Matioo̱ 5:10 - Xo̱jo̱n eén Néná

¹⁰ Achichíra̱tsjaa̱ xota̱ xi tjimíyotji̱ngii̱ ta̱ngatꞌanii̱ nga ni xi kixi̱ ndyi̱tsꞌèn, ngatꞌa̱ kuí xí tsi̱ꞌe̱ nínga botíxomaa̱ Néná.

Matioo̱ 5:10 ပူးပေါင်းရင်းမြစ်များ

Xo̱jo̱n Salmoo̱ 37:12

Xota̱ xi ndajiín tsꞌénkjó ni xi ndajín xi mejeén sa̱ꞌínjo̱ xota̱ xi kixi̱i̱, kó ngaskande kjinieya má ṉꞌni̱u̱ kondraa̱ xota̱ xi kixi̱i̱,

Matioo̱ 10:23

Kó kjiꞌanga ku̱i̱yotjíngíjnú ngo na̱xi̱ńdá, xín ti̱yójnú, ngatꞌa̱ ja̱koxi̱ ni xi xiánjnúꞌun nga nde kji̱e̱ mongínyejejínjnú nangi Israee̱l nga kjo̱e̱ꞌe ndií nda̱ xi̱ꞌii̱n.

Matioo̱ 19:14

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Markoo̱ 10:14

Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 10:30

nga sa̱kójiín ngotꞌe̱ nga tindyión kuí nga̱sondiee̱ úchán bo̱a̱ kjiꞌi ngase ndiꞌa, ko̱jo ntsꞌi̱e̱, ko̱jo ndichja, ko̱jo na̱aa̱n, ko̱jo ndí, ko̱jo tꞌanangii̱, ndatsi ku̱i̱yòtjíngií. Kó ni̱xtjin xi ndibaá sa̱ko̱ó kjo̱a̱mindyion ngatsjéni̱xtjii̱n.

Rkaa̱ 21:12

Ta̱nga ngindiee̱ nga bo̱a̱ ka̱ma, tjón mára ku̱i̱yotjíngíjnú ko̱jo ko̱ndo̱bo̱a̱jnú, kó si̱ꞌankꞌasꞌienjnú ngi̱ya tsja ngito̱ko̱o̱ ndiꞌa nínga ndokjo̱a̱ eén Néná, ko̱jo ko̱na̱ngísꞌiénjnú ndo̱bo̱a̱yà, kó kongínjo̱jnú ngindyi̱ko̱n re ko̱jo xtitjón ta̱ngatꞌanii̱ jaꞌénna.

Rkaa̱ 22:29

Kó kuíni nga an, tsjajnúꞌun nga ko̱ti̱xomájnú, xikótsꞌèn katsjána Na̱ꞌmina,

Rkaa̱ 6:20

Kó Kjisoo̱ askotsijee̱n xota̱ tsi̱ꞌe̱, kó bi̱ katsoó: –Achichíra̱ tsjajnú jún xi ni̱ma̱jnú, ngatꞌa̱ tsa̱jún boá nínga botixómá Néná.

Rkaa̱ 6:22

Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Juaa̱ 15:20

Ngatjaꞌátsjienjnú én xi je kixianjnúꞌun: “Mosoo̱ nkꞌajín ngase xaá ta̱bo̱a̱jiín ndi̱a̱a̱.” Tsi je ikiyotji̱ngina, ti̱ ku̱i̱yotjíngíjnú jún nga, tsi ndyi̱niꞌánkjatjosónjnú énna, ja̱ ti̱ si̱ꞌankjatjosón énjnú nga.

Ni xi kamá 5:40

Sꞌe̱ kandokjo̱a̱a̱ já apostroo̱, ngije ja̱bo̱a̱ je akjaa̱, kó ꞌniú ikꞌíjñaá nga ngiti̱ chiíjín ku̱i̱chji̱a̱ ngase kjo̱a̱a̱ jaꞌeén Kjisoo̱, sꞌe̱ ikꞌíndondé ngijee̱.

Ni xi kamá 8:1

Kó ki̱a̱ tikón Sauloo̱ nga kiniꞌánkꞌién Ixtibaa̱, kó nda kasasiee̱n kui nii̱. Kui ni̱xtjii̱n ítsꞌi̱yanii̱ nga ꞌniú ikiyotji̱ngii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, kó ngayeje xota̱ na̱ngo̱xi̱i̱ kastsojoboa nga kijí nangi xi chji̱a̱ni Jundea̱ ko̱jo Samaria̱, ta̱kuítsí já apostroo̱ xi kastsojoboajín.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

Xota̱ Filipo̱ 1:28

Kó nga ta̱ ndakonjínmájnúu̱ kondra̱jnú, ngatꞌa̱ kuí nii̱ xi ko̱ko̱ó ngo chi̱bo̱a̱ kui xotaa̱ nga kju̱i̱e̱, ta̱nga nga jún kjo̱tjoꞌajnú. Néná tsja̱ajnú nga jún xi si̱ꞌánjnú.

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

2 Timoo̱ 3:11

ti̱ jè ye ji nga ikiyotji̱ngina, ko̱jo kui kjo̱a̱ni̱ma̱ xi jaꞌatio an, ko̱jo kótsꞌèn katsꞌenchíkjo̱a̱ an ki̱a̱ na̱xi̱ńdáꞌniú Antiokiya̱, ko̱jo na̱xi̱ńdáꞌniú Ikonio̱, ko̱jo na̱xi̱ńdáꞌniú Listra̱, achichí kjo̱a̱miyotji̱ngi xi jaꞌajin an ki̱a̱a̱, ta̱nga Ndi̱a̱ná tsꞌaxiéjinna ngayeje kui nii̱.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.