Matioo̱ 5:16 - Xo̱jo̱n eén Néná

¹⁶ Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 5:16 ပူးပေါင်းရင်းမြစ်များ

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Matioo̱ 23:9

Kó ngata̱ ꞌyàjín xi na̱ꞌmi ꞌmíjnú kꞌi̱e̱ tꞌanangii̱, ngatꞌa̱ ngo tsí má xi Na̱ꞌmijnú, kó Néná boá, kó ndiꞌakꞌajmi jàn tikón.

Matioo̱ 5:45

tsi̱ꞌe̱ nga ndií Na̱ꞌminá xí tikón ndiꞌakꞌajmi jàn ka̱majnú, ngatꞌa̱ kuí xí tsꞌentjoó tsꞌueé xota̱ xi nda ko̱jo xi ndajín, kó kuí xí tsꞌénkáꞌaá stseé xota̱ xi kixi̱ ko̱jo xi kixi̱jín.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:9

Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Matioo̱ 9:8

Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Rkaa̱ 11:2

Kó bi̱ katsoó kui jaá: –Kjiꞌanga ko̱ndókjo̱a̱jnúu̱ Néná, bi̱ tꞌínjnú: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n. Ngatama kꞌi̱e̱e̱ ngo ngi̱ndie xi ji ko̱ti̱xome. Ngatama ni xi mejeén jí kꞌi̱e̱ tꞌanangii̱, xikó kjima ndiꞌakꞌajmi jàn.

Juaa̱ 15:8

Kuí nii̱ xi ka̱mayani kjo̱a̱jee̱ Na̱ꞌmina nga achichí kjín to kꞌuiéjnú jún, kó bo̱a̱ tsꞌén nga xota̱na ka̱majnú jún.

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

1 Xota̱ Korinto̱ 14:25

kó ni xi tjiꞌmaá ini̱ma̱a̱ ka̱matsijen, kó ko̱siéntikoó nga sa̱ꞌíndikón Néná, kó bo̱a̱ ka̱tso̱ nga ja̱koxi̱ boá nga Néná ki̱a̱ tikónjinjnú.

2 Xota̱ Korinto̱ 9:13

Nga ko̱si̱ko̱jó kuí xotaa̱ sa̱ꞌíntsjaá Néná, ngatꞌa̱ jún kandaꞌyáꞌénjnú éntjatsi̱e̱e̱ Jesukristoo̱ xi timatji̱ngijnú, ko̱jo kjo̱a̱a̱ nga ngayeje takónjnú nga ndyi̱bosíko̱jojnú xota̱ xi̱ꞌba̱, ko̱jo ngayeje xota̱ xi ngasee̱.

Xota̱ Ngalasia̱ 1:24

Kó ta̱ngatꞌanii̱ kui nii̱ nga kui xotaa̱ katsjaá kjo̱a̱je Néná.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Éfeso̱ 5:8

Ngatꞌa̱ kje̱ꞌe ni̱xtjin kixindyionjñójnú, ta̱nga ngotꞌe̱ ꞌne̱, ngije yàjnú Ndi̱a̱ná, jè nínga tsijen tindyiónjnú, kuíni nga ti̱ńtja̱jnú xikoó xota̱ xi tjimá nínga tsijee̱n.

1 Xota̱ Tesalónika̱ 2:12

Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.

1 Timoo̱ 2:10

Ni xi nda niꞌaán xí chjiéngá ngatándani yojoo̱, xikótsꞌèn tsoboaá nga tsꞌén ínchjín xi mejeén sa̱ꞌíndikón Néná.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

1 Timoo̱ 5:25

Ti̱ bo̱a̱ ti̱ tsꞌén ni xi nda niꞌaán ya cha̱n cha̱n, kó ni xi kje̱ꞌeé ka̱májín ngatsjéni̱xtjin nga kꞌuíndoꞌmá.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Titoo̱ 3:4

Ta̱nga kjiꞌanga akó kjo̱a̱ndaa̱ Néná kui xi tsꞌaxiéꞌáná, ko̱jo kjo̱a̱tjó xi tjiín kjo̱a̱a̱ ngayeje xotaa̱,

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Peé 3:1

Bo̱a̱ ti̱ tsꞌén ndatsa jún nga ínchjín xi je ikixánjnú, cha̱ndikónjnú xi̱ꞌinjnú, tsi̱ꞌe̱ nga kui xi̱ꞌin xi sꞌijinjiín Néná, sa̱ꞌínsꞌijin kó nde jmí én ka̱machjiénjiín, ngatꞌa̱ nda ndyi̱niꞌánjnú jún,

1 Xo̱jo̱o̱n Peé 3:16

Ta̱nga ngatꞌiéjnú kjo̱a̱ni̱ma̱kjo̱a̱, ko̱jo kjo̱a̱yandikón nga bo̱a̱ si̱ꞌánjnú. Ti̱ꞌánjnú kui nii̱ nga nda tsꞌén kꞌuijñá kjo̱a̱kjíntakónjnú ngindyi̱ko̱n Néná, ki̱a̱ ka̱maa̱ nga kui xota̱ xi ndyi̱chji̱a̱taꞌinjnú, kui xi ndyi̱tsó nga ndajínjnú xota̱, soboá ka̱maa̱ nga sku̱i̱e̱ nga nda ndyi̱niꞌánjnú ngatꞌa̱ sꞌijinjnú Kristoo̱.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.

1 Xo̱jo̱o̱n Peé 4:14

Achichíra̱ tsjajnú tsi chꞌo tjíꞌmíjnú ta̱ngatꞌanii̱ nga Kristoo̱ timatji̱ngijnú, ngatꞌa̱ A̱si̱énni̱xtjii̱n Néná xí tjiín kjo̱a̱jee̱, ngatsjéni̱xtjin nga ki̱a̱ tikónjo̱jnú jún.