Matioo̱ 5:22 - Xo̱jo̱n eén Néná

²² Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:22 ပူးပေါင်းရင်းမြစ်များ

Jenesii̱s 37:4

Ta̱nga já ntsꞌi̱e̱ Kosiee̱ achichí chꞌo kamaá, kó nde kamámejénjiín nda tsíchji̱a̱jo, ngatꞌa̱ kamábe nga na̱ꞌmii̱ kui jaá tjó ngase katsꞌén Kosiee̱ ta̱bo̱a̱jiín kuí.

Jenesii̱s 37:8

Kó já ntsꞌi̱e̱ bi̱ katsó: —¡Kó, a jí xí ko̱ti̱xomejne̱ ko̱jo a jí xí ka̱ma ji ngito̱ko̱jne̱! Kó ta̱ngatꞌanii̱ kui chi̱nii̱ ko̱jo ni xi tsíchji̱a̱ Kosiee̱ nga já ntsꞌi̱e̱ ta̱sá má ꞌniú ngase chꞌo kamaá.

Xo̱jo̱n Salmoo̱ 109:3

Achichí chꞌoó an nga ngaskande nde jmí kjo̱a̱jín nga an kjánjo̱na, ¡jè íchjáꞌyána!

Xo̱jo̱n Salmoo̱ 14:1

Xota̱ xi kitikjo̱a̱a̱ bi̱ tsó nga chji̱a̱jo ini̱ma̱a̱: «Jmí Nénájín». Kui xotaa̱ jè jatson, kó ngayeje ni xi tsꞌén, ni xi chꞌo boá, ¡nde ngojín xota̱ xi ni xi ndaa̱ tsꞌén!

Xo̱jo̱n Salmoo̱ 25:3

Ja̱koxi̱ boá nga nde ngojín xota̱ xi ji kjimaꞌniátakoón xi kjo̱a̱soboá kjo̱a̱ꞌa, kuí boá xi ngatjaꞌa kjo̱a̱soboá, kui xi nde jmí kjo̱a̱jiín nga ji ndyi̱kjánjo̱o̱.

Xo̱jo̱n Salmoo̱ 35:19

Ngata̱ mojnókiejínna kui xi nde jmí kjo̱a̱jiín nga kondra̱na kjima, ti̱nde ngatꞌa̱ ꞌbíchjándsójín ndyi̱ko̱n kui xi nde jmí kjo̱a̱jiín nga an sa̱ꞌínchꞌóna.

Xo̱jo̱n Salmoo̱ 37:8

Tꞌíjñímasin ji kjo̱a̱xtindaa̱, kó kjin tjajmi ji kjo̱a̱tamaá, ngata̱ niꞌínxtíjíi̱n yojòo̱ nga ni xi ꞌniú ndajín xi si̱ꞌin ji.

Xo̱jo̱n Salmoo̱ 49:10

Ngatꞌa̱ sku̱i̱e̱ nga ngaskande xota̱ xi kjínkoón fesón nga, kó ti̱ fesón xota̱ xi jmí ni bejín, ko̱jo xi kitikjo̱a̱a̱ nga, kó kjo̱a̱cho̱o̱n kje̱ꞌe xí ꞌbijñaá.

Xo̱jo̱n Salmoo̱ 69:4

¡Kjín ngase ma xi nde jmí kjo̱a̱jín nga chꞌoo̱ an, ta̱bo̱a̱jiín tsja̱ xi tjiín tokó án! Achichí ngaꞌniú xí tjiín xota̱ xi mejeén sa̱ꞌínkꞌiénna, kondra̱na je kamá, kó nde jmí kjo̱a̱jiín, kó ngotꞌe̱ ꞌne̱ chjiéngá án kꞌuichjí án kjo̱a̱a̱ ni xi ánjín katsꞌenchejé án.

Xo̱jo̱n Salmoo̱ 7:4

A ndajín tsꞌén ichjíi̱ xota̱ xi xió tsaꞌana. Ta̱sá je katsꞌendé án kui kondra̱ xi jmí kjo̱a̱jín nga ndajín tsaꞌana.

Xo̱jo̱n Salmoo̱ 92:6

nga ngaskande xota̱ xi chi̱nii̱ bejín, ti̱nde xota̱ xi kitikjo̱a̱a̱ makjínjiín kui nii̱.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 18:6

Kjiꞌanga chji̱a̱ xota̱ xi kitikjo̱a̱a̱, kjo̱a̱xti boá xi mongase, kó kjo̱a̱a̱ ni xi chji̱a̱ boá nga ka̱ma kjoánií.

Kjo̱a̱chaꞌaá 3:52

Nde jmí kjo̱a̱jiín kondra̱na nga katsoboána xikótsꞌèn ndoboà ngo ni̱sie,

Matioo̱ 10:17

Kó chónjnú yojojnú ngi̱jii̱n xotaa̱, ngatꞌa̱ si̱ꞌankꞌasꞌienjnú ngi̱ya tsja jáxaá, kó ngi̱ya ndiꞌa nínga ndokjo̱a̱ eén Néná kjoájnú.

Matioo̱ 10:28

Ngata̱ ndakonjínmájnú xi tsꞌenkꞌién yojoná, ta̱nga májiín tsꞌenkꞌién ini̱ma̱ná, ta̱sá ti̱nda̱kònjnú kui xi maa̱ tsꞌénkjí ini̱ma̱jnú ko̱jo yojojnú ndo̱bo̱a̱ṉkꞌi̱e̱e̱n.

Matioo̱ 12:24

Ta̱nga nga tsintꞌié kuí nii̱ já fariseoo̱, bi̱ katsó: –Kui nda̱a̱ nga ꞌboxié a̱si̱énni̱xtjii̱n xindajín, ngaꞌniuú ngito̱ko̱o̱ xindajín xi ꞌmí Belsebuu̱ xí tsꞌénkjién.

Matioo̱ 17:5

Tji̱e̱nga tsꞌénchji̱a̱ ngase Peé, ngo ṉdi̱ ꞌna̱ kitsjien, kó ki̱a̱ kasasien nínga síndo kui jaá, sꞌe̱ ngi̱jin kui ṉdi̱i̱ kandaꞌyá ngo nda̱, xi bi̱ katsó: –Kuí xi̱ꞌbi̱ xi ndí tjóna, tsjátjínna ngatꞌaa̱ kui, ndaꞌyájnúu̱.

Matioo̱ 18:21

Kósꞌe̱ Peé kijíkóntiñaa̱ Kjisoo̱, kó bi̱ katsoó nga asíyaá: –Ndi̱a̱, kótjín ndi̱yà sa̱ꞌinjetakóo̱n ntsꞌié án tsi ngo jé sa̱ꞌín kondra̱ tsa̱ꞌa̱n. A ngaskande yito ndi̱yà.

Matioo̱ 18:35

Sꞌe̱ Kjisoo̱, bi̱ katsó ngase: –Bo̱a̱ ti̱ sa̱ꞌínjo̱jnú Na̱ꞌmina xi tikón ndiꞌakꞌajmi jàn tsi ngayejejín ini̱ma̱jnú nga si̱ꞌanjetakónjnúu̱ nga chꞌo ka̱tso̱jnú ngo ntsꞌiejnú.

Matioo̱ 23:15

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ ndyi̱mongínjnú ngi̱jin ndá ko̱jo ngi̱jin kixí, tsi̱ꞌe̱ nga sa̱kójnú ngo xota̱ xi ko̱e̱je̱tji̱ngi kjo̱a̱na̱ngo̱xi̱jnú, sꞌe̱ ngije kasakojnú, jó ndi̱yà ngase nga ndií ndo̱bo̱a̱ṉkꞌi̱e̱e̱n ndyi̱niꞌánjnú kui xotaa̱ ta̱bo̱a̱jiín jún.

Matioo̱ 23:33

¡Xota̱ xi ndisojnú ko̱jo xota̱ xi ndajínjnú, xikó maá ye̱! Kótsꞌèn ka̱majnú ku̱i̱yòjnúu̱ jeé ndo̱bo̱a̱ṉkꞌi̱e̱e̱n.

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Matioo̱ 26:59

Kó já ngito̱ko̱o̱ chináꞌmii̱ ko̱jo ngayeje jáxá ngito̱ko̱o̱ ndyi̱mongase ngo éndísó kondraa̱ Kjisoo̱ ta̱ tsi̱ꞌe̱ nga si̱ꞌankꞌién,

Matioo̱ 3:17

Kó kandaꞌyá ngo nda̱ ndiꞌakꞌajmi jàn xi bi̱ katsó: –Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.

Matioo̱ 5:34

Ta̱nga an, bi̱ xiánjnúꞌun: Kjiꞌanga ngo ni si̱ꞌánjnú, ngata̱ ngiboanénájín ꞌmíjnú nga jaꞌeén ndiꞌakꞌajmii̱ si̱ꞌankjiénjnú, ngatꞌa̱ kuí boá xi nínga botíxomaa̱ Néná,

Matioo̱ 5:44

Ta̱nga an, bi̱ tꞌíxiánjnúꞌun: Tjó ti̱ꞌánjnú xota̱ xi kondra̱jnú, ti̱ꞌanchikonñéjnú xota̱ xi chꞌo tjítsójnú, nda ti̱ꞌanjo̱jnú xota̱ xi chꞌoo̱ jún, ndókjo̱a̱tjéjnú xota̱ xi chꞌo tjítsꞌénjnú, ko̱jo xi ndyi̱mongatji̱ngijnú,

Markoo̱ 14:55

Kó já ngito̱ko̱o̱ chináꞌmii̱, ko̱jo ngayeje jáxá ngito̱ko̱o̱ ndyi̱mongase ngo éndísó kondraa̱ Kjisoo̱, ta̱ tsi̱ꞌe̱ nga si̱ꞌankꞌién, ta̱nga jmí ni kasakojiín.

Markoo̱ 15:1

Kó nga ꞌniú ta̱jño̱ó, ngije kamátikó xtín já ngito̱ko̱o̱ chináꞌmii̱, ko̱jo já xchá ngito̱ko̱o̱ na̱xi̱ńdaá, ko̱jo já chji̱ni̱e̱kjo̱a̱kitii̱, ko̱jo ngayeje jáxaá, tsangínjo̱ Kjisoo̱, kó ńꞌniú ikindyia, sꞌe̱ kiniꞌánkꞌasꞌiee̱n Pilatoo̱.

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Rkaa̱ 22:66

Nga kisisie̱èn, kamátikó ngayeje já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó kijíjo̱ Kjisoo̱ nínga kamátikó já xí tjiín xá, kó bi̱ katsoó:

Juaa̱ 11:47

Sꞌe̱ já ngito̱ko̱o̱ chináꞌmii̱ ko̱jo já fariseoo̱ kamátikó, kó bi̱ katsoó xkjín: –Mí xí si̱ꞌán, ngatꞌa̱ kui nda̱a̱ achichí kjo̱a̱ndikón tjítsꞌén.

Juaa̱ 15:25

Ta̱nga ngayeje kui nii̱ kjima, tsi̱ꞌe̱ nga kjifotjosón ni xi kjitꞌa xo̱jo̱n kjo̱a̱kitii̱ kui xotaa̱, xi bi̱ tsó: “Nde jmí kjo̱a̱jín nga katsꞌénchꞌóna.”

Juaa̱ 7:20

Sꞌe̱ bi̱ katsó xota̱ kjiín: –Xindajín tikónjii̱n yojòo̱, ꞌyá xí mejeén sa̱ꞌínkꞌieén.

Juaa̱ 8:48

Sꞌe̱ bi̱ katsó já jundíoo̱: –A mí tsi jè bo̱a̱ kiꞌmíjne̱ ji̱n nga nangi Samaria̱ ndókjo̱e̱ ji, kó nga ngo xindajín tjíjii̱n yojòo̱.

Ni xi kamá 17:18

Kó tjín xota̱ xi kjínkón xi ꞌmí filósofo̱ xi iskjítꞌoyà ni xi akóyá já xí ꞌmí Epikúreo̱, ko̱jo xi iskjítꞌoyà ni xi akóyá já xí ꞌmí estoiko̱ xi ítsꞌi̱yanii̱ nga askjotíjo̱ Pabloo̱, kó tjín xí bi̱ katsó: –Mí ni xi tsꞌénchji̱a̱ kui nda̱ xi tá se chji̱a̱a̱. Kó kje̱ꞌe xi bi̱ katsó: –Máraá tsi kui nda̱a̱ xi tsꞌénꞌbini̱jmì kjo̱a̱a̱ Ne xi tja̱tsi̱e̱. Kui nii̱ xi katsó kui jaá ngatꞌa̱ nga Pabloo̱ íni̱jmì éntjatsi̱e̱e̱ Kjisoo̱, ko̱jo kjo̱a̱a̱ nga jaꞌáꞌyá nginií.

Ni xi kamá 22:30

Nga kamángindyiojón, nda̱jun ngito̱ko̱o̱, kamámejeén sku̱i̱e̱ cha̱n cha̱n míkjo̱a̱a̱ nga ndyi̱bongítaꞌin Pabloo̱ já jundíoo̱, sꞌe̱ jaꞌáxiín ńꞌniúki̱cha̱ xi tjitáꞌniúní, kó ítikó ngayeje já ngito̱ko̱o̱ chináꞌmii̱, ko̱jo ngayeje jáxá ngito̱ko̱o̱, sꞌe̱ jachójo̱ Pabloo̱ ngindyi̱ko̱n kui jáxaá.

Ni xi kamá 23:1

Kó Pabloo̱ askotsijen ndá ndaá ngayeje jáxaá, kósꞌe̱ bi̱ katsoó: –Jún já ntsꞌie, ngaskande ngotꞌe̱ nda tsꞌén tikón kjo̱a̱kjíntakónna, kó tsjatsꞌèn tikòn an ngindyi̱ko̱n Néná.

Ni xi kamá 24:20

Kó tsi jmí, kui xi síndo kꞌi̱e̱e̱ ngatíchji̱a̱ tsi mí jeé xí kasakoo̱ nga katsꞌen an kjiꞌanga kijí an ngindyi̱ko̱n xota̱xá jundíoo̱,

Ni xi kamá 4:15

Kósꞌe̱ katsjákjo̱a̱ nga kaꞌnaxié Peé ko̱jo Juaa̱ nínga kamátikó kuí xotaa̱, kó ja̱kꞌi̱e̱ ja̱ngaján ndyi̱foyáni,

Ni xi kamá 5:21

Kó ngije tsintꞌié kuí nii̱, nga ꞌniú ta̱jño̱ó nga kamángindyiojón tsꞌasꞌien na̱ngo̱xi̱i̱ kó akóyá eén Néná. Kósꞌe̱, chináꞌmi xi ꞌniú nkꞌa xaá, ko̱jo xota̱ xi nijan síndojo̱, tsíchji̱a̱a̱ xota̱ xi xchá xí chji̱a̱ni Israee̱l, kó kamátikó ngayeje jáxaá, kó katsangiya jájuún nga kijíchjaꞌá já apostroo̱ nínga síndoyá ndo̱bo̱a̱ya̱à.

Ni xi kamá 5:27

Kjiꞌanga jachójo̱, kijíjo̱ ngindyi̱ko̱n jáxaá, kó ngito̱ko̱o̱ chináꞌmi xi ꞌniú nkꞌa xaá, bi̱ katsoó:

Ni xi kamá 6:12

Kó bo̱a̱ tsꞌén katsꞌénkjaán xota̱ na̱xi̱ńdaá, ko̱jo já xchá ngito̱ko̱o̱ na̱xi̱ńdaá, ko̱jo já chji̱ni̱e̱kjo̱a̱kitii̱ tsi̱ꞌe̱ nga katsoboá Ixtibaa̱, sꞌe̱ kijíjo̱ nínga síndo jáxaá,

Ni xi kamá 6:15

Kósꞌe̱ ngayeje jáxá xí síndotikó kuí ngi̱ndiee̱, askoꞌá ndá ndá Ixtibaa̱, kó kamábe kje̱n nga ja̱kjiꞌi kje̱n ndítsjie má kjiꞌi.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

1 Xota̱ Korinto̱ 6:10

ko̱jo xota̱ xi chejé, xota̱ xi xki̱ꞌá ni, xota̱ xi chꞌi̱, xota̱ xi chꞌo a ko̱jo xota̱ xi ꞌboṉcha̱jo xotaa̱ sꞌe̱ foaꞌáxiín to̱o̱n, ngayeje xota̱ xi bo̱a̱ ndyi̱tsꞌe̱én sa̱kójiín nga Néná xí ko̱tíxomaa̱.

1 Xota̱ Korinto̱ 6:6

Tsi ngo ntsꞌie skjánjo̱ xi ingo ntsꞌiee̱. Míkjo̱a̱a̱ nga ki̱a̱ kongínjnú ngindyi̱ko̱n xota̱ xi sꞌijinjiín Néná tsi̱ꞌe̱ nga sa̱ꞌíndajin kui kjo̱a̱xtii̱.

Ndeuteronomio̱ 15:11

Kui nga̱sondiee̱ ngatsjéni̱xtjin kꞌuié xota̱ ni̱ma̱ xi jmí to̱njiín. Kuíni nga tsꞌénbotixomájnúꞌun nga ko̱e̱ꞌéjnúu̱ ni xi chjieén xota̱ xi ni̱ma̱, ko̱jo xota̱ xi ngo ni chjieén xi chji̱a̱ni kui na̱xi̱ńdaá.

Ndeuteronomio̱ 16:18

»Néná tsja̱á na̱xi̱ńdáꞌniú nga ngo nga ngo tji̱e̱e̱ xotaa̱, kó nga ngo nga ngo kui na̱xi̱ńdáꞌniuú ko̱e̱ꞌéxaá ne ndiꞌa masien ko̱jo xota̱xá, kui xi chjiéngá ndse̱je̱n sa̱ꞌínseén ngayeje xotaa̱. Kuí boá xi ko̱tíxoma, kó kuí boá xi skotsíjee̱n tsi nda ko̱jo tsi ndajín ndyi̱tsꞌèn xota̱ na̱xi̱ńdaá nga kixi̱ sa̱ꞌín xaá, ka̱májín skjíbéngí to̱n tsi̱ꞌe̱ nga ngo ni sa̱ꞌín ngandaa̱ ngo xota̱. Kjiꞌanga tjín xí skjíbéngí ngo to̱n, kuí nii̱ xi tsꞌén nga kui xota̱ xi kjínkón ko̱jo xi kixi̱i̱, xota̱ xi kixi̱jín má ngijee̱.

1 Xota̱ Tesalónika̱ 4:6

Ngata̱ ngojín jún xi mongikjo̱a̱a̱ ntsꞌi̱e̱, ko̱jo tsi kꞌo̱ṉcha̱jo kjo̱a̱a̱ kui nii̱, ngatꞌa̱ Ndi̱a̱ná xí tsꞌénngojó kjo̱a̱a̱ ngayeje kui nii̱, xikótsꞌèn je kiꞌmíyà kixi̱ kixi̱jne̱ ji̱n.

Titoo̱ 3:2

Ngata̱ jmí xota̱ chji̱a̱taꞌinjín, ko̱jo ngata̱ jmí kjo̱a̱xchán ꞌboxiéjín, ta̱sá ndaxota̱ ngatama, kó ngatamabe xota̱ xi ngasee̱ nga tjiín kjo̱a̱ni̱ma̱kjo̱a̱.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.

Xota̱ Ebreo̱ 5:9

Kó ngije Kristoo̱ kamá xi chjiéngá ka̱ma kui, kuí boá xi kamá kui xi ngatsjéni̱xtjin kꞌo̱xiéꞌá kui xota̱ xi ndyi̱ntꞌièꞌeén.

Xo̱jo̱o̱n Sandiyaá 2:20

Ta̱nga ngata̱ chi̱nijín má ji, kó ti̱ꞌinjo̱ꞌo ji nga tsi kjo̱a̱sꞌijìi̱n jmíjiín ni xi niꞌaán, ni xi je kꞌien boá.

Xo̱jo̱o̱n Sandiyaá 3:6

Kó najee̱n xikónií ngo ndiꞌí, ta̱nisién ndajín, ngatꞌa̱ kuí boá xi tsꞌénkjátsón ngayeje yojoo̱. Ndo̱bo̱a̱ṉkꞌi̱e̱e̱n ꞌbítí kui najee̱n, kó kui najee̱n ꞌbítí ngayeje kjo̱a̱mindyionná.

1 Xo̱jo̱o̱n Peé 2:23

kui xi kjiꞌanga chꞌo kiꞌmií, jmí ni chꞌo katsójín, kó kjiꞌanga kiniꞌánkjaꞌatio kjo̱a̱ni̱ma̱, indyiándikónjín, ta̱sá ngi̱ya tsja Néná kisꞌijñaya, kui Néná xí kixi̱ tsáyà tsi nda ko̱jo tsi ndajín ndyi̱tsꞌèn xotaa̱.

1 Xo̱jo̱o̱n Peé 3:9

Tsi ngo xota̱ xi ndajínkjiꞌi ni xi katsꞌénjo̱jnú, ngata̱ niꞌánngojojínjnú, kó ti̱ tsi tjín xi chꞌo ka̱tso̱jnú, ngata̱ chꞌójín ꞌmíjnúu̱ ndatsa jún nga, ta̱sá chji̱a̱ꞌajnúu̱ Néná nga sa̱ꞌínchikonñé, ngatꞌa̱ jè yàjnú nga Néná tsíchji̱a̱nijnú tsi̱ꞌe̱ nga sa̱kójnú kjo̱a̱niꞌánchikonñeé kui.

1 Xo̱jo̱o̱n Juaa̱ 2:9

Xota̱ xi bo̱a̱ ka̱tso̱ nga nínga tikón ndiꞌí xí tsꞌentsíjee̱n tikón, ta̱nga tsi chꞌoo̱ xota̱ xi ngasee̱, ta̱kó nínga jñoó boá nínga tikón.

1 Xo̱jo̱o̱n Juaa̱ 3:10

Bi̱ tsꞌén nga ya ꞌyání bo̱a̱ xi ndií Néná, kó ꞌyání bo̱a̱ xi ndií xindajín ndiabloo̱. Ta̱ꞌya xota̱ní xi tsꞌénkjátjosónjín kjo̱a̱kixi̱i̱ Néná ko̱jo xi tjójiín xota̱ xi ngasee̱, jmí tsi Néná chji̱a̱ni.

1 Xo̱jo̱o̱n Juaa̱ 5:16

Tsi tjín xi be nga ngo ntsꞌi̱e̱ tjítsꞌén ngo jé xi tsꞌenkꞌiénjínná ngindyi̱ko̱n Néná, chjiéngá ku̱i̱chji̱a̱a̱ Néná nga ku̱i̱chji̱a̱tjé, kó bo̱a̱ tsꞌén nga Néná tsja̱á kjo̱a̱mindyion kui ntsꞌiee̱. Kjo̱a̱a̱ ngo jé xi tsꞌenkꞌiénjínná ngindyi̱ko̱n Néná xí tꞌíxián an. Ti̱ tjín jé xi tsꞌenkꞌiénná ngindyi̱ko̱n Néná, kó kjo̱a̱a̱ kui jeé xiánjín an nga ko̱ndókjo̱a̱jnúu̱ Néná nga chji̱a̱ꞌatjejnú xota̱ xi sa̱ꞌín kui jeé.

Xo̱jo̱o̱n Jundaa̱ 1:9

Ngaskande ndítsjie ngito̱ko̱ Miyee̱ bo̱a̱jín katsꞌén kjiꞌanga askjanjo̱ xindajín ndiabloo̱ nga askjantjéni yojoo̱ Moisee̱, kamájínkón nga kui xi katsꞌénjeé nga chꞌo katsoó, ta̱sá bi̱ katsoó: “¡Ndi̱a̱ná ngatsꞌénxchánjoo̱ ji!”

Ni xi akakoo̱ 20:14

Kó kjo̱a̱bo̱yaa̱ ko̱jo ngi̱ndie nínga ꞌbíndo xota̱ xi je jesoón kiniꞌánkjaꞌajin ndáchíkón ndiꞌí xí ta̱nisién ꞌniú jee̱. Kuí bí kui ngi̱jin ndiꞌií xi kjo̱a̱bo̱ya xi ma joó.