Matioo̱ 27:19 - Xo̱jo̱n eén Néná

¹⁹ Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»

Matioo̱ 27:19 ပူးပေါင်းရင်းမြစ်များ

Jenesii̱s 31:11

Kó Néná bi̱ katsóna ngi̱jin ńjñá jàn: “Jè kamábe an ngayeje ni xi ndajínkjiꞌi xi tjítsꞌénjoo̱ chiꞌyáa̱, kó kuíni nga tsitsíjin ji ngotꞌe̱ kó xchi̱e̱ ji nga ngayeje cho̱ xi̱ꞌin xi bixanjo̱ cho̱ ínchjiín, cho̱ xi indó ko̱jo xi tjiín ndi̱yà tiboa boá.

Jenesii̱s 31:29

Tjínna ngaꞌniú nga ngo ni xi ndajínkjiꞌi sa̱ꞌinjo̱jnúꞌun, ta̱nga ngoye jñó tsíchji̱a̱jona Ne xi tsi̱ꞌe̱ na̱ꞌmíi̱, kó bo̱a̱ katsóna nga ꞌniújín xò kuichjiájoo ji.

Énkjínkón 29:1

Xota̱ xi tsjajín maá nga niꞌánxchánjo̱, ta̱niján má kji̱ndi̱bá nga si̱ꞌankjie, kó jmíjín xi ka̱ma ku̱i̱ꞌíchjaá nga bo̱a̱ ka̱ma.

Xki̱ 12:6

Néná bi̱ katsoó nga jaán: «Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án».

Matioo̱ 1:20

Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

Matioo̱ 2:19

Ta̱nga ngije kꞌien Erondee̱, ngo ndítsjiee̱ Néná tsíchji̱a̱jo Kosiee̱ ngi̱jin ńjñaá ki̱a̱ nangi Ejipto̱, kó bi̱ katsoó:

Matioo̱ 2:22

Ta̱nga nga tsintꞌié Kosiee̱ nga ndií Erondee̱ xi ꞌmí Arkelao̱ tikón ree̱ nangi Jundea̱, katsakjónní nga ki̱a̱ ko̱e̱je̱, kó ngije ja̱bo̱a̱ je katsóyaà Néná ngi̱jin ńjñaá, ta̱sá nangi Ngalilea̱ kijí.

Matioo̱ 27:18

Ngatꞌa̱ ja̱bo̱a̱ ja̱ bo̱a̱ jè be Pilatoo̱ nga ta̱ kjo̱a̱a̱ kjo̱a̱ꞌontakón boá nga kiniꞌánkꞌasꞌien Kjisoo̱.

Matioo̱ 27:24

Kó nga kamábe Pilatoo̱ nga ngiti̱ jmí ni kamájín katsꞌén, nga ta̱sá kamákján ngasee̱ xota̱ na̱xi̱ńdaá, iskjíbé chií ndáfoa sꞌe̱ aniéjón tsja ngindyi̱ko̱n xotaa̱, kó bi̱ katsó: –Jmí jéjínna kjo̱a̱a̱ nga ko̱yà kuí nda̱ kixi̱i̱, ni tsa̱jún boá kui nii̱.

Matioo̱ 27:4

kó bi̱ katsó: –Katsꞌenjé án nga katsꞌenkꞌasꞌienjnúꞌun nga kiniꞌánkꞌién ngo nda̱ xi jmí jéjiín. Sꞌe̱ kui jaá bi̱ katsó: –Kó ji̱n mí ndasenjne̱ kui nii̱. ¡Ni tse̱ boá xi̱ꞌba̱!

Rkaa̱ 23:41

Ñá, nga ja̱koxi̱, ndakjíꞌí nga kiniꞌánjéná, ngatꞌa̱ ndyi̱ꞌbíchjí ñá ni xi tsoboáná kjo̱a̱a̱ ni xi kiniꞌán, ta̱nga Kjisoo̱ jmí ni katsꞌénjín.

Rkaa̱ 23:47

Nga kamábe nda̱ ngito̱ko̱o̱ jájuún ngayeje kui ni xi kamaá, katsjaá kjo̱a̱je Néná, nga bi̱ katsó: –Ja̱koxi̱ nga nda̱ kixi̱ kamá kui nda̱a̱.

Juaa̱ 19:13

Kó ngije tsintꞌié kuí nii̱ Pilatoo̱, tsꞌaxié Kjisoo̱ ndi̱tsee̱n, sꞌe̱ katsꞌénkꞌíjñasón yáxíríe̱ xi ꞌbíndosón xota̱ xi niꞌánjeé, ki̱a̱ ngo ngi̱ndie xi ꞌmí Ngabataa̱ nga én ebreo̱ (Ngi̱ndie xi kjiyaa̱ ndi̱jo̱, tsó kui eén).

Ni xi kamá 12:21

Kó ngo ni̱xtjin kui nda̱ re Erondee̱ tsíchji̱a̱a̱ xotaa̱ nga yajá ńjño ndaa̱, kósꞌe̱ kisꞌijñasón nínga botixómá, sꞌe̱ tsíchji̱a̱yajii̱n,

Ni xi kamá 18:12

Ta̱nga kui ni̱xtjin jàn nga kamá xtitjoón nangi Akaya̱ nda̱ xi ꞌmí Ngalioo̱n, xota̱ jundíoo̱ kamátikó xtín nga kijií kondra̱ Pabloo̱, kósꞌe̱ kijíjo̱ ngi̱ndie nínga botíjeé,

Ni xi kamá 18:16

Kó xtitjoón tsangatji̱ngii̱ kui xotaa̱ ki̱a̱ ngi̱ndie nínga botíjeé.

Ni xi kamá 18:17

Kósꞌe̱ katsoboá xtín kui xota̱ jundíoo̱ nda̱ xi ꞌmí Sóstenee̱, ngito̱ko̱o̱ ndiꞌa nínga ndokjo̱a̱ eén Néná, sꞌe̱ ikꞌieé ki̱a̱ kje̱n ngi̱ndie nínga niꞌánjeé, ta̱nga nda̱ xtitjón xi ꞌmí Ngalioo̱n nde ngiti̱ ki̱a̱jín katsꞌénseén kui nii̱.

Ni xi kamá 25:10

Kó Pabloo̱ bi̱ katsó: –Kꞌi̱e̱ tikòn an kje̱n ngi̱ndie nínga botíjeé, kó kꞌi̱e̱ bí nínga chjiéngá ka̱majéna. Xikó tsꞌén je nda ye ji nga ngojín ni xi ndajínkjiꞌi tjítsꞌen an kondraa̱ já jundíoo̱.

Ni xi kamá 25:17

Kó kuíni nga, nga jeꞌe kui jaá kꞌi̱e̱e̱, nde askoyájáa̱n, ngatꞌa̱ nga kamángindyiojón nga jachókatíjñasón an yáxíríee̱ ngi̱ndie nínga botíjeé kijíchjaꞌána kui nda̱a̱,

Ni xi kamá 25:6

Festoo̱ kamáraa̱ tsi jin ko̱jo tsi tie ni̱xtjin ki̱a̱ na̱xi̱ńdáꞌniú Jerusale̱n, sꞌe̱ jaskan kijí nginí na̱xi̱ńdáꞌniú Sesarea̱, kó nga kamángindyiojón jachókꞌíjñasón yáxíríe̱ ndikoón, kó katsjákjo̱a̱ nga tsangínjoo̱ Pabloo̱.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Juaa̱ 2:1

Jún ndí ndí tsa̱ꞌa̱n, kui nii̱ tjítsꞌenꞌindójnúꞌun tsi̱ꞌe̱ nga si̱ꞌanjéjínjnú, ta̱nga tsi tjín xí je katsꞌénjé, tikónná ngo nda̱ xi kꞌo̱xiéꞌáná ngindyi̱ko̱n Na̱ꞌmii̱, kó Jesukristoo̱, nda̱ xi kixi̱i̱ boá.