Matioo̱ 5:19 - Xo̱jo̱n eén Néná

¹⁹ Kuíni nga ta̱ꞌya xota̱ní xi sa̱ꞌínkjatjosónjín ngo kui kjo̱a̱botíxomaa̱, ndatsi ngo xi ta̱nisién ꞌniú chichií, kó tsi ko̱kóyaá xotaa̱ tsi̱ꞌe̱ nga sa̱ꞌínkjatjosónjín, kuí boá xi chichí si̱ꞌan nínga botíxomaa̱ Néná. Ta̱nga ta̱ꞌya xota̱ní xi sa̱ꞌínkjatjosón, ko̱jo xi ko̱kóyaá kje̱ꞌe xota̱ nga sa̱ꞌínkjatjosón kui kjo̱a̱botíxomaa̱, achichí je si̱ꞌan ki̱a̱ nínga botixómá Néná.

Matioo̱ 5:19 ပူးပေါင်းရင်းမြစ်များ

Xo̱jo̱n Salmoo̱ 119:128

Kuíni nga kui fitji̱ngi an, kó chꞌóna kjo̱a̱ndisoo̱.

Xo̱jo̱n Salmoo̱ 119:6

Tsi sa̱ꞌinkjatjosón an, jmí kjo̱a̱soboá kꞌuiéjínna.

Matioo̱ 11:11

Ja̱koxi̱ ni xi xiánjnúꞌun nga kꞌi̱e̱ kui nga̱sondiee̱, kji̱e̱ tsenjín ingo nda̱ xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 20:26

Ta̱nga chjiénjín nga bo̱a̱ ka̱ma ngi̱jinjnú, ta̱sá kuí xota̱ xi mejeén nga ꞌniú nkꞌa ngase ka̱ma ngi̱jinjnú, kuí xí chjiéngá sa̱ꞌínseén xota̱ xi ngasee̱,

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Rkaa̱ 1:15

Ngatꞌa̱ ndíi̱ achichí ꞌniú nkꞌa xá xí kꞌuieé ngindyi̱ko̱n Néná. Jmí bino̱ ko̱jo jmí xán kꞌuijín, kó ndeskande nga tjiyáꞌmá nga A̱si̱énni̱xtjii̱n Néná tsja̱angaꞌniuú.

Rkaa̱ 11:42

¡Ni̱ma̱ xò jún já fariseo̱! Nga boeꞌéjnú jún ngo tjín xi tie nga úchaán xka̱ mentaa̱, ko̱jo xka̱ rundaa̱, ko̱jo ngayeje xka̱ xi maxchájnú, ta̱nga chꞌiáxki̱jínjnú kjo̱a̱kixi̱i̱ ko̱jo kjo̱a̱tjoó Néná. Chjiéngá si̱ꞌánjnú kui nii̱, ta̱nga ti̱ chjiéngá si̱ꞌánjnú ni xi ingoo̱ nga.

Rkaa̱ 9:48

kó bi̱ katsoó: –Ta̱ ꞌyání xi skjíbéní kui nda̱chií ngajona, ti̱ tsꞌénkjíbéna án nga, kó ta̱ ꞌyání xi tsꞌénkjíbéna, tsꞌénkjíbé kui Néná xi katsangiyana, ngatꞌa̱ kui xi ꞌniú chichí ngi̱jii̱n jún, kuí xi̱ꞌba̱ xi chjí ngasenii̱.

Ni xi kamá 1:1

Xo̱jo̱n xi tjoón, ji ndí Teofilo̱, ítꞌa an kjo̱a̱a̱ ndeskande nga ítsꞌi̱yanii̱ ngayeje ni xi katsꞌén, ko̱jo ni xi akóyá Kjisoo̱,

Xota̱ Roma̱ 3:8

Ánní nga ka̱májín bi̱ kꞌuin: Si̱ꞌán ni xi ndajiín, tsi̱ꞌe̱ nga kji̱ndi̱bá ni xi ndaa̱. Kuí má ni xi̱ꞌbi̱ xi tsó chiboa xotaa̱, ja̱koxi̱ xò nga kuí xò nii̱ xi bokoyá ji̱n. Xi bo̱a̱ tsoó, ndakjíꞌí nga kasatíjeé.

Xota̱ Roma̱ 6:1

Kó ngotꞌe̱ ꞌne̱ mí ni xi kꞌuín. A ta̱kó si̱ꞌanjé ñá tsi̱ꞌe̱ nga tsie ngase kjo̱a̱nda sa̱kóná.

Xota̱ Roma̱ 6:15

Ja̱ kósꞌe̱, nga je ngiti̱ ngi̱yaa̱ kjo̱a̱kitii̱jín tindyión, nga ta̱sá ngi̱yaa̱ kjo̱a̱ndaa̱ Néná tindyión, a si̱ꞌanjé ñá. ¡Jmí, nga bo̱a̱jín ka̱ma!

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

1 Xo̱jo̱o̱n Juaa̱ 3:4

Ta̱ꞌyaní xi tjítsꞌénjé, tsꞌénmonganié kjo̱a̱kitii̱ Néná, ngatꞌa̱ nga niꞌánjeé, miyonié kjo̱a̱kitii̱ Néná.

Ni xi akakoo̱ 2:20

Ta̱nga tikónna ngo ni kjo̱a̱a̱ kondra̱ tse̱: nga tiniꞌínchíkjoée̱ kui xota̱chjo̱on xí ꞌmí na̱ Jesabee̱, kui xi na̱ chji̱ni̱e̱ꞌe̱én Néná tjítsoó yojoo̱, ta̱nga tsꞌénꞌboṉcha̱jo moso̱na tsi̱ꞌe̱ nga sa̱ꞌín kjo̱a̱tondo̱, ko̱jo nga skji̱ni̱e̱ nichinie xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱.