Matioo̱ 5:18 - Xo̱jo̱n eén Néná

¹⁸ Ngatꞌa̱ ja̱koxi̱ ni xi xiánjnúꞌun nga tji̱e̱nga tikón ndiꞌakꞌajmii̱ ko̱jo tꞌanangii̱, nde ngojín nii̱ kjo̱a̱kitii̱ xi xtjo̱ꞌóxiín ngaskande nga je jatjosón ngayejee̱.

Matioo̱ 5:18 ပူးပေါင်းရင်းမြစ်များ

Xo̱jo̱n Salmoo̱ 102:26

Kju̱i̱e̱ kuí xotaa̱, ta̱nga ji, ngatsjéni̱xtjin nga tindyin ji, ngayejee̱ nga kju̱i̱e̱ xikótsꞌèn fe nga maxchá ngo ńjño, kó xikoó ngo ńjño xi bosíkjo, bo̱a̱ tsꞌén ko̱si̱kje ji, kósꞌe̱ xcha̱ja.

Xo̱jo̱n Salmoo̱ 111:8

ngatꞌa̱ ngatsjéni̱xtjin nga chjínií, ngi̱jii̱n ni xi kixi̱i̱, ko̱jo ni xi na̱xo̱o̱ kjindibánii̱.

Xo̱jo̱n Salmoo̱ 119:152

Jè tsienii̱ nga be an ée̱n, kó jí boá xi ikꞌíjñí ji ngatsjéni̱xtjin.

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 10:23

Kó kjiꞌanga ku̱i̱yotjíngíjnú ngo na̱xi̱ńdá, xín ti̱yójnú, ngatꞌa̱ ja̱koxi̱ ni xi xiánjnúꞌun nga nde kji̱e̱ mongínyejejínjnú nangi Israee̱l nga kjo̱e̱ꞌe ndií nda̱ xi̱ꞌii̱n.

Matioo̱ 10:42

Kó ta̱ ꞌyání xi tsja̱á ngo boso̱ ndáfoa nchꞌàn kui já xí tjimátji̱ngina, kjo̱a̱a̱ nga xota̱ tsa̱ꞌa̱n, ja̱koxi̱ boá nga sa̱ko̱ó ni xi je katsꞌén.

Matioo̱ 11:11

Ja̱koxi̱ ni xi xiánjnúꞌun nga kꞌi̱e̱ kui nga̱sondiee̱, kji̱e̱ tsenjín ingo nda̱ xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.

Matioo̱ 13:17

Ngatꞌa̱ ja̱koxi̱ ni xi xiánjnúꞌun nga achichí má já chji̱ni̱e̱ꞌén ko̱jo xota̱ kixi̱i̱ Néná xí kamámejeén nga sku̱i̱e̱ ni xi ndyi̱yajnú ngotꞌe̱, ta̱nga kamábejín, kó kamámejeén tsintꞌié, ni xi ndyi̱ndaꞌyájnú ngotꞌe̱, ta̱nga kamájín tsintꞌié.

Matioo̱ 16:28

Ja̱koxi̱ ni xi xiánjnúꞌun, nga tjín káꞌá xi síndojinná kꞌi̱e̱e̱, xi ko̱yàjín tsi tjónjín sku̱i̱e̱ nga ndií nda̱ xi̱ꞌii̱n kjo̱e̱ꞌekatixómá.

Matioo̱ 17:20

Kó Kjisoo̱, bi̱ katsó: –Ngatꞌa̱ ꞌniújín sꞌijinjnú, ngatꞌa̱ ja̱koxi̱ ni xi xiánjnúꞌun nga tsi ndeta̱ chií tsí sꞌijinjnú Néná xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui tji̱ngi̱i̱: «Xín tꞌen ji», kó xín ko̱e̱je̱, kó ngayeje nii̱ xi ka̱ma si̱ꞌánjnú.

Matioo̱ 18:18

Ja̱koxi̱ ni xi xiánjnúꞌun nga ngayeje ni xi kuítꞌaꞌniújnú kꞌi̱e̱ tꞌanangii̱, ti̱ si̱tꞌaꞌniú ki̱a̱ ndiꞌakꞌajmii̱, kó ngayeje ni xi chjándójnú kꞌi̱e̱ tꞌanangii̱, ti̱ kꞌuíndondé ki̱a̱ ndiꞌakꞌajmii̱ nga.

Matioo̱ 18:3

kó bi̱ katsó: –Ja̱koxi̱ ni xi xiánjnúꞌun nga tsi ko̱sikjojínjnú yojojnú, kó tsi xikójiín jákjíndí ka̱majnú, ku̱i̱tjásꞌi̱e̱njínjnú ndiꞌakꞌajmi nínga botíxomaa̱ Néná.

Matioo̱ 19:23

Kósꞌe̱ Kjisoo̱, bi̱ katsoó xota̱ tsi̱ꞌe̱: –Ja̱koxi̱ ni xi xian an nga achichí niꞌin kjiꞌi nga ngo nda̱ cho̱n kꞌo̱sꞌien ndiꞌakꞌajmi nínga botíxomaa̱ Néná.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 21:21

Sꞌe̱ Kjisoo̱, bi̱ katsoó: –Ja̱koxi̱ ni xi xiánjnúꞌun nga tsi ꞌniú sꞌijinjnú Néná, kó nga jmí tsi jó tsi ján kꞌuijñájnúu̱ ini̱ma̱jnú, jmí tsi ta̱kuítsí nii̱ yáꞌingoo̱ xi ka̱majnú, ngaskande ka̱ma tsi bi̱ kꞌuínjnúu̱ kui tji̱ngi̱i̱: «Ti̱xín ji kꞌi̱e̱e̱, kó tjajmijin yojòo̱ ngi̱jii̱n ndáchíkoón», kó bo̱a̱ ka̱ma.

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Matioo̱ 23:36

Ja̱koxi̱ boá nga xota̱ xi tjín ngotꞌe̱ sa̱tíjeé nga ku̱i̱ꞌíchjí kjo̱a̱a̱ ngayeje kui nii̱.

Matioo̱ 24:2

Ta̱nga Kjisoo̱, bi̱ katsó: –A ndyi̱yajnú ngayeje kui nii̱. Ja̱koxi̱ ni xi xiánjnúꞌun nga ngayejee̱ nga ku̱i̱xo̱ndò, kó nde ngo ndi̱jo̱ kꞌuíndojín xi sꞌi̱ńdosoón xkjín.

Matioo̱ 24:47

Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱.

Matioo̱ 25:12

Sꞌe̱ bi̱ kiꞌmií: «Ja̱koxi̱ ni xi xiánjnúꞌun, bejín an ꞌyání jún.»

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Matioo̱ 5:26

Ja̱koxi̱ ni xi xiáa̱n nga kjo̱tjejín ji, ngaskande nga ikꞌíchjí jí ngayeje to̱n xi tjitjiée̱n.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Matioo̱ 8:10

Nga tsintꞌié kuí nii̱ Kjisoo̱, achichí kijíndikoón, kó bi̱ katsoó xota̱ xi yajátji̱ngii̱: –Ja̱koxi̱ ni xi xiánjnúꞌun nga kji̱e̱ ngo nda̱ sakóna kꞌi̱e̱ Israee̱l xi bi̱ tsꞌén ꞌniú sꞌijii̱n.

Markoo̱ 10:15

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Markoo̱ 10:29

Sꞌe̱ Kjisoo̱, bi̱ katsó: –Ja̱koxi̱ ni xi xiánjnúꞌun nga jmíjín ngo xota̱ xi íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, ta̱ngatꞌanii̱ an ko̱jo éntjatsi̱e̱e̱ Néná,

Markoo̱ 11:23

Ngatꞌa̱ ja̱koxi̱ ni xi xiánjnúꞌun nga ta̱ꞌya xota̱ní, xi bi̱ ka̱tso̱o̱ kui tji̱ngi̱i̱: “Ti̱xín ji kꞌi̱e̱e̱, kó tjajmijin ji yojòo̱ ngi̱jin ndáchíkoón”, ka̱ma ni xi ku̱i̱ꞌa, tsi kui xotaa̱ nga jó nga jánjín ku̱i̱ꞌíjñaá ini̱ma̱a̱, nga ta̱sá sꞌijii̱n nga ka̱ma ni xi katsó.

Markoo̱ 12:43

Kó Kjisoo̱ tsíchji̱a̱a̱ xota̱ tsi̱ꞌe̱, kó bi̱ katsoó: –Ja̱koxi̱ ni xi xiánjnúꞌun nga kui xota̱chjo̱on kꞌaán, ndatsi ni̱ma̱, tsie ngase katsjá ta̱bo̱a̱jiín ngayeje xota̱ xi je indyiá to̱nchji̱e̱e̱ ngi̱ya koxa̱a̱,

Markoo̱ 13:30

Ja̱koxi̱ ni xi xiánjnúꞌun jún nga kji̱e̱ ko̱yàjín xota̱ xi síndo ngotꞌe̱, tsi tjónjín kjo̱tjosón kui nii̱.

Markoo̱ 14:18

Kó tji̱e̱nga síndotꞌa yámíxa̱a̱, nga ndyi̱kjinie ṉño̱, Kjisoo̱, bi̱ katsoó: –Ja̱koxi̱ ni xi xiánjnúꞌun nga ngo jún xi tsꞌénkjiniejo̱na ṉño̱ xi sa̱ꞌínkꞌasꞌienna.

Markoo̱ 14:25

Ja̱koxi̱ nga xiyàjnúꞌun nga ngiti̱ kꞌuijín an ndaá tostsi̱je̱è, ngaskande nga kꞌuí an xi tja̱tsi̱e̱e̱ nga ko̱tíxoma Néná.

Markoo̱ 14:30

Kó Kjisoo̱, bi̱ katsoó: –Ja̱koxi̱ ni xi xian an nga kui ni̱xtji̱e̱e̱n ji, ngindiee̱ nga jó ndi̱yà skja̱ndáyà xo̱nda̱xi̱ꞌii̱n, ji je ján ndi̱yà je kiniꞌínkiejín yojòo̱ nga yení.

Markoo̱ 14:9

Ja̱koxi̱ ni xi xiánjnúꞌun nga ta̱jñà ngi̱ndienií nga̱sondiee̱ nínga kꞌuiníjmì éntjatsi̱e̱e̱ Néná, ti̱ bo̱a̱ ti̱ tsꞌén ko̱ndókjo̱a̱ ni xi katsꞌén kui xota̱chjo̱on, kó bo̱a̱ tsꞌén si̱ꞌankjaꞌátsjien kui.

Markoo̱ 3:28

Ja̱koxi̱ ni xi xiánjnúꞌun nga ka̱majetakoón ngayeje jeé xotaa̱ ko̱jo tsi chꞌo ka̱tso̱, ta̱ ni xi ka̱tso̱ nga ku̱i̱chji̱a̱,

Markoo̱ 6:11

Kó tsi ngo ngi̱ndie xi ndajín si̱ꞌanjo̱jnú, ko̱jo tsi ko̱nda̱ꞌyájín én xí ko̱ndókjo̱a̱jnú, tja̱tjójnú ki̱a̱a̱, kó tꞌítsaniejnú xa̱ xi ko̱a̱ꞌa̱ tji̱xíndiéjnú, tsi̱ꞌe̱ nga sku̱i̱e̱ kui xotaa̱ nga ndajínkjiꞌi ni xi katsꞌén. Ja̱koxi̱ ni xi xiánjnúꞌun nga ni̱xtjin nga ka̱majeé xotaa̱, chiboa ngase ka̱ma jé xí sa̱ko̱ó xota̱ na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱ ta̱bo̱a̱jiín xikó kjiꞌi ni xi ka̱maa̱ kui xota̱ xi bo̱a̱ sa̱ꞌínjo̱jnú.

Markoo̱ 8:12

Kó Kjisoo̱ kasasienjiín kui nii̱, kó bi̱ katsó: –Míkjo̱a̱a̱ nga ngo chi̱bo̱a̱ ndyi̱míꞌá kui xotaa̱. Ja̱koxi̱ ni xi xiánjnúꞌun nga nde ngo chi̱bo̱a̱ ko̱e̱ꞌéjiín.

Markoo̱ 9:1

Kó Kjisoo̱ ti̱ bi̱ ti̱ katsó ngase: –Ja̱koxi̱ ni xi xiánjnúꞌun nga tjín káꞌá xi síndojinná kꞌi̱e̱e̱ xi ko̱yàjín ngaskande nga sku̱i̱e̱ nga kjo̱e̱ꞌe ngaꞌniuú Néná nga ko̱tíxoma.

Markoo̱ 9:41

Kó ta̱ ꞌyání xi tsja̱ajnú ngo boso̱ ndáfoa ngatꞌa̱ an timatji̱ngijnúꞌun, ja̱koxi̱ ni xi xiánjnúꞌun nga sa̱kórií ni xi je katsꞌén.

Rkaa̱ 11:51

ndeskande jiín nga kiniꞌánkꞌién Abee̱, ngaskande jiín nga kiniꞌánkꞌién Sakariyaa̱, kui nda̱ xi kiniꞌánkꞌién ngi̱ndyioó tꞌa ṉchandikoón ko̱jo na̱ngo̱xi̱i̱ Néná. Kuíni nga xiyàjnúꞌun nga Néná ku̱i̱ꞌaa̱ xki̱ xota̱ xi síndo ngotꞌe̱ kjo̱a̱a̱ nga kiniꞌánkꞌién kui já chji̱ni̱e̱ꞌe̱én Néná.

Rkaa̱ 12:37

Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 13:35

Ngotꞌe̱ ꞌne̱, ngi̱ndiejnú kꞌuijñámasien, kó xiyàjnúꞌun nga ngiti̱ xcha̱jínjnúꞌun, ngaskande nga kjo̱chó ni̱xtjin nga bi̱ kꞌuínjnú: “Ngatamachikonñé xi ndibání ngajoo̱ Ndi̱a̱ná.”

Rkaa̱ 16:17

Ta̱nga nde chií niꞌínjín tsi kju̱i̱e̱ ndiꞌakꞌajmii̱ ko̱jo tꞌanangii̱, ta̱bo̱a̱jiín nga xcha̱jatꞌa chií ni xi kjitꞌa xo̱jo̱n kjo̱a̱kitii̱ Néná.

Rkaa̱ 18:17

Ja̱koxi̱ ni xi xiánjnúꞌun, nga xi kꞌo̱sꞌienjín nínga botixómá Néná xikoó ngo nda̱chí, ka̱májín kꞌo̱sꞌien.

Rkaa̱ 18:29

Kósꞌe̱ Kjisoo̱, bi̱ katsó: –Ja̱koxi̱ ni xi xiánjnúꞌun nga jmíjín ngo xota̱ xi íjñá ndiꞌaa̱, ko̱jo xi xchaá, ko̱jo ntsꞌi̱e̱, ko̱jo chjo̱ón, ko̱jo ndií, ta̱ngatꞌanii̱ nínga botixómá Néná,

Rkaa̱ 23:43

Kó Kjisoo̱, bi̱ katsoó: –Ja̱koxi̱ ni xi xiáa̱n, nga ngotꞌe̱ má ku̱i̱ndyinje̱ní ndiꞌakꞌajmii̱.

Rkaa̱ 4:24

Kó bi̱ katsó ngase Kjisoo̱: –Ja̱koxi̱ ni xi xiánjnúꞌun nga ngojín nda̱ chji̱ni̱e̱ꞌe̱én Néná xi nda tsꞌén xcha̱ ti̱ ki̱a̱a̱ nangii̱.

Juaa̱ 1:51

Kó bi̱ katsó ngase Kjisoo̱: –Ja̱koxi̱ ni xi xian an: Nga jún xcha̱jnú nga tsjientíxa̱ ndiꞌakꞌajmi jàn, kó xcha̱jnú nga ko̱e̱je̱nijíngí ko̱jo nga kjo̱tjajen ndítsjiee̱ Néná nga kjo̱e̱ꞌekoón ndií nda̱ xi̱ꞌii̱n.

Juaa̱ 10:1

Ja̱koxi̱, ja̱koxi̱ ni xi xiánjnúꞌun: Tsi ngo xi ki̱a̱jín nga̱ntjo̱a̱a̱ nchꞌoá nínga ndyi̱a̱ cho̱tsa̱nga̱a̱ kꞌo̱sꞌienni, tsi xín ku̱i̱jintꞌa, kó xín kꞌo̱sꞌienni, chejé boá xi̱ꞌba̱.

Juaa̱ 10:7

Sꞌe̱ ti̱ bi̱ ti̱ katsó nginí Kjisoo̱: –Ja̱koxi̱, ja̱koxi̱ ni xi xiánjnúꞌun: Án boá xi nga̱ntjo̱a̱a̱ cho̱tsa̱nga̱a̱.

Juaa̱ 12:24

Ja̱koxi̱, ja̱koxi̱ ni xi xiánjnúꞌun, nga tsi ngo xojmaá to ndso̱ko̱a̱n ṉño̱pan xi kꞌo̱kajín tꞌanangii̱, kó tsi ko̱yàjín, kꞌuijñá soboá, ta̱nga tsi ko̱yà, achichí to kꞌuieé.

Juaa̱ 13:16

Ja̱koxi̱, ja̱koxi̱ ni xi xiánjnúꞌun: Nda̱ mosoo̱ ꞌniújín nkꞌa ngase ka̱ma ta̱bo̱a̱jiín ndi̱a̱a̱, ti̱nde nda̱ xi kanangiyaa̱ nkꞌajín ngase xaá ta̱bo̱a̱jiín xi katsangiya.

Juaa̱ 13:38

Sꞌe̱ Kjisoo̱, bi̱ katsó: –A kjo̱a̱jiín ndatsi ko̱yè jí kjo̱a̱a̱ an. Ja̱koxi̱, ja̱koxi̱ ni xi xiáa̱n: Nga ngindiee̱ nga skja̱ndáyà xo̱nda̱xi̱ꞌii̱n, ji ján ndi̱yà je kiniꞌínkiejín yojòo̱ nga yení.

Juaa̱ 14:12

Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Juaa̱ 16:20

Ja̱koxi̱, ja̱koxi̱ ni xi xiánjnúꞌun, nga jún xchaꞌájnú, ko̱jo ni̱ma̱ ka̱majnú, kó xotaa̱ kui nga̱sondiee̱ tsja ka̱maa̱, ta̱nga ndatsi ndasen ka̱majnú, kjo̱a̱ndasenjnú kjo̱a̱tsja ka̱ma.

Juaa̱ 16:23

Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á.

Juaa̱ 21:18

Ja̱koxi̱, ja̱koxi̱ ni xi xiáa̱n: Nga kjiꞌanga kjindí ngase ji, ti̱ jíní xi kichejé ji ńjñóo̱, ko̱jo ta̱ nínga kamámejeénri kꞌin, ta̱nga ngije ka̱maxchá jí, chjanínkꞌé ndse̱, kó kje̱ꞌe xí sa̱ꞌínkajaá ńjñóo̱, kó nínga mejénjiín kꞌuín, kó ki̱a̱ kongínjoo̱.

Juaa̱ 3:11

Ja̱koxi̱, ja̱koxi̱ ni xi xiáa̱n ji, nga ni xi yàjne̱ ndokjo̱a̱jne̱, kó ni xi kamáyàjne̱, kuí ni xi ꞌmíyajne̱, ta̱nga sꞌijinjín májnú ni xi ndyi̱ndokjo̱a̱jne̱.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 6:26

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun nga jún ndyi̱mindyiséjnúꞌun kjo̱a̱a̱ pan xi kichiniejnú, kó katsꞌéntsiejnú, jmí tsi kjo̱a̱a̱ chi̱bo̱a̱ xi kamáyàjnú.

Juaa̱ 6:32

Kósꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Moisee̱jín xi katsjájnú paa̱n ndiꞌakꞌajmii̱, ngatꞌa̱ Na̱ꞌmina boá xi tsjá pan xi ja̱koxi̱i̱ ndiꞌakꞌajmii̱.

Juaa̱ 6:47

Ja̱koxi̱, ja̱koxi̱ ni xi xiánjnúꞌun: Xi sa̱ꞌínsꞌijinna, sa̱ko̱ó kjo̱a̱mindyion ngatsjéni̱xtjii̱n.

Juaa̱ 6:53

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Tsi xi̱ni̱e̱jínjnú yojoo̱ ndií nda̱ xi̱ꞌii̱n, kó tsi sꞌi̱o̱jínjnú jiín, jmíjínjnú kjo̱a̱mindyioo̱n.

Juaa̱ 8:34

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun, nga ngayeje xota̱ xi tsꞌénjé, moso̱ xi kastiñaá jeé boá.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Juaa̱ 8:58

Sꞌe̱ bi̱ ka̱tso̱ Kjisoo̱: –Ja̱koxi̱, ja̱koxi̱ ni xi xiánjnúꞌun, ngindiee̱ nga stse̱n Abraa̱n, ja̱bo̱a̱ jè tikòn an.

1 Xo̱jo̱o̱n Peé 1:25

Ta̱nga eén Ndi̱a̱ná, tikón ta̱ kjiꞌánií. Kó kui eén, kuí boá kui éntjatsi̱e̱e̱ Néná xi je ikꞌíni̱jmìjnú.

Ni xi akakoo̱ 20:11

Kó kamábe an xi botixómaá, tiboa ko̱jo je ngi̱ndie nínga tikón, ngindyi̱ko̱n kui, kichajá ngayeje nga̱sondiee̱ ko̱jo ndiꞌakꞌajmii̱, kó nginijánjín kamáyà tsi tjín nínga kisꞌijña.