Matioo̱ 5:12 - Xo̱jo̱n eén Néná

¹² Tsja ngatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ já chji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Matioo̱ 5:12 ပူးပေါင်းရင်းမြစ်များ

Jenesii̱s 15:1

Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Xo̱jo̱n Salmoo̱ 19:11

Kuí boá kui nii̱ xi niꞌínkjìn nga niꞌínxchínje̱ ji xota̱ xi tsꞌén xáa̱, kó tsi sa̱ꞌínkjatjosón kui kjo̱a̱botíxomaa̱, achichí ni xi nda sakoó.

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Énkjínkón 11:18

To̱n xi tsꞌén xota̱ xi ꞌniú ndajiín, ta̱ ni xi ꞌboṉcha̱jo boá xi̱ꞌba̱, ta̱nga to̱n xi tsꞌén xota̱ xi kixi̱i̱, kuí boá xi ni xi nda xi niꞌaán.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Rkaa̱ 13:34

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Rkaa̱ 6:23

Tsja ngatamajnú kui ni̱xtjin jàn, kó tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ bo̱a̱ ti̱ tsꞌén xota̱ xi xchaá kui xotaa̱, bo̱a̱ katsꞌénjo̱ já chji̱ni̱e̱ꞌe̱én Néná.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Ni xi kamá 16:25

Ta̱nga mején mára masien ni̱xtji̱e̱n, tji̱e̱nga Pabloo̱ ko̱jo Silaa̱ ndyi̱chji̱a̱a̱, ko̱jo ndyi̱siee̱ só xi ndaa̱ Néná, kó tji̱e̱nga já xí nijan síndojo̱ ngi̱ya ndo̱bo̱a̱ya̱à ndyi̱ntꞌiè,

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 5:3

Kó jmí tsi ta̱kuítsí nii̱ xi tsja máná, ti̱ tsjá máná kjo̱a̱a̱ kjo̱a̱ni̱ma̱ná, ngatꞌa̱ je ya nga kjo̱a̱ni̱ma̱a̱ bokoyáná nga kꞌuiéná kjo̱a̱chiyákjo̱a̱.

1 Xota̱ Korinto̱ 3:8

Xi ꞌbítji̱e̱e̱ ko̱jo xi asíndaá ta̱ ngo ndse̱je̱n nga joó, ta̱nga nga ngo nga ngo, Néná boá xi tsjaá chjií kjo̱a̱a̱ xá xí katsꞌén.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Filipo̱ 1:29

Ngatꞌa̱ jún jè katseꞌéjnú nga sꞌi̱jinjnú Kristoo̱, ta̱nga ti̱ katseꞌéjnú nga ta̱ngatꞌanii̱ kui nga ku̱i̱tja̱tiójnú kjo̱a̱ni̱ma̱.

Xota̱ Filipo̱ 2:17

Jún kjimaꞌniátakónjnú Néná, kó ndyi̱niꞌántsjájnúu̱, kó kui ni xi̱ꞌba̱ xikónií tsi ngo chji̱e̱ ndyi̱boeꞌéjnúu̱. Tsi an si̱ꞌankꞌienna, án xí ka̱mando̱joní an kui chji̱e̱e̱. Tsi bo̱a̱ ka̱ma achichí tsjá ka̱mana, kó ti̱ tsja mana kjo̱a̱a̱ jún.

Xota̱ Kolosa̱ 1:24

Ngotꞌe̱ ꞌne̱, achichí tsja mana kjo̱a̱a̱ kjo̱a̱ni̱ma̱ xi tsꞌénfoaꞌatio an nganda tsa̱jún, ngatꞌa̱ bo̱a̱ tsꞌén kjimando̱jona yojona nga tsꞌénfoaꞌatio an kjo̱a̱ni̱ma̱ xi tjisákoó Kristoo̱ ngandaa̱ xota̱ na̱ngo̱xi̱i̱, ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱.

Xota̱ Kolosa̱ 3:24

Ngatꞌa̱ jè yàjnú nga Ndi̱a̱ná tsja̱ajnú ni xi tsoboájnú. Ngatꞌa̱ jún boá xi ndyi̱niꞌánsénjnúu̱ Kristoo̱, nga kui xi Ndi̱a̱jnú xi ja̱koxi̱i̱.

1 Xota̱ Tesalónika̱ 2:15

Kuí boá kui xotaa̱ xi katsꞌénkꞌién Ndi̱a̱ná Kjisoo̱, kó ti̱ katsꞌénkꞌién já chji̱ni̱e̱ꞌe̱én Néná nga, kó tsangatji̱ngijne̱ ji̱n. Kui xotaa̱ tsjájiín kjo̱a̱tsja Néná, kó kondraa̱ ngayeje xotaa̱ síndo.

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xota̱ Ebreo̱ 11:33

Kui xotaa̱ kisꞌijii̱n Néná, kuíni nga kjín ngi̱ndie nínga botíxoma katsꞌén nga askjan, katsꞌén ni xi kixi̱i̱, kuíni nga kasakoo̱ ni xi katsóyàtjón Néná nga tsja̱á, ko̱jo katsꞌeén xandi̱je̱ nga askjanjo̱ nga,

Xota̱ Ebreo̱ 11:6

Ta̱nga tsi jmíjín kjo̱a̱sꞌijii̱n, ka̱májín si̱ꞌantsjaa̱ Néná, ngatꞌa̱ chjiéngá kui xi sa̱ꞌíntiñaa̱ yojoo̱ Néná, sꞌijii̱n nga tikón Néná, ko̱jo nga Néná boá xi tsja̱á ngo ni nda xi niꞌán kui xota̱ xi mongase kui.

Xo̱jo̱o̱n Sandiyaá 1:2

Jún ntsꞌie, tsja ngatamajnú kjiꞌanga kjín to̱ko̱ya ni ku̱i̱tjájinjnú nga chjátꞌayákónjnú,

Xo̱jo̱o̱n Sandiyaá 5:10

Jún ntsꞌie, chjábéchi̱bo̱a̱jnú kui kjo̱a̱ni̱ma̱ xi jaꞌatio ko̱jo kui kjo̱a̱chiyákjo̱a̱ xi kisꞌiee̱ kui já chji̱ni̱e̱ꞌe̱én Néná xi tsíchji̱a̱ nga katsꞌénkjié jaꞌeén Ndi̱a̱ná.

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!