌa̱ kjiꞌanga ta̱ngatꞌanii̱ eén Néná foaꞌatio ngo kjo̱a̱ni̱ma̱, ko̱jo tsi miyotji̱ngii̱, tji̱e̱nmá ꞌbijñámasien ni xi tsi̱ꞌe̱ Néná.

Matioo̱ 16:23

Kjisoo̱ askoꞌá Peé, sꞌe̱ bi̱ katsoó: ¡Tji̱taxínboeꞌéní xindajín Satana̱! Ngatꞌa̱ ni xi stingí an kjima ji, ngatꞌa̱ jmí tsi nii̱ Néná xi tifojintakín ji, nii̱ xotaa̱ boá xi tifojintakín.

Matioo̱ 17:27

Ta̱nga tsi̱ꞌe̱ nga sa̱ꞌínxchánjín já xí foaꞌáchjí to̱n xi machjítjé nii̱, tꞌen ji ndáchíkoón, kó tjajmijin ji tsitìi̱n, kó ngije kjo̱yaa̱ tji̱o̱ xi tjoón, chjábé jí, kó chjáxꞌé ji tsꞌoa, kó ki̱a̱ sa̱ko̱ó ngo to̱n, chjábé jí kui to̱o̱n, kó tꞌíchjítjéní án ko̱jo tꞌíchjítjé ji yojòo̱.

Matioo̱ 18:8

Kuíni nga tsi ndse̱ ko̱jo tsi ndsa̱ki ko̱ngijeé, ta̱sá ti̱chékjé jí, kó kjin ti̱chíjmi, ta̱sá ndatsi ka̱tòn ndse̱ ko̱jo tsi ka̱tòn ndsa̱ki nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ ko̱jo tsi síndo nga jó ndsa̱ki nga ku̱i̱chíjmijii̱n ngi̱jii̱n ndiꞌí xí jmíni̱xtjin kꞌo̱o̱.

Matioo̱ 22:13

Kósꞌe̱ nda̱ ree̱, bi̱ katsoó já xí katsꞌénseén yámíxa̱a̱: «Tꞌítaꞌniújnú sé ko̱jo tsja kui nda̱a̱, kó tjajmijnú ndi̱tsen nínga jñoó, kó ki̱a̱ boá nínga skja̱ndá ko̱jo nínga skji̱ni̱e̱ya ṉꞌni̱u̱ kui xotaa̱.»

Matioo̱ 25:20

Kó jachó nda̱ xi ún to̱n talentoo̱ katseꞌeé, kó jachójo̱ ngi ún xi katsꞌén, sꞌe̱ bi̱ katsó: «Ndi̱a̱, ún má to̱n xi kiniꞌínkꞌasꞌínní, kꞌi̱e̱ tikón kꞌi̱e̱e̱, kó ngi ún má xi katsꞌen an.»

Matioo̱ 26:31

Kósꞌe̱ Kjisoo̱, bi̱ katsoó xota̱a̱: –Ngayejejnú nga kui ni̱xtji̱e̱e̱n ngiti̱ sꞌi̱jinjínjnú an, ngatꞌa̱ jè kjitꞌa xo̱jo̱n eén Néná, nínga bi̱ tsoó: «Sa̱ꞌinꞌóo̱n nda̱ xi koo̱n cho̱tsa̱nga̱a̱, kó cho̱tsa̱nga̱a̱ stso̱joboa.»

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:29

Kó kuíni nga, tsi ndyikin xi fojnií ko̱ngijeé, ꞌna̱xié ji, kó kjin ti̱chíjmi, ta̱sá ndatsi chií yojòo̱ xcha̱ja, ta̱bo̱a̱jiín tsi ngayeje yojòo̱, ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Markoo̱ 9:43

Kuíni nga tsi ndse̱ ko̱ngijeé, ta̱sá ti̱chékjé jí, ta̱sá nda tsi ka̱tòn ndse̱ nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ nga kꞌuin jí ndo̱bo̱a̱ṉkꞌi̱e̱e̱n, ngi̱jii̱n ndiꞌí xí jmíni̱xtjin ꞌboo̱,

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Rkaa̱ 17:2

Ta̱sá ngo ndi̱jo̱je ngatítꞌa kjásén, sꞌe̱ ngatꞌajmijin yojoo̱ ngi̱jin ndáchíkoón, ta̱bo̱a̱jiín tsi ngo ni sa̱ꞌín, tsi̱ꞌe̱ nga ngo kui jákjíndií sa̱ꞌínjé.

Xota̱ Roma̱ 9:33

Xikó tsꞌén kjitꞌa xo̱jo̱n eén Néná nínga bi̱ tsoó: Jéꞌe̱n kꞌi̱e̱ kꞌuijñá an na̱xi̱ńdáꞌniú Jerusale̱n ngo ndi̱jo̱ xi stingí ko̱jo ngo ndi̱jo̱ xi sa̱ꞌínkꞌáka. Kó xi sa̱ꞌínsꞌijin kui xi ndibaá, jmí kjo̱a̱soboá ko̱e̱ꞌéjiín.

1 Xota̱ Korinto̱ 8:13

Kó kuíni nga, tsi ta̱ngatꞌanii̱ ngo nichinie xi skjíni̱e̱ an nga ngo ntsꞌié án kꞌo̱kajin ngo jé, ta̱sá nginijánjín skjíni̱e̱ an yojo, tsi̱ꞌe̱ nga kꞌo̱kajinjín ngo jé ntsꞌié án.

Xota̱ Ngalasia̱ 5:11

Jún ntsꞌie, tsi an xi kꞌuini̱jmì án kjo̱a̱a̱ sirkunsisioo̱n, míkjo̱a̱a̱ nga ku̱i̱yotjingina. Tsi bo̱a̱ kjiꞌi, a mí tsí sa̱ꞌínxchán xotaa̱ nga ko̱ndókjo̱a̱jo kjo̱a̱a̱ kui Kristo̱ xi akjatꞌa kroo̱.

1 Xo̱jo̱o̱n Peé 2:8

Ko̱jo ti̱ bi̱ ti̱ tsó nga: Kuí boá kui ndi̱jo̱o̱, ngo ndi̱jo̱ xi stingí xotaa̱. Kó kꞌo̱jmi nga sti̱ngí xotaa̱, ngatꞌa̱ tsintꞌiéꞌénjín kui eén, ngatꞌa̱ je bo̱a̱ tsꞌén tikón nga bo̱a̱ ka̱ma.