Matioo̱ 5:24 - Xo̱jo̱n eén Néná

²⁴ tꞌa nínga tikón ṉchandikoón Néná tꞌíjñí ngotjón ji kui chji̱e̱e̱, kó tjón mára tꞌenkjandée̱ ntsꞌie, sꞌe̱ ndibé nginí, kósꞌe̱ ti̱ꞌinkꞌasꞌíi̱n Néná kuí chji̱e̱e̱ ngijee̱.

Matioo̱ 5:24 ပူးပေါင်းရင်းမြစ်များ

Joo̱b 42:8

Kuíni ngotꞌe̱ ꞌne̱ tangínjo̱jnú Joo̱b, kó tꞌítíjnú yito cho̱yojo toro̱, ko̱jo yito cho̱tsa̱nga̱ xi jaꞌatji ndi̱ja̱a̱, tsi̱ꞌe̱ nga sa̱ꞌinjetakónjnúꞌun. ꞌNiú ku̱i̱ꞌana Joo̱b nga ku̱i̱chji̱a̱tjéjnú, kó ta̱ngatꞌanii̱ kui nga jmí kjo̱a̱soboá sa̱ꞌínkjaꞌájínjnú, ta̱ngatꞌanii̱ nga kixi̱jín kandokjo̱a̱jnú kjo̱a̱a̱ an, xikó tsꞌén kixi̱ tsíchji̱a̱ Joo̱b».

Énkjínkón 25:9

ꞌNa̱xiéꞌé ji yojòo̱ kjiꞌanga tjín xí ko̱óngítaꞌiin, ta̱nga ngata̱ jmíjín xi ꞌmíyée̱ ngo ni xi tjiꞌmá xi kiꞌmíyaà,

Matioo̱ 23:23

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ boeꞌéjnú jún ngo tjín xi tie nga úchaán xka̱ mentaa̱, xka̱ anii̱ ko̱jo xka̱ kominoo̱, ta̱nga niꞌánkjatjosónjínjnú kjo̱a̱botíxoma xi ꞌniú nkꞌaá kjo̱a̱kitii̱: Nga kixi̱ ka̱majnú, nga ni̱ma̱ ka̱majnú ngayeje xotaa̱, ko̱jo nga sꞌi̱jinjnú Néná. Chjiéngá si̱ꞌan kui nii̱, ta̱nga ti̱ chjiéngá si̱ꞌan ni xi ingoo̱ nga.

Matioo̱ 5:23

Kó kuíni nga, tsi ngo chji̱e̱ kichꞌié ji xi kꞌuíchiní nínga tikón ṉchandikoón Néná, kó tsi kjiꞌa kjo̱a̱ꞌátsjiee̱n nga chꞌo kichꞌié ji ntsꞌie,

Markoo̱ 9:50

Nda na̱xa̱a̱, ta̱nga tsi ngiti̱ ndiajín ka̱ma, mí xí ko̱e̱ꞌéngaꞌniú nginíjnú nga ka̱mandia. Ngasꞌiejnú na̱xa̱ ngi̱jinjnú, kó ngatꞌiéjnú kjo̱a̱xió ja̱kꞌi̱e̱ ja̱ngaján.

1 Xota̱ Korinto̱ 11:28

Kuíni nga ngindiee̱ nga skji̱ni̱e̱ paa̱n, ko̱jo nga kꞌuí kuí chi̱tse̱én, nga kotꞌa cha̱n cha̱n yojoo̱ xikótsꞌèn síndo ngindyi̱ko̱n Néná,

1 Timoo̱ 2:8

Mejénna nga já xíꞌiín, nga ta̱jñàní nga ku̱i̱chji̱a̱a̱ Néná nga skjinínkꞌá tsja nga tsjietsꞌén kꞌuijñá ini̱ma̱a̱, kó nga sa̱ꞌínxchánjín, ti̱nde nga ku̱i̱chji̱a̱tijín nga bo̱a̱ sa̱ꞌín.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.