Matioo̱ 25:40 - Xo̱jo̱n eén Néná

⁴⁰ Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:40 ပူးပေါင်းရင်းမြစ်များ

Énkjínkón 14:31

Kui xi ꞌniútsꞌeén xota̱ ni̱ma̱a̱, Néná boá xi tsꞌénkjánjo̱, ta̱nga kui xi ni̱ma̱ maa̱ xota̱ ni̱ma̱a̱, tsꞌénbendikón Néná.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Matioo̱ 10:40

Xi sa̱ꞌínkjaꞌajnú ngi̱ya ndiꞌaa̱, án boá xi tjítsꞌénkjáꞌana, kó xi tjítsꞌénkjáꞌana an, ti̱ tjítsꞌénkjáꞌá kui Néná xí katsangiyana.

Matioo̱ 10:42

Kó ta̱ ꞌyání xi tsja̱á ngo boso̱ ndáfoa nchꞌàn kui já xí tjimátji̱ngina, kjo̱a̱a̱ nga xota̱ tsa̱ꞌa̱n, ja̱koxi̱ boá nga sa̱ko̱ó ni xi je katsꞌén.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 25:39

Axa̱ kjiꞌání nga kamáꞌoón, axa̱ kjiꞌání nga kixindyin ndo̱bo̱a̱yà, kó ji̱n tsangínchonjne̱.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Matioo̱ 28:10

Kósꞌe̱ Kjisoo̱, bi̱ katsó: –Ngata̱ ndakonjínmájnú, tangínjnú, kó tꞌíyájnúu̱ ntsꞌié án, tsi̱ꞌe̱ nga ko̱e̱je̱ nangi Ngalilea̱, kó ki̱a̱ sku̱i̱e̱na.

Markoo̱ 9:41

Kó ta̱ ꞌyání xi tsja̱ajnú ngo boso̱ ndáfoa ngatꞌa̱ an timatji̱ngijnúꞌun, ja̱koxi̱ ni xi xiánjnúꞌun nga sa̱kórií ni xi je katsꞌén.

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Juaa̱ 20:17

Kjisoo̱, bi̱ katsó: –Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.

Xota̱ Roma̱ 8:29

Ngatꞌa̱ xota̱ xi Néná ja̱bo̱a̱ je be, índa nga kui xi xikoó tsi ndií kui ka̱ma, tsi̱ꞌe̱ nga ndií kui, kui xi tjón ka̱maa̱ ngayeje ntsꞌiee̱.

2 Xota̱ Korinto̱ 4:5

Ngatꞌa̱ jmí tsi kjo̱a̱a̱ ji̱n xi ndyi̱ꞌbíni̱jmìjne̱, kjo̱a̱a̱ Jesukristoo̱ nga kui xi Ndi̱a̱ná xí ndyi̱ꞌbíni̱jmìjne̱, kó ji̱n ta̱ moso̱ tsa̱jún tsi kjimajne̱ ta̱ngatꞌanii̱ nga tikónjinjne̱ kjo̱a̱tjoó Kjisoo̱.

Xota̱ Ngalasia̱ 5:13

Jún ntsꞌie, Néná tsíchji̱a̱jnú tsi̱ꞌe̱ nga xota̱ ndé kamájnú, ta̱nga ngata̱ niꞌánkjiénjínjnú kui kjo̱a̱ndeé tsi̱ꞌe̱ nga ni xi ndajínkjiꞌi xi si̱ꞌánjnú, ta̱sá tjótsꞌèn ti̱ꞌansénjnúu̱ ja̱kꞌi̱e̱ ja̱ngaján xingi̱jnú.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Éfeso̱ 5:30

Ngatꞌa̱ ñá boá xi tindyionjin ni xi yaꞌanii̱ yojoo̱ Kristoo̱.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Juaa̱ 4:20

Tsi tjín xí: “Tjóna Néná” ka̱tso̱, kó tsi chꞌoo̱ xota̱ xi ngasee̱, xota̱ ndiso boá. Ngatꞌa̱ tsi tjójínná xota̱ xi ngasee̱ xi ya kókjiꞌi kje̱n, ja̱ kótsꞌèn ka̱ma tjóná Néná nga yàjín ñá kje̱n kui.

Ni xi akakoo̱ 17:14

Kuii̱ xi skjánjo̱ cho̱tsa̱nga̱a̱, ta̱nga cho̱tsa̱nga̱a̱ sa̱ꞌiín, ngatꞌa̱ kuí boá xi Ndi̱a̱a̱ ngayeje ndi̱a̱ ko̱jo Ree̱ ngayeje re, kó kui xota̱ xi ki̱a̱ nijan síndojo̱, kuí boá xi Néná tsíchji̱a̱a̱ nga xota̱ xi ꞌniátakón.

Ni xi akakoo̱ 19:16

Kó nga̱són ńjñoo̱ ko̱jo nga̱són ti̱ꞌmi̱í kjitꞌa ngo jaꞌén xi bi̱ tsó: REE̱ NGAYEJE RE KO̱JO NDI̱A̱A̱ NGAYEJE NDI̱A̱.