Matioo̱ 5:14 - Xo̱jo̱n eén Néná

¹⁴ Jún xí xikoó ndiꞌií nga̱sondiee̱. Ngo na̱xi̱ńdá xí tikón nga̱soón ngo tji̱ngi̱, ka̱májín kꞌuijñáꞌmá.

Matioo̱ 5:14 ပူးပေါင်းရင်းမြစ်များ

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Juaa̱ 12:36

Tji̱e̱nga tikónjnú ndiꞌií, sꞌijin ngatamajnú ndiꞌií, tsi̱ꞌe̱ nga ndií ndiꞌií ka̱majnú jún. Ngije katsó Kjisoo̱ kui nii̱, kijí, sꞌe̱ kisꞌijña ꞌmaa̱ kui xotaa̱.

Juaa̱ 5:35

Juaa̱ boá kui ndiꞌí xí kití ko̱jo xi katsꞌéntsijee̱n, kó jún kamámejénjnú nga tsja kamájnú kui ndiꞌií chiboa ni̱xtjin.

Juaa̱ 8:12

Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

Juaa̱ 9:5

Tji̱e̱nga tikòn an kui nga̱sondiee̱, án boá xi ndiꞌií kui nga̱sondiee̱.

2 Xota̱ Korinto̱ 6:14

Ngata̱ ki̱a̱jín nijan niꞌánngojo̱jnú yojojnú xota̱ xi sꞌijinjiín Néná. Ngatꞌa̱, mí ni xi nijan mani xkjín ni xi kixi̱i̱, ko̱jo ni xi kixi̱jiín. Axa̱ kótsꞌèn nga nijan kꞌuíndo ndiꞌií, ko̱jo jñoó.

Xota̱ Filipo̱ 2:15

Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú,

1 Xota̱ Tesalónika̱ 5:5

Ngayejejnú nínga tsijee̱n, ko̱jo nínga ni̱xtjii̱n tindyiónjnú. Jmí tsi nínga ni̱xtji̱e̱e̱n ko̱jo tsi nínga jñoó tindyión ñá.

Ni xi akakoo̱ 1:20

Kuí bí ni xi tjiꞌmaá nga yito ńño xi je kamáyè ji ngi̱ya ndsa̱ an, ko̱jo nga yito ni xi ꞌbítíyá ndiꞌí xí tsꞌentsíjee̱n xi to̱nsinié xi je kamáyè: nga yito ńñoo kuí boá xi ndítsjiee̱ nga yito na̱ngo̱xi̱i̱, kó nga yito ni xi ꞌbítíyá ndiꞌí xí tsꞌentsíjee̱n kuí boá xi yito na̱ngo̱xi̱i̱.

Ni xi akakoo̱ 2:5

Kuíni nga, ngatjaꞌátsjiee̱n kótsꞌèn kixindyin ji ngasꞌe̱, ti̱ꞌinkꞌoyé ji yojòo̱ kjo̱a̱a̱ ni xi ndajín xi tiniꞌín, kó ti̱ꞌin ji ni xi tjón kiniꞌín ji, ngatꞌa̱ tsi jmí, tsá kjuínkoón nínga tindyin ji, kó kjo̱a̱ꞌáxiín ni xi ꞌbítíyá ndiꞌí xí tsꞌentsíjee̱n xi tse̱, tsi kji̱e̱ niꞌínkꞌoyejín ji yojòo̱.