Matioo̱ 26:27 - Xo̱jo̱n eén Néná

²⁷ Kó ngije iskjíbé chi̱tse̱én, ko̱jo ngije katsjaá ndokꞌóchjì Néná, katsjaá kui jaá, nga bi̱ katsoó: –Tꞌi̱o̱jnú ngayeje jún,

Matioo̱ 26:27 ပူးပေါင်းရင်းမြစ်များ

Xo̱jo̱n Salmoo̱ 116:13

Ja̱ tsjaa ndokꞌóchji̱ì, kó kuichjiaá nga sa̱ꞌinkjièn án jaꞌée̱n,

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Én xí nda xi ꞌniú tsjatsó ngasee̱ 7:9

kó ngi̱yaa̱ ndso̱ꞌbe ji ngatama xikoó bino̱ xi ndaa̱, kui xi inda inda ꞌbi xota̱ xi tjóna, kui xi inda inda mongajon tsꞌoa ko̱jo ṉꞌni̱u̱.

Matioo̱ 15:36

Kó iskjíbé pan xi yitoo̱ ko̱jo tji̱o̱o̱, kó ngije katsjaá ndokꞌóchjì Néná, akjángá kó katsjaá xota̱ tsi̱ꞌe̱, tsi̱ꞌe̱ nga sa̱ꞌínkjaꞌasoón xota̱ kjiín.

Matioo̱ 26:26

Kó tji̱e̱nga ndyi̱kjinie nichiniee̱, Kjisoo̱ iskjíbé ngo pan, katsꞌénchikonñé, akjángá, sꞌe̱ katsjaá xota̱ tsi̱ꞌe̱, kó bi̱ katsoó: –Chjábéjnú kó chi̱ni̱e̱jnú, kuí xi̱ꞌbi̱ xi yojona.

Matioo̱ 26:28

ngatꞌa̱ kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱, tsi̱ꞌe̱ nga si̱ꞌanjetakoón jeé.

Rkaa̱ 22:20

Kó ti̱ bo̱a̱ ti̱ tsꞌén iskjíbé chi̱tse̱én ngije iskjinie nichiniee̱, kó bi̱ katsó: –Kuí xi̱ꞌbi̱ xi chi̱tsen nínga tjíꞌbínda ngo kjo̱a̱tja̱tsi̱e̱, tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱.

1 Xota̱ Korinto̱ 10:16

Kui chi̱tsen kamáchikon xi ndyi̱chjiáꞌá nga Néná sa̱ꞌínchikonñé, a ngayejejín ñá nga nijan kjimá nga ndyi̱ꞌyò jiín Kristoo̱. Kó kjiꞌanga ndyi̱chinié pan xi akakjangaa̱, a nijánjín kjimá nga ndyi̱chinié yojoo̱ Kristoo̱.

1 Xota̱ Korinto̱ 11:28

Kuíni nga ngindiee̱ nga skji̱ni̱e̱ paa̱n, ko̱jo nga kꞌuí kuí chi̱tse̱én, nga kotꞌa cha̱n cha̱n yojoo̱ xikótsꞌèn síndo ngindyi̱ko̱n Néná,