Matioo̱ 5:20 - Xo̱jo̱n eén Néná

²⁰ Ngatꞌa̱ xiyàjnúꞌun nga tsi ku̱i̱tjátjónjínjnúu̱ já chji̱ni̱e̱kjo̱a̱kitii̱ ko̱jo xota̱ fariseoo̱ nga ni xi kixi̱ si̱ꞌánjnú ngindyi̱ko̱n Néná, jmíni̱xtjin ku̱i̱tjásꞌi̱e̱njnú nínga botixómá Néná.

Matioo̱ 5:20 ပူးပေါင်းရင်းမြစ်များ

Matioo̱ 16:12

Kósꞌe̱ kjiꞌanga kamákjiín kui jaá nga jmí tsi kjo̱a̱a̱ nisan xi mindyiaa̱ nda̱ꞌyo̱ pan xi tsꞌénchji̱a̱ Kjisoo̱, kuí ni xi katsó kjo̱a̱a̱ ni xi ndajínkjiꞌi xi bokoyá já fariseoo̱ ko̱jo já sanduseoo̱.

Matioo̱ 18:5

Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga.

Matioo̱ 3:10

Kó ti̱ je tikónnda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin.

Matioo̱ 7:21

Jmí tsi ngayeje xota̱ xi «Ndi̱a̱, Ndi̱a̱», ka̱tso̱na xi kꞌo̱sꞌien nínga botixómá Néná, ta̱kuítsí xi kꞌo̱sꞌien xi sa̱ꞌínkjatjosón ngayeje ni xi mejeén Na̱ꞌmina xi tikón ndiꞌakꞌajmi jàn.

Markoo̱ 10:15

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Markoo̱ 10:25

Ta̱sá niꞌínjín kjiꞌi nga ngo cho̱toꞌoyitsꞌe̱n kjo̱a̱ꞌaya ngo ti̱xa̱a̱ ngo ńdo, ta̱bo̱a̱jiín nga ngo nda̱ cho̱n kꞌo̱sꞌien nínga botíxomaa̱ Néná.

Rkaa̱ 11:44

¡Ni̱ma̱ xò jún já chji̱ni̱e̱kjo̱a̱kiti, ko̱jo já fariseo̱ jókje̱n! Nga jún bo̱a̱ kónjnú xikó maá ngo nga̱tsjo̱ó xí tjiꞌmá, xi xotaa̱ ndyi̱tsjánié nga nde bejín.

Rkaa̱ 12:1

Tji̱e̱nga achichí kjín mi̱ xota̱ kamátikótꞌaa̱ Kjisoo̱ xi ngaskande katsjánié má xkjín, Kjisoo̱ ítsꞌi̱yanii̱ nga tjón bi̱ katsoó xota̱ tsi̱ꞌe̱: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ngatꞌa̱ kuí nii̱ xi kjo̱a̱jókje̱e̱n.

Rkaa̱ 18:17

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

2 Xota̱ Korinto̱ 3:9

Ngatꞌa̱ tsi kisꞌiee̱ kjo̱a̱je xaá kjo̱a̱kiti xi sa̱ꞌínjeé xotaa̱, ꞌniú ngase kꞌuieé kjo̱a̱je xaá éntjatsi̱e̱e̱ Néná, xi sa̱ꞌínkixi̱ xotaa̱ ngindyi̱ko̱n Néná.

2 Xota̱ Korinto̱ 5:17

Kó kuíni nga kui xota̱ xi je katsꞌéngojo̱ yojoo̱ Kristoo̱, ngo xota̱ xi tja̱tsi̱e̱ je kamá, ni xi xchaá jè jaꞌa, kó ni xi tja̱tsi̱e̱e̱ jè jeꞌe.

Xota̱ Filipo̱ 3:9

kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.

Xota̱ Ebreo̱ 12:14

Ti̱ndyi̱séjnú nga kꞌuiéjnú kjo̱a̱xió ngayejejnú, kó tsjietsꞌén ti̱ndyiónjnú ngindyi̱ko̱n Néná. Ngatꞌa̱ xi tsjiejín síndo ngindyi̱ko̱n Néná, sku̱i̱e̱jín Ndi̱a̱ná.

Ni xi akakoo̱ 21:27

Kó jmíjín kótsꞌèn nga kꞌo̱sꞌien ni xi ndajín, ti̱nde ka̱májín kꞌo̱sꞌien xota̱ xi ndyi̱tsꞌèn ni xi ta̱nisién ꞌniú chꞌokjiꞌi ko̱jo tsi kjo̱a̱ndiso, ta̱kuítsí xi kꞌo̱sꞌien kui xi kjitꞌa jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n kui xi tikoón cho̱tsa̱nga̱a̱.