Matioo̱ 28:20 - Xo̱jo̱n eén Néná

²⁰ kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Matioo̱ 28:20 ပူးပေါင်းရင်းမြစ်များ

Jenesii̱s 39:21

Néná to̱kó asíko̱jo ngase, kó akoó kókjiꞌi tjoó, ngatꞌa̱ Néná xí katsꞌén nga nda̱ ngito̱ko̱ xi tsꞌénkonda ndo̱bo̱a̱ya̱à nda katsꞌénjo̱ Kosiee̱.

Xo̱jo̱n Salmoo̱ 46:11

Néná xí tsi̱ꞌe̱ jájuún kꞌi̱e̱ tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 46:7

Néná xí tsi̱ꞌe̱ jájuún ñá boá xi tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Éksondo̱ 3:12

Kó Néná bi̱ katsoó: —¡Moise̱, án boá xi kjótsoꞌbájoo̱ ngatsjéni̱xtjin! Kó tsi̱ꞌe̱ nga xchi̱e̱ ji nga an xi tsꞌéntsangiyaa, ngo chi̱bo̱a̱ tsjaa: Ngije kaꞌnaxié ji xota̱ Israee̱l, ngayeje jún kuí má kui na̱xi̱i̱ si̱ꞌandikónjnúꞌun.

Éksondo̱ 8:27

Ta̱sá ndatsi nangi kixí jàn kongínjne̱, nínga ján ni̱xtjin kongíndsa̱kojne̱, kó ki̱a̱ si̱ꞌankꞌasꞌienjne̱ kjo̱a̱tjó Nejne̱ xikótsꞌèn je atíxomajne̱ kui.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Matioo̱ 13:49

Bo̱a̱ ti̱ ka̱ma nga kju̱i̱e̱ nga̱sondiee̱: Kji̱ndi̱bá ndítsjiee̱, kó kjo̱a̱ꞌájin xota̱ xi kixi̱i̱, kó xín ku̱i̱ꞌíndo xota̱ xi ndajiín,

Matioo̱ 18:20

Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.

Matioo̱ 24:3

Kó kjiꞌanga Kjisoo̱ tikónndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó: Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Markoo̱ 16:20

Kó kui jaá kijíkꞌíni̱jmì eén Néná ngayeje són nga̱sondiee̱, kó Néná asíko̱jo nga katsjángaꞌniuú eén nga katsꞌén kjo̱a̱ndikón. Bo̱a̱ kjiꞌi.

Ni xi kamá 2:42

Kó ta̱nisién kamáꞌniátakón ni xi akóyá já apostroo̱, kó ta̱ ngo tsaꞌa xkjín, ko̱jo kamátikó xtín nga iskjinie, ko̱jo nga katsꞌe, ko̱jo nga tsíchji̱a̱a̱ Néná.

Ni xi kamá 20:27

ngatꞌa̱ jè kasayajnúꞌun ngayeje ni xi mejeén sa̱ꞌín Néná, kó jmí ni iꞌmajínjnúꞌun.

1 Xota̱ Korinto̱ 11:2

Tsjatsꞌèn chjiá an kjo̱a̱a̱ jún, já ntsꞌie, ngatꞌa̱ ngatsjéni̱xtjin foaꞌátsjienjnú án, kó ndyi̱niꞌánjnú ngayeje nii̱ xikótsꞌèn akoyájnúꞌun, kuí nii̱ xi katseꞌéna, kó ti̱ bo̱a̱ ti̱ tsꞌén katsꞌenkꞌasꞌienjnúꞌun nga.

1 Xota̱ Korinto̱ 11:23

Ngatꞌa̱ ni xi akóyána Ndi̱a̱ná kuí má ni xi akoyájnúꞌun: Nga Ndi̱a̱ná Kjisoo̱ iskjíbé paa̱n kui ni̱xtji̱e̱n nga kiniꞌánkꞌasꞌien kui,

1 Xota̱ Korinto̱ 14:37

Tsi tjín xí tsꞌénkjó nga kui xi maa̱ nga ka̱tso̱yà én xí Néná tsjaá, ko̱jo tsi kui xi maa̱ nga A̱si̱énni̱xtjii̱n Néná xí katsjaá ngo kjo̱a̱nda, ta̱sá ngatamabe nga kjo̱a̱botíxomaa̱ Ndi̱a̱ná boá ni xi tjítsꞌenꞌindójnúꞌun kꞌi̱e̱e̱.

Ndeuteronomio̱ 12:32

Kuíni nga ti̱ꞌankjatjosónjnú kui kjo̱a̱botíxomaa̱, kó nga chjeꞌéxínjínjnúu̱ ngo ni, ti̱nde nga fosónjínjnúu̱ ngo ni.

Ndeuteronomio̱ 5:32

»Kuíni nga jún xota̱ Israee̱l, ti̱ꞌankjatjosónjnú ngayeje kui kjo̱a̱botíxomaa̱ Nejnú xi tjítsꞌenkꞌasꞌiénjnúꞌun.

Xota̱ Kolosa̱ 1:28

Kristo̱ xi̱ꞌbi̱ xi ndyi̱ꞌbíni̱jmìjne̱, kó ndyi̱botíxomajne̱ ngayeje xotaa̱, kó ndyi̱bokoyájne̱ nga ndyi̱niꞌánkjiénjne̱ ngayeje kjo̱a̱kjínkón xi tsja̱ajne̱ Néná, tsi̱ꞌe̱ nga kui xotaa̱ xi ka̱ma xikoó xota̱ xi sꞌijii̱n Kristoo̱ xikótsꞌèn mejeén Néná.

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

2 Xo̱jo̱o̱n Peé 3:2

Ngatjaꞌátsjienjnú ni xi katsó já chji̱ni̱e̱ꞌén tsjiee̱ Néná ngasꞌe̱, ko̱jo kjo̱a̱botíxoma xi akóyájnú já apostroo̱ kjo̱a̱a̱ Ndi̱a̱ná Jesukristoo̱ kui xi tsꞌaxiéꞌáná.

Ni xi akakoo̱ 1:18

ko̱jo án boá xi tikòn an, kꞌien án ngasꞌe̱, ta̱nga ngotꞌe̱, tikòn án ngatsjéni̱xtjin, kó án boá xi tikónna yibii̱ nínga botíxomaa̱ kjo̱a̱bo̱yaa̱.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.