Matioo̱ 28:19 - Xo̱jo̱n eén Néná

¹⁹ Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Matioo̱ 28:19 ပူးပေါင်းရင်းမြစ်များ

Jenesii̱s 1:26

Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Matioo̱ 13:52

Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.

Matioo̱ 25:32

kó xota̱ xi chji̱a̱ni ngayeje na̱xi̱ńdá kjo̱e̱ꞌekíndyiá kje̱n, kó xín ku̱i̱ꞌíndo xota̱ xi ndajín, kó xín ku̱i̱ꞌíndo xota̱ xi nda, xikó má tsꞌén ngo nda̱ xi koo̱n cho̱tsa̱nga̱a̱ nga foaꞌájin cho̱tsa̱nga̱a̱ ngi̱jii̱n tindsoo̱,

Ni xi kamá 1:2

ngaskande ni̱xtjin nga kijí ndiꞌakꞌajmi jàn, ngije ja̱bo̱a̱ je katsjaá kjo̱a̱botíxoma já apostro̱ xi je jaꞌájin nga A̱si̱énni̱xtjii̱n Néná katsꞌénkjién,

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 14:21

Jaskan ngije íni̱jmì éntjatsi̱e̱e̱ Néná na̱xi̱ńdáꞌniú Nderbe̱ nínga kjín xota̱ katsꞌénsꞌijin eén Néná, kijí nginí na̱xi̱ńdáꞌniú Listra̱, ko̱jo na̱xi̱ńdáꞌniú Ikonio̱, ko̱jo na̱xi̱ńdáꞌniú Antiokiya̱,

Ni xi kamá 2:41

Kó bo̱a̱ tsꞌén, kui xota̱ xi iskjíbé kuí eén, atíndá yojoo̱, kó kamára̱ tsi ta̱ ngi ján mi̱ xota̱ xi kisꞌijii̱n Néná.

Ni xi kamá 28:28

Jún ngatamayajnú nga ngotꞌe̱ ꞌne̱, Néná tsꞌéntsjaá kjo̱a̱ꞌnaxiéꞌaá xota̱ xi jundío̱jín, kó ta̱sá kuí xi ku̱i̱ntꞌiè kuí eén.

Ni xi kamá 9:18

Kó ti̱ kjiꞌa ja̱ kon tji̱bo̱a̱tsjiee̱ tji̱o̱ kon ni xi jatjoo̱ ndyi̱ko̱n Sauloo̱, kósꞌe̱ kamátsijee̱n, jastjíe̱n, kó tji̱e̱nmá kastindá,

Xota̱ Roma̱ 10:18

Ta̱nga an bosíyá an: A tsintꞌiéjín. ¡Ja̱koxi̱ nga jè tsintꞌié! Bi̱ tsó xo̱jo̱o̱n Néná: Nda̱a̱ je kandaꞌyá ngayeje nga̱sondiee̱, kó eén je jachó ngaskande nínga fetꞌanii̱ nga̱sondiee̱.

1 Xota̱ Korinto̱ 15:29

Tjín xí botíndá yojoo̱ ngajoo̱ xota̱ xi je jesoón, kó tsꞌénkjó nga bo̱a̱ tsꞌén kjo̱tjoꞌa kui xi je jesoón nga. Ta̱nga tsi ngiti̱ foaꞌáꞌyájiín xota̱ xi je jesoón, mí tsjá ngajoo̱ kui xota̱ xi je jesoón ndyi̱botíndá yojoo̱ xi bo̱a̱ ndyi̱tsꞌe̱én.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

Xota̱ Ngalasia̱ 3:27

Ngayejejnú xi sꞌijinjnú ko̱jo xi je kastindánijnú Kristoo̱ jè kamángojo̱jnú, kó jè xikoó tsi Kristoo̱ xi kjima ngo ńjño xi kichajájnú.

Xota̱ Éfeso̱ 2:18

Kó ngatꞌaa̱ Kristoo̱ nga xota̱ xi jundío̱ ko̱jo xi jundío̱jín ta̱ ngo tsí A̱siénni̱xtjin tikónná, kó ka̱ma kjóchochontiñáa̱ Na̱ꞌmii̱.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Juaa̱ 5:7

Ján má xi chistikoo̱,