Matioo̱ 26:24 - Xo̱jo̱n eén Néná

²⁴ Ja̱koxi̱ nga ndií nda̱ xi̱ꞌii̱n chjiéngá bo̱a̱ ka̱maa̱ xikótsꞌèn kjitꞌa xo̱jo̱n eén Néná, ta̱nga ¡ni̱ma̱ xò kuí nda̱ xi ta̱ngatꞌanii̱ kui nga si̱ꞌankꞌasꞌien! Ta̱sara̱ ndatsi ta̱ bo̱a̱a̱ katsenjín.

Matioo̱ 26:24 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Xo̱jo̱n Salmoo̱ 55:15

¡Ta̱niján má ngatjandibánié kjo̱a̱bo̱yaa̱, kó nga síndo ngase nga kjo̱tjajenni nga̱tsjo̱ó! Ngatꞌa̱ ni xi ndajín síndojii̱n, ko̱jo ti̱ tjín kuí nii̱ ki̱a̱ ngi̱ya ndiꞌaa̱ nga.

Xo̱jo̱n Salmoo̱ 55:23

Ji Ne, jí boá xi si̱ꞌinkjatjajin ji kui xotaa̱ ki̱a̱ ti̱xa̱ nínga xcha̱ja ngatsjéni̱xtjii̱n. Xota̱ xi ꞌniú ndajiín ko̱jo xi ꞌboṉcha̱a̱, nde masiee̱n kjo̱chójín ni̱xtjii̱n nga kꞌuíndo, ¡ta̱nga an ki, ngatsjéni̱xtjin nga ji ꞌniákoo̱n!

Matioo̱ 18:7

Achichí ni tjiín kui nga̱sondiee̱ xi tsꞌén nga ngo xota̱ xi tsꞌénkjátjosónjiín Néná, kó jmíjín kótsꞌèn ka̱ma kꞌuichjáa̱. Ta̱nga, achichí nga ndajín kꞌuijñá kui xota̱ xi sa̱ꞌín ngo ni, tsi̱ꞌe̱ nga kje̱ꞌe xota̱ sa̱ꞌínkjatjosónjiín Néná.

Matioo̱ 26:31

Kósꞌe̱ Kjisoo̱, bi̱ katsoó xota̱a̱: –Ngayejejnú nga kui ni̱xtji̱e̱e̱n ngiti̱ sꞌi̱jinjínjnú an, ngatꞌa̱ jè kjitꞌa xo̱jo̱n eén Néná, nínga bi̱ tsoó: «Sa̱ꞌinꞌóo̱n nda̱ xi koo̱n cho̱tsa̱nga̱a̱, kó cho̱tsa̱nga̱a̱ stso̱joboa.»

Matioo̱ 26:54

Ta̱nga tsi bo̱a̱ sa̱ꞌin an, ja̱ kótsꞌèn kjo̱tjosón ni xi kjitꞌa xo̱jo̱n eén Néná, nga bo̱a̱ tsó nga chjiéngá bo̱a̱ tsꞌén ka̱ma kui nii̱.

Matioo̱ 26:56

Ta̱nga ngayeje kui nii̱ kjimá tsi̱ꞌe̱ nga kjo̱tjosón ni xi kjitꞌa xo̱jo̱n eén Néná xí katsꞌénda já chji̱ni̱e̱ꞌe̱én Néná. Kósꞌe̱ ngayeje xota̱ tsi̱ꞌe̱ Kjisoo̱ íjñámasien, sꞌe̱ tsanga.

Markoo̱ 14:21

Ja̱koxi̱ nga ndií nda̱ xi̱ꞌii̱n chjiéngá bo̱a̱ ka̱maa̱ xikótsꞌèn kjitꞌa xo̱jo̱n eén Néná, ta̱nga ¡ni̱ma̱ xò kuí nda̱ xi ta̱ngatꞌanii̱ kui nga si̱ꞌankꞌasꞌien! Ta̱sara̱ nda tsi ta̱ bo̱a̱a̱ katsenjín.

Markoo̱ 9:12

Kó Kjisoo̱, bi̱ katsó: –Ja̱koxi̱ nga tjón Eliyaa̱ kjo̱e̱ꞌe, kó kuí xí sa̱ꞌíndaya ngayeje nii̱. Kó kótsꞌèn tjítꞌa xo̱jo̱n eén Néná kjo̱a̱a̱ ndií nda̱ xi̱ꞌii̱n. Tsó nga tsie xò kjo̱a̱ni̱ma̱ kjo̱a̱ꞌatio ko̱jo nga si̱ꞌanchꞌo xò.

Rkaa̱ 22:22

Ja̱koxi̱ nga ndií nda̱ xi̱ꞌii̱n chjiéngá bo̱a̱ ka̱maa̱ xikótsꞌèn je kisꞌinda, ta̱nga ¡ni̱ma̱ xò kuí nda̱ xi ta̱ngatꞌanii̱ kui nga si̱ꞌankꞌasꞌien!

Rkaa̱ 24:46

kó bi̱ katsoó: –Bo̱a̱ tsꞌén je kjitꞌa xo̱jo̱o̱n nga chjiéngá tsie kjo̱a̱ni̱ma̱ kjo̱a̱ꞌatio Kristoo̱, ko̱jo nga xi ma ján ni̱xtjin kjo̱a̱ꞌáꞌyaá ngi̱jii̱n xota̱ xi je jesoón,

Juaa̱ 17:12

Nga kisꞌijñajo̱ an kui xotaa̱ kꞌi̱e̱ kui nga̱sondiee̱, askóo̱n ngi̱yaa̱ ngaꞌniuú jaꞌée̱n, kui xota̱ xi ji katseꞌéní, kó askóo̱n, kó nde ngojín xi kichajá, ta̱kuítsí ndí kichajaá, tsi̱ꞌe̱ nga kjo̱tjosón ni xi tjítꞌa xo̱jo̱n ée̱n.

Juaa̱ 19:24

Sꞌe̱ ja̱kꞌi̱e̱ ja̱ngaján, bi̱ katsoó xkjín kuí jájuún: –Ku̱i̱chíyáján kuí ńjñoo̱, ta̱sá ngo kjo̱a̱chꞌáṉcha̱ końtón, kó ꞌyára̱ xi tsi̱ꞌe̱ ka̱ma. Kui nii̱ kamá tsi̱ꞌe̱ nga jatjosón ni xi tsó xo̱jo̱n eén Néná nínga bi̱ tsoó: “Katsꞌénkjaꞌasoón xkjín ńjñona, kó nga̱soón ńjñona katsaton kjo̱a̱chꞌáṉcha̱.” Kó bo̱a̱ katsꞌén jájuún.

Juaa̱ 19:28

Ngije kamá kui nii̱, kó nga Kjisoo̱ je be nga ngayeje nii̱ je kamá, kó tsi̱ꞌe̱ nga kjo̱tjosón ni xi tsó xo̱jo̱n eén Néná, bi̱ katsó: –Xíndána.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Ni xi kamá 28:23

Kó ngije ngo ni̱xtjin ikꞌíjñaá, achichí xota̱ jachókoón Pabloo̱, kui xi katsóyaà kjo̱a̱a̱ xikótsꞌèn ko̱tíxoma Néná ndeskande nga ta̱jño̱ó ngaskande nga kamángixoón, kamámejeén Pabloo̱ nga sa̱ꞌínꞌindakon kui xotaa̱ kjo̱a̱a̱ Kjisoo̱, nga katsꞌénkjién xo̱jo̱n kjo̱a̱kitii̱ Moisee̱, ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná.

Ni xi kamá 4:28

tsi̱ꞌe̱ nga sa̱ꞌín ni xi ja̱bo̱a̱ je ikꞌínde ji, ko̱jo ja̱bo̱a̱ je bo̱a̱ kase nga bo̱a̱ ka̱ma.

1 Xota̱ Korinto̱ 15:3

Ngatꞌa̱ tjón má ni xi kiniꞌánkꞌasꞌienna xi katsꞌenkꞌasꞌienjnúꞌun: Akoyájnúꞌun nga Kristoo̱, jéná xí kꞌientjé xikótsꞌèn kjitꞌa xo̱jo̱n eén Néná,