Matioo̱ 4:23 - Xo̱jo̱n eén Néná

²³ Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Matioo̱ 4:23 ပူးပေါင်းရင်းမြစ်များ

Xo̱jo̱n Salmoo̱ 103:3

Néna jè katsꞌénjetakónna ngayeje ni xi ndajín xi katsꞌen an, kó katsꞌéndaya nginína,

Xo̱jo̱n Salmoo̱ 74:8

Bi̱ tsꞌén íjin ini̱ma̱a̱: ¡Ta̱ ngo ndi̱yà si̱ꞌankjatsón ñá ngayejee̱! Kó ítí ndiꞌa nínga ndokjo̱a̱ ée̱n xi chji̱a̱ni na̱xi̱ńdaá.

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 12:9

Kó ngije jatjo kui ngi̱ndiee̱, tsꞌasꞌien ngi̱ya ndiꞌa nínga ndokjo̱a̱ eén Néná xí tsi̱ꞌe̱ kui jaá.

Matioo̱ 13:19

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Matioo̱ 13:54

Kó nga jachó nangii̱, akóyaá xotaa̱ ki̱a̱ ndiꞌa nínga ndokjo̱a̱ eén Néná, kó achichí má xota̱ xi kijíndikoón, xi bi̱ katsó: –Ñá tsꞌaxiéni kjo̱a̱kjínkón xi tjiín kui nda̱a̱. Kótsꞌèn mánii̱ kjo̱a̱ndikón xí tsꞌén.

Matioo̱ 14:14

Kó ngije jachó Kjisoo̱, nga jatjajen tjotso jee̱ achichí má xota̱ xi kamábe, kó ni̱ma̱ kamaá, kó katsꞌéndaya xi oo̱n.

Matioo̱ 24:14

Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 9:35

Kó Kjisoo̱ kijí ngayeje na̱xi̱ńdáꞌniú ko̱jo ndí nangi, kó akóyá ngi̱ya ndiꞌa nínga ndokjo̱a̱ eén Néná, kó íni̱jmì éntjatsi̱e̱ xi chji̱a̱ kjo̱a̱a̱ kjo̱a̱botíxomaa̱ Néná, kó katsꞌéndaya ngayeje chiꞌii̱n ko̱jo xi so xi ndakjaa̱n xota̱ na̱xi̱ńdaá.

Markoo̱ 1:14

Kó ngije kanangisꞌien ndo̱bo̱a̱yà Juaa̱, Kjisoo̱ kijí nangi Ngalilea̱ nga íni̱jmì éntjatsi̱e̱e̱ Néná.

Markoo̱ 1:21

Sꞌe̱ Kjisoo̱ ko̱jo xota̱a̱ jachó na̱xi̱ńdáꞌniú Kapernau̱n, kó nga ni̱xtjin ndikón, tsꞌasꞌien ndiꞌa nínga ndokjo̱a̱ eén Néná, kó ítsꞌi̱yani nga akóyá eén Néná.

Markoo̱ 1:39

Kó bo̱a̱ tsꞌén Kjisoo̱ íni̱jmì eén Néná ki̱a̱ ndiꞌa nínga ndokjo̱a̱ eén Néná xí tsi̱ꞌe̱ kui xotaa̱, xi síndo ngayeje nangi Ngalilea̱, kó tsꞌaxié xindajín xi kisꞌińdojii̱n xotaa̱.

Markoo̱ 3:10

Ngatꞌa̱ achichí kjín xota̱ xi katsꞌéndaya, kuíni nga kui xota̱ xi oo̱n ta̱xkiya katsanginjin kjo̱a̱ꞌniú yojoo̱ nínga tikón Kjisoo̱ tsi̱ꞌe̱ nga sa̱ꞌínjo̱.

Markoo̱ 6:2

Kó nga jachó ni̱xtjin ndikoón, Kjisoo̱ ítsꞌi̱yanii̱ nga akóyá ngi̱ya ndiꞌa nínga ndokjo̱a̱ eén Néná. Kó achichí má xota̱ xi kijíndikoón nga tsintꞌieé, kó bi̱ katsó nga asíyaá xkjín: –Ñá tsꞌaxiéni kui nda̱a̱ ngayeje kui nii̱. Ñá kijíkjaꞌání kui kjo̱a̱kjínkoón, ko̱jo kui kjo̱a̱ndikón xí tsꞌénní ngi̱ya tsja.

Markoo̱ 6:6

Kó Kjisoo̱ achichí kijíndikoón kjo̱a̱a̱ nga kisꞌijinjiín kui xotaa̱. Kó kijí ndí nangi xi síndotꞌa kui ngi̱ndiee̱ nga akóyá.

Rkaa̱ 10:9

kó ti̱ꞌandayajnú xota̱ xi oo̱n xi síndo kui ngi̱ndiee̱, kó bi̱ tꞌínjnúu̱: “Jè tsá ko̱tíxomájnú Néná.”

Rkaa̱ 13:10

Ngo ni̱xtjin ndikón Kjisoo̱ tsꞌénbokoyá ngi̱ya ndiꞌa nínga ndokjo̱a̱ eén Néná,

Rkaa̱ 16:16

Kjo̱a̱kitii̱ ko̱jo ni xi katsꞌénꞌindó já chji̱ni̱e̱ꞌe̱én Néná jetꞌani ngaskande nga kisꞌijña Jua̱ xi botíndaá, kó ndeskande koó kjiꞌa tjíꞌbíni̱jmì éntjatsi̱e̱e̱ nínga botixómá Néná, kó ngayeje xotaa̱ xi tsꞌén ngo kjo̱a̱ꞌniú, tsi̱ꞌe̱ nga kꞌo̱sꞌien kui ngi̱ndiee̱.

Rkaa̱ 20:1

Kó ngo ndi̱yà nga Kjisoo̱ akóyaá ko̱jo íni̱jmi̱ì éntjatsi̱e̱e̱ Néná xota̱ na̱xi̱ńdaá ki̱a̱ ndi̱tsen na̱ngo̱xi̱i̱, jachókón tiñaa̱ já ngito̱ko̱o̱ chináꞌmii̱, já chji̱ni̱e̱kjo̱a̱kitii̱, ko̱jo já xchá ngito̱ko̱o̱ na̱xi̱ńdaá,

Rkaa̱ 4:14

Kó Kjisoo̱ kijí nginí nangi Ngalilea̱ ngije ꞌniú tjíjii̱n A̱si̱énni̱xtjii̱n Néná, kó ngayeje xota̱ xi síndo nangi Ngalilea̱ tsíchji̱a̱ kjo̱a̱a̱ kui.

Rkaa̱ 5:17

Kó ngo ni̱xtjin nga tsꞌénbokoyá Kjisoo̱, ki̱a̱ kisꞌińdojii̱n já fariseo̱ ko̱jo mostroo̱ kjo̱a̱kitii̱ xi kjindibáni ngayeje ndí na̱xi̱ńdá xí chji̱a̱ni nangi Ngalilea̱, ko̱jo nangi Jundea̱, ko̱jo na̱xi̱ńdáꞌniú Jerusale̱n. Kó ngaꞌniuú Néná kisꞌijñajii̱n Kjisoo̱ nga katsꞌéndaya xota̱ xi oo̱n.

Rkaa̱ 6:17

Kó Kjisoo̱ jatjajen nginí ki̱a̱ tji̱ngi̱i̱ ko̱jo xota̱ tsi̱ꞌe̱, kó ki̱a̱ nínga soón kixindyia, kó achichí má xota̱ xi kisꞌiṉtso̱matjingii̱ xi chji̱a̱ni ngayeje nangi Jundea̱, ko̱jo na̱xi̱ńdáꞌniú Jerusale̱n, ko̱jo na̱xi̱ńdá xí síndotꞌa ngi̱ndi̱o̱ò xi ꞌmí Tiroo̱ ko̱jo Sindo̱n,

Rkaa̱ 6:6

Kó bi̱ kamá kje̱ꞌe ni̱xtjin ndikón, Kjisoo̱ tsꞌasꞌien ngi̱ya ndiꞌa nínga ndokjo̱a̱ eén Néná kó akóyá, kó ki̱a̱ kisꞌijña ngo nda̱ xi kixíyà tsja xi kixi̱i̱,

Rkaa̱ 7:21

Ti̱ kuii̱ chi̱bo̱a̱ Kjisoo̱ achichí má xota̱ xi katsꞌéndaya chiꞌin xi tjiín, ko̱jo xi kjo̱a̱ni̱ma̱ ndyi̱foaꞌatio, kó tsꞌaxié a̱siénni̱xtjin xi ndajín xi tjíjii̱n xotaa̱, kó kjín má xota̱ xi ti̱ka̱ xi katsꞌéntsijee̱n.

Rkaa̱ 7:22

Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú, ko̱jo ni xi je kandaꞌyájnú, tꞌíni̱jmìjnúu̱ nga xi ti̱ka̱a̱ je kamátsijee̱n, ko̱jo nga xi ni̱ma̱ see̱ je ma fí, ko̱jo nga xi tjiín chiꞌin xi tsꞌénkjátsón tji̱xin yojoná je kamándaya, ko̱jo nga xi xtiyaa̱ je tsintꞌié, ko̱jo nga xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Rkaa̱ 8:1

Kó jaskan ngije kamá kui nii̱, Kjisoo̱ kijí ngayeje na̱xi̱ńdáꞌniú ko̱jo ndí nangi, nga katsóyà éntjatsi̱e̱e̱ kjo̱a̱a̱ nínga botixómá Néná. Nga tiejó xota̱ tsi̱ꞌe̱ ki̱a̱ nijan kistsoꞌbájo̱,

Rkaa̱ 9:11

Ta̱nga ngije kamábe xota̱ kjiín kijítji̱ngii̱ nínga kijí Kjisoo̱, kó Kjisoo̱ katsꞌénseén nga íni̱jmi̱ì kjo̱a̱a̱ nínga botixómá Néná, ko̱jo katsꞌéndaya xota̱ xi oo̱n.

Rkaa̱ 9:60

Kó Kjisoo̱, bi̱ katsoó: –Te̱ꞌéndièe̱ nga xota̱ xi xikoó tsi je jesoón nga kui ko̱ónijín xotaa̱ xi je jesoón, kó ji tꞌenkꞌíni̱jmì ta̱jñàní kjo̱a̱a̱ nínga botixómá Néná.

Juaa̱ 18:20

Sꞌe̱ Kjisoo̱, bi̱ katsó: –An, ngongá nínga tsijen tsíchji̱a̱jo an xotaa̱ kui nga̱sondiee̱, ngatsjéni̱xtjin akoyáa̱ ngi̱ya ndiꞌa nínga ndokjo̱a̱ eén Néná ko̱jo ndi̱tsen na̱ngo̱xi̱i̱, nínga matikó ngayeje xota̱ jundíoo̱, jmíni̱xtjin nga nínga ꞌma tsíchji̱a̱jo an.

Juaa̱ 6:59

Ngayeje kui nii̱ xi katsó Kjisoo̱ nga kisꞌijña ndiꞌa nínga ndokjo̱a̱ eén Néná, ki̱a̱ na̱xi̱ńdáꞌniú Kapernau̱n.

Juaa̱ 7:1

Ngije kamá kui nii̱, Kjisoo̱ kistsoꞌbá nangi Ngalilea̱, ngatꞌa̱ kamámejénjiín kijí xtji̱e̱e̱n nangi Jundea̱, ngatꞌa̱ já ngito̱ko̱o̱ xota̱ jundíoo̱ kamámejeén katsꞌénkꞌién.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 18:4

Kó xki̱ ni̱xtjin ndikón Pabloo̱ fí ki̱a̱ ngi̱ya ndiꞌa nínga ndokjo̱a̱ eén Néná, nínga tsíchji̱a̱jo, ko̱jo katsꞌénꞌindakon tsi̱ꞌe̱ nga sꞌi̱jii̱n eén Néná xota̱ xi jundío̱ ko̱jo xi ngriengo̱.

Ni xi kamá 20:25

Kó kuíni nga ngotꞌe̱ ꞌne̱ ꞌniú kixi̱ tikòn an nga nde ingojín jún, xi je ini̱jmìi̱ éntjatsi̱e̱e̱ nínga botixómá Néná xi sku̱i̱e̱ ngase kje̱n án.

Ni xi kamá 28:31

kó nde jmíjín xi katsꞌénniꞌii̱n nga íni̱jmì eén kjo̱a̱a̱ xikótsꞌèn ko̱tíxoma Néná, ko̱jo nga akóyá kjo̱a̱a̱ Ndi̱a̱ná Jesukristoo̱.

Xota̱ Roma̱ 10:15

Kó kótsꞌèn kꞌuiníjmì eén Néná tsi jmíjín xi sa̱ngíyá. Bi̱ tsꞌén kjitꞌa xo̱jo̱n eén Néná: “Achichí tsjatsꞌèn fochokónná ngo xota̱ xi tsáyà éntjatsi̱e̱e̱ Néná.”