Matioo̱ 26:38 - Xo̱jo̱n eén Néná

³⁸ Kósꞌe̱ Kjisoo̱, bi̱ katsoó: –Achichí ndasen tikón ini̱ma̱na ngaskande nga ko̱yà an, ti̱ndyionrajnú kꞌi̱e̱e̱, kó nijan ku̱i̱ndyionda.

Matioo̱ 26:38 ပူးပေါင်းရင်းမြစ်များ

Xo̱jo̱n Salmoo̱ 116:3

Kjo̱a̱bo̱yaa̱ jè íjñaꞌniúna katsaki, achichí katsakjon an nga ko̱yà án. ¡Achichí ꞌniú nda̱ kamána!

Xo̱jo̱n Salmoo̱ 42:5

Míkjo̱a̱a̱ nga ngiti̱ kjimaꞌniútakínjín ji ndí ini̱ma̱. Míkjo̱a̱a̱ nga nda̱ kjimaa̱ ngi̱jin yojona. Chiyéràa̱ Néná, ngatꞌa̱ to̱kó sa̱ꞌintsjáñáa̱ ¡Néná boá xí ꞌboxiéꞌána, kó kuí boá xi Néna!

Én xí nda xi ꞌniú tsjatsó ngasee̱ 5:3

«Ta̱nga jè jaꞌáxín an ńjñona, ¡kó kótsꞌèn nga ti̱ koajà ngiñá an! Jè aniejón an ndsa̱ko án, ¡kó kótsꞌèn nga ti̱ sa̱ꞌindándí ngiñá an!»

Matioo̱ 25:13

Kósꞌe̱ bi̱ katsó Kjisoo̱: –Kuíni, ngata̱ tsjayojoféjínjnú, ngatꞌa̱ yàjínjnú ni̱xtjin ko̱jo chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Markoo̱ 14:34

Kó Kjisoo̱, bi̱ katsoó: –Achichí ndasen tikón ini̱ma̱na ngaskande nga ko̱yà an, ti̱ndyionrajnú kꞌi̱e̱e̱, kó ngata̱ tsjayojoféjínjnú.

Juaa̱ 12:27

Ngotꞌe̱ achichí nda̱ kjimaa̱ ini̱ma̱na, kó mí ni xi xián án. Na̱ꞌmi, ꞌna̱xiéꞌéní kui chi̱bo̱a̱a̱. Ta̱nga kuí xá jachó an kui chi̱bo̱a̱a̱.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Peé 4:7

Jè kjimatiñaa̱ nga kju̱i̱e̱ ngayeje ni xi tjiín, kuíni nga nda tsꞌén ti̱ꞌankjójnú nga ndókjo̱a̱jnúu̱ Néná, kó nda chónjnúu̱ nga si̱ꞌánjnú kui nii̱.