Matioo̱ 3:11 - Xo̱jo̱n eén Néná

¹¹ An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Matioo̱ 3:11 ပူးပေါင်းရင်းမြစ်များ

Matioo̱ 3:6

kó Juaa̱ atíndá kui xotaa̱ ngi̱jii̱n ndejèꞌ Jorndaa̱n, kó kui xotaa̱ ki̱a̱ katsóyà jeé.

Markoo̱ 1:4

Kó ki̱a̱ jachó Juaa̱ nangi kixií tsi̱ꞌe̱ nga atíndá xotaa̱, kó íni̱jmì nga sa̱tíndá, tsi̱ꞌe̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, tsi̱ꞌe̱ nga si̱ꞌanjetakoón.

Rkaa̱ 1:17

Ko̱jo kuí boá xi ko̱e̱je̱tjoón Ndi̱a̱ná, kó kꞌuijñájii̱n a̱si̱énni̱xtjii̱n ko̱jo ngaꞌniuú Néná, xikoó nda̱ chji̱ni̱e̱ꞌe̱én Néná xi ꞌmí Eliyaa̱, tsi̱ꞌe̱ nga ko̱óndaa̱ ini̱ma̱a̱ xi na̱ꞌmi ko̱jo xi ndí, ko̱jo tsi̱ꞌe̱ nga xi kitikjo̱a̱a̱ kixi̱ ka̱ma, ko̱jo tsi̱ꞌe̱ nga ku̱i̱ꞌíjñandaa̱ Ndi̱a̱ná xota̱ na̱xi̱ńdá xi mejeén nga sa̱ꞌín xaá.

Rkaa̱ 3:16

ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Rkaa̱ 3:3

Kó Juaa̱ kijí ngayeje nangi xi síndotꞌa ndejèꞌ Jorndaa̱n, kó íni̱jmi̱ì nga sa̱tíndá tsi̱ꞌe̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, tsi̱ꞌe̱ nga si̱ꞌanjetakoón,

Juaa̱ 1:15

Juaa̱ tsíchji̱a̱ kjo̱a̱a̱ kui, kó bi̱ katsó nga katsóyà: –Kjo̱a̱a̱ kuii̱ bí xi kixian an, nga bi̱ kixian an: Kui xi sꞌe̱ ndibaá, kuí xí tjón ngase, ngatꞌa̱ ja̱bo̱a̱ jè tikón ngindiee̱ nga kotíjña̱ an.

Juaa̱ 1:30

Kjo̱a̱a̱ kuii̱ bí xi kixian an, nga bi̱ kixian an: “Jaskan ngije jéꞌe̱ an ndibá ngo nda̱, xi ja̱bo̱a̱ je ikꞌíjñá ngindiee̱ nga stse̱n án, ngatꞌa̱ kuí xí tjón ngase ta̱bo̱a̱jiín án.”

Ni xi kamá 1:5

Ngatꞌa̱ ja̱koxi̱ boá nga Juaa̱ ndáfoa atíndání xotaa̱, ta̱nga ngi chiboa ni̱xtjin, kó jún sa̱tíndánijnú A̱si̱énni̱xtjii̱n Néná.

Ni xi kamá 19:4

Sꞌe̱ bi̱ katsoó Pabloo̱: –Jo̱o̱n, Juaa̱ atíndá ngayeje xota̱ xi katsꞌénkꞌoyá yojoo̱, kó katsóyaà kui xotaa̱ nga sa̱ꞌínsꞌijin xi jaskan kji̱ndi̱bákoón kui, kó kuí Kjisoo̱ xi̱ꞌba̱.

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Ni xi kamá 8:38

Kósꞌe̱ katsꞌénkasién karroo̱, sꞌe̱ nga joó jatjajen nga tsꞌasꞌienjin ngi̱jin ndáfoaa̱, kósꞌe̱ Ngiripee̱ atíndá kuí nda̱ Etiopiyaa̱.

1 Xota̱ Korinto̱ 12:13

Ngatꞌa̱ ta̱ ngo tsí A̱si̱énni̱xtjii̱n Néná xi kastindá ngayeje ñá, kó ngayeje ñá nga katseꞌéná nga kiꞌyó ti̱ kui A̱si̱énni̱xtjii̱n, kó bo̱a̱ tsꞌén nga ta̱ ngo yojo kamá, tsi xota̱ jundío̱, ko̱jo tsi xota̱ xi jundío̱jín, tsi moso̱ xi kastiñá, ko̱jo tsi xota̱ xi tjimándé.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Titoo̱ 3:5

tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.