Matioo̱ 26:46 - Xo̱jo̱n eén Néná

⁴⁶ Ti̱sítji̱e̱njnú, tjián ꞌne̱, tsitsíjenjnúu̱ nga je tsꞌéndibá tiña xi sa̱ꞌínkꞌasꞌienna.

Matioo̱ 26:46 ပူးပေါင်းရင်းမြစ်များ

Matioo̱ 26:45

Kósꞌe̱ jachókoón xota̱ tsi̱ꞌe̱, kó bi̱ katsoó: –Tsjayojoféjnú ꞌne̱, kó ti̱ꞌankjaꞌyájnú, jè jachó chi̱bo̱a̱ nga ndií nda̱ xi̱ꞌii̱n si̱ꞌankꞌasꞌien ngi̱ya tsja xota̱ jé.

Matioo̱ 26:47

Kó ti̱ tsꞌénchji̱a̱ ngase Kjisoo̱ nga jachókoón nda̱ xi ꞌmí Jundaa̱, ngo nda̱ xi chji̱a̱ni nga tiejó xota̱ tsi̱ꞌe̱, kó kjín xota̱ tji̱e̱njo xi ndyi̱yaꞌa ki̱cha̱ ko̱jo yá, kó kui xotaa̱, já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, ko̱jo já xchá ngito̱ko̱o̱ na̱xi̱ńdaá xí katsangiya.

Markoo̱ 14:42

¡Ti̱sítji̱e̱njnú, tjián ꞌne̱! Kꞌi̱e̱ je ndibá tiña xi sa̱ꞌínkꞌasꞌienna.

Rkaa̱ 12:50

Ta̱nga tjón mára ngo kjo̱a̱ni̱ma̱ xi ꞌniú kjo̱a̱ꞌajin an, ¡kó achichí nda̱ kjimana ngaskande nga kjo̱tjosón!

Rkaa̱ 22:15

Kó bi̱ katsoó kui jaá: –Achichí kamámejénna nga skjíni̱e̱jo ngasejnúꞌun ṉño̱ kui sꞌué paskuaa̱, ngindiee̱ nga kjo̱a̱ꞌatio an kjo̱a̱ni̱ma̱.

Rkaa̱ 22:21

Ta̱nga ngotꞌe̱ ꞌne̱, tsja nda̱ xi sa̱ꞌínkꞌasꞌienna kꞌi̱e̱ tikóntꞌajo̱na yámíxa̱a̱.

Rkaa̱ 9:51

Kó ngije kjimatiña ni̱xtjin nga Kjisoo̱ ko̱e̱je̱ nkꞌa jàn, katsjaá kon nga kijí na̱xi̱ńdáꞌniú Jerusale̱n.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 21:20

Peé askotsijen nga̱xto̱n, kó kamábe nga tji̱e̱ngii̱ nda̱ xi xota̱ tsi̱ꞌe̱ Kjisoo̱ kui xi tjó katsꞌén, kui nda̱ xi ítꞌaa̱ to̱ko̱ ni̱se̱e̱n Kjisoo̱, kjiꞌanga iskjinie ṉño̱ nga kamájñoó nga kamá sꞌué paskuaa̱, xi bi̱ katsoó Kjisoo̱: “Ndi̱a̱, ꞌyá xí sa̱ꞌínkꞌasꞌiee̱n.”

Ni xi kamá 21:13

Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.