Matioo̱ 26:39 - Xo̱jo̱n eén Néná

³⁹ Kó Kjisoo̱ ngi̱chí kijíboaꞌá, asiéntikoó kó yejénxtien kje̱n ngaskande nga kisitꞌaa̱ tꞌanangii̱, sꞌe̱ tsíchji̱a̱a̱ Néná, nga bi̱ katsó: –Na̱ꞌmi, tsi ka̱ma, chje̱ꞌéxín boeꞌéní kuí kjo̱a̱ni̱ma̱a̱, ta̱nga jmí tsi ni xi xian an ni xi ngatama, ta̱sá ngatama ni xi mejeén ji.

Matioo̱ 26:39 ပူးပေါင်းရင်းမြစ်များ

Jenesii̱s 17:3

Nga tsintꞌié Abra̱n kui nii̱, asiéntikoó ngaskande nga kisitꞌaa̱ xtjien tꞌanangii̱. Kósꞌe̱ Néná bi̱ katsoó: «Kuí bí kui nii̱ xi tsꞌénꞌbindajoo̱ ji ngotꞌe̱: Jí boá xi ka̱ma ji na̱ꞌmii̱ kjín xota̱ na̱xi̱ńdá. Kó kuíni nga jè ngiti̱ Abra̱njín kꞌuin jaꞌée̱n ngotꞌe̱, jè Abraa̱n kꞌuiín, ngatꞌa̱ jí boá xi ka̱ma ji na̱ꞌmii̱ kjín xota̱ na̱xi̱ńdá, kó kjín xota̱ tji̱e̱ kꞌuieé, kó ki̱a̱ kjo̱tjojin xi re ka̱ma nga. Kui ni xi tsꞌénꞌbindajoo̱ ji ngotꞌe̱, ko̱jo xota̱ tji̱e̱ tse̱ boá xi tsꞌénꞌbindajo̱ an nga, kó jmíni̱xtjin kju̱i̱e̱ kui nii̱. Án boá xi Ne tse̱ ka̱ma an, ko̱jo Nee̱ xota̱ tji̱e̱ tse̱. Kó nangi Kanaa̱n nínga tindyin ji ngotꞌe̱ xikoó ngo xota̱ xi xín nangi, jí boá xi tjítsꞌenkꞌasꞌieen ngotꞌe̱ ko̱jo xota̱ tji̱e̱ tse̱, kó ngatsjéni̱xtjin nga tsa̱jún ka̱ma. »Ta̱nga ji ko̱jo xota̱ tji̱e̱ tse̱ chjiéngá si̱ꞌankjatjosónjnú,

Xki̱ 14:5

Kósꞌe̱ Moisee̱ ko̱jo Aaroo̱n kixindyiańña ngaskande nga kisitꞌaa̱ xtjien tꞌanangii̱ kje̱n nínga síndo xota̱ Israee̱l.

Xki̱ 16:22

Kó Moisee̱ ko̱jo Aaroo̱n kixindyiańña ngaskande nga kisitꞌaa̱ kje̱n tꞌanangii̱, kó bi̱ katsoó Néná: —Ne tsa̱ji̱n, ji xi boeꞌéjne̱ kjo̱a̱mindyion ngayejejne̱, ¡ngata̱ niꞌínkꞌínjín ji! A si̱ꞌinkꞌin jí ngayeje kui xotaa̱ ta̱ngatꞌanii̱ ngo nda̱.

Matioo̱ 20:22

Kósꞌe̱ Kjisoo̱, bi̱ katsoó: –Yàjínjnú ni xi ndyi̱chjiáꞌájnú. A kjo̱chíkjo̱a̱jnú nga on xcha̱jnú xikótsꞌèn on xcha̱na an, kó a kjo̱chíkjo̱a̱jnú kjo̱a̱ni̱ma̱ xi kjo̱a̱ꞌatio an. Kó bi̱ katsó kui jaá: –Jo̱o̱n kjo̱chíkjo̱a̱jne̱.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 26:42

Kó ti̱ kijí nginí Kjisoo̱ ingo ndi̱yà, ti̱ tsíchji̱a̱ nginií Néná, nga bi̱ katsó: –Na̱ꞌmi, tsi kjo̱a̱ꞌniútjínnií nga kjo̱a̱ꞌa an kui kjo̱a̱ni̱ma̱a̱, kjo̱a̱jiín, ngatama ni xi mejeén ji nga ka̱ma.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Rkaa̱ 17:16

kó nga jachókoón Kjisoo̱, asiéntikoó ngaskande nga jachótꞌaa̱ kje̱n tꞌanangii̱ nga katsjaá ndokꞌóchjì, kui nda̱a̱ ki̱a̱ chji̱a̱ni nangi Samaria̱.

Juaa̱ 11:41

Sꞌe̱ kachjeꞌéxín ndi̱jo̱ xi kjiꞌixtio nga̱ntjo̱a̱a̱ nga̱tsjo̱ó. Kó Kjisoo̱ askotsijen ndiꞌakꞌajmi jàn, nga bi̱ katsó: –Na̱ꞌmi, ndokꞌóchjì tsjàa̱ ji ngatꞌa̱ kandaꞌyéní.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 18:11

Sꞌe̱ Kjisoo̱, bi̱ katsoó Peé: –Nangísꞌín nginí ki̱cha̱ndojóo̱ tji̱xinkícha̱a̱. Tsi Na̱ꞌmii̱ xi tsꞌéntsjána kui kjo̱a̱ni̱ma̱a̱, a chjiénjín nga kjo̱a̱ꞌatio an.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 5:30

Ka̱májínna sa̱ꞌin an ngo ni an so̱bo̱a̱, xikótsꞌèn ntꞌie an, bo̱a̱ tsꞌén xiya an tsi nda ko̱jo tsi ndajín ndyi̱tsꞌèn xotaa̱, kó kixi̱ tsꞌénkotsijée̱n tsi nda ko̱jo tsi ndajín ndyi̱tsꞌèn xotaa̱, ngatꞌa̱ jmí tsi ni xi mejénna an xi mongase an, ni xi mejeén xi katsangiyana xí mongase an.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Ni xi kamá 10:25

Kó ngije tsꞌasꞌien Peé kui ndiꞌaa̱, Korniee̱ tji̱e̱nmá katsꞌénkꞌasꞌien, kó asiéntikoó kje̱n Peé nga katsꞌéndikón.

Xota̱ Filipo̱ 2:8

kó nga xota̱ kamá, ni̱ma̱kjo̱a̱ katsꞌén ti̱ kui yojoo̱, kó tsintꞌiéꞌeén Néná ngaskande nga kꞌien, nga kꞌientꞌa kroo̱.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.