Matioo̱ 25:34 - Xo̱jo̱n eén Néná

³⁴ Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 25:34 ပူးပေါင်းရင်းမြစ်များ

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Énkjínkón 11:17

Xota̱ xi ni̱ma̱ maa̱ kje̱ꞌe xota̱, ti̱kuíní ini̱ma̱a̱ xi nda tjítsꞌénjo̱, ta̱nga xota̱ xi ndajínxotaa̱, ti̱kuíní yojoo̱ xi ndajín tjítsꞌénjo̱.

Matioo̱ 13:35

tsi̱ꞌe̱ nga jatjosón ni xi katsó nda̱ chji̱ni̱e̱ꞌe̱én Néná nga bi̱ katsó: Énkjín xí sa̱ꞌinkjièn án nga kuichjiájo an xotaa̱, kó xiyàa̱ ni xi tjiꞌmaá Néná ndeskande nga kamánda nga̱sondiee̱.

Matioo̱ 19:29

Kó ta̱ ꞌyání xi ta̱ngatꞌanii̱ jaꞌénna nga íjñámasien ndiꞌaa̱, ko̱jo ntsꞌi̱e̱, ko̱jo ndichja, ko̱jo na̱ꞌmii̱, ko̱jo na̱aa̱n, ko̱jo ndií, ko̱jo tꞌanangii̱, úchán bo̱a̱ kjiꞌi ngase ko̱e̱ꞌeé kui nii̱, kó sa̱ko̱ó kjo̱a̱mindyion ngatsjéni̱xtjii̱n.

Matioo̱ 20:23

Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an, ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndie xi je íjñanda.

Matioo̱ 21:5

Bi̱ tꞌínjnúu̱ xota̱ na̱xi̱ńdáꞌniú Jerusale̱n: «Jànꞌa̱n, ki̱a̱ tsꞌéndibákoón nda̱ Rée̱, nda̱ xi ntꞌiéꞌeén, kó ngo bórró tikónsoón, ngo ndí bórró, ndií cho̱ xi bonkꞌá chꞌià.»

Matioo̱ 25:21

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:23

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Matioo̱ 27:37

Kó ngo yátie yítꞌa nkꞌaa̱ to̱ko̱ kroo̱, xi bi̱ tsó: «KUÍ XI̱ꞌBI̱ XI KJISOO̱, NDA̱ REE̱ XOTA̱ JUNDÍOO̱.»

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Matioo̱ 5:19

Kuíni nga ta̱ꞌya xota̱ní xi sa̱ꞌínkjatjosónjín ngo kui kjo̱a̱botíxomaa̱, ndatsi ngo xi ta̱nisién ꞌniú chichií, kó tsi ko̱kóyaá xotaa̱ tsi̱ꞌe̱ nga sa̱ꞌínkjatjosónjín, kuí boá xi chichí si̱ꞌan nínga botíxomaa̱ Néná. Ta̱nga ta̱ꞌya xota̱ní xi sa̱ꞌínkjatjosón, ko̱jo xi ko̱kóyaá kje̱ꞌe xota̱ nga sa̱ꞌínkjatjosón kui kjo̱a̱botíxomaa̱, achichí je si̱ꞌan ki̱a̱ nínga botixómá Néná.

Markoo̱ 10:17

Kó nga tsꞌénfí Kjisoo̱ ngi̱ya ndi̱ya̱à, ngo nda̱ jachókón monga mongaa̱, asiéntꞌaa̱tikoó, kó bi̱ katsoó nga asíyaá: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Markoo̱ 10:40

ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndiee̱.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Rkaa̱ 11:50

Tsi̱ꞌe̱ nga Néná ku̱i̱ꞌaa̱ xki̱ xota̱ xi síndo ngotꞌe̱, kjo̱a̱a̱ jín xí iskjitjón nga kiniꞌánkꞌién ngayeje já chji̱ni̱e̱ꞌe̱én Néná, ndeskande nga ítsꞌi̱yanii̱ nga katsꞌénda kui nga̱sondiee̱,

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 12:13

kó iskjíbé tjiaa̱ xka̱jèn, sꞌe̱ jataxie nga kijíkjaꞌáyíndi̱yà Kjisoo̱, kó bi̱ katsó nga askjandáyà: –¡Néná ngatꞌaxiéꞌáná! ¡Ngatamachikonñé xi ndibání ngajoo̱ Ndi̱a̱ná, nda̱ Ree̱ Israee̱l!

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 19:15

Ta̱nga kui jaá, bi̱ katsó nga askjandáyà: –¡ꞌNa̱xié ji, ꞌna̱xié ji, tjatꞌe ji kro! Sꞌe̱ bi̱ katsó Pilatoo̱: –A nda̱ Rejnú xi kotꞌa an kro. Sꞌe̱ bi̱ katsoó já ngito̱ko̱o̱ chináꞌmii̱: –Sesaa̱ xí rejne̱, jmíjínjne̱ xi kje̱ꞌe.

Ni xi kamá 15:18

bi̱ tsó Ndi̱a̱ná xi bokó ngayeje kui nii̱ ndeskande ni̱xtjin xcháján.

Ni xi kamá 3:26

Kjiꞌanga Néná katsꞌénkjaꞌáꞌyaá ndií, tjón jún katsangiyajnú, tsi̱ꞌe̱ nga katsꞌénchikonñéjnú, ko̱jo tsi̱ꞌe̱ nga bo̱a̱ tsꞌén nga ngo nga ngojnú ngiti̱ jmí ni xi chꞌokjiꞌi si̱ꞌánjínjnú.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

1 Xota̱ Korinto̱ 15:50

Jún ntsꞌie, xiyàjnúꞌun nga kui yojo xi tikónná ngotꞌe̱ ka̱májín sꞌi̱jña nga ko̱tíxoma Néná, ti̱nde ni xi maa̱ fotsoo̱n, sakójiín ngi̱ndie ngi̱jii̱n ni xi fotsonjiín.

1 Xota̱ Korinto̱ 2:9

Ta̱nga bi̱ tsꞌén kjitꞌa xo̱jo̱n eén Néná: Ni xi nde ngojín xota̱ xi je kamábe, ti̱nde ngojín xota̱ xi je tsintꞌié, ti̱nde ngojín xota̱ xi je íjñajin ngi̱jin ini̱ma̱a̱, kuí ni xi je tikónndaa̱ Néná tsi̱ꞌe̱ xota̱ xi ndyi̱tsꞌèntjó Néná.

1 Xota̱ Korinto̱ 6:9

A yàjínjnú nga xota̱ xi kixi̱jín síndo ngindyi̱ko̱n Néná, sa̱kójiín nga Néná xí ko̱tíxomaa̱. Ngata̱ chꞌíṉcha̱jojínjnú yojojnú, sa̱kójiín nga Néná xí ko̱tíxomaa̱, xota̱ xi tondo̱, xota̱ xi ndyi̱tsꞌéndíkón a̱sie̱én ngo ne xi tsꞌénda xotaa̱, xota̱ xi ndyi̱tsꞌèntꞌaa̱ kjo̱a̱ xkjín, já xí xonda, ko̱jo jáxíꞌín xi xi̱ꞌin xkjín foyojojo̱,

Xota̱ Ngalasia̱ 5:21

ko̱jo xi tjiín kjo̱a̱ꞌontakón, ko̱jo xi ndyi̱tsꞌènkꞌién ini̱ma̱, ko̱jo xi tjimáchꞌi̱, ko̱jo xi chꞌo tsꞌén ndyi̱tsꞌèntsjàjo̱ xtín xkjín. Ngayeje ni xi̱ꞌbi̱ ko̱jo ni xi xikoó kui ni xi̱ꞌbi̱, tsꞌenkjaꞌátsjienjnúꞌun, xikó je kixianjnúꞌun ngasꞌe̱, nga kui xota̱ xi ndyi̱tsꞌèn kuí nii̱, sa̱kójiín nga Néná xí ko̱tíxomaa̱.

Xota̱ Éfeso̱ 5:5

Ngatꞌa̱ chjiéngá xcha̱jnú kui nii̱: Nga ja̱koxi̱ boá nga kui xota̱ xi ndyi̱tsꞌèn kjo̱a̱tondo̱, ko̱jo xi ni xi ndándí ndyi̱tsꞌèn, ko̱jo xi xki̱ꞌá xi tjimátji̱ngi kje̱ꞌe ne xi Nénájín, nga ngayeje kui xotaa̱ sa̱kójiín nga Kristoo̱ ko̱jo nga Néná xí ko̱tíxomaa̱.

1 Xota̱ Tesalónika̱ 2:12

Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Xota̱ Ebreo̱ 1:14

A mí tsí ngayeje ndítsjiee̱ nga kui xi ndyi̱tsꞌèn xaá Néná, kó nga kuí xí kanangiya tsi̱ꞌe̱ nga kui xi sa̱ꞌiín kjo̱a̱nda kui xota̱ xi sa̱ko̱ó kjo̱a̱ꞌnaxiéꞌaá.

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 4:3

Ta̱nga ñá xi je kisꞌijinná, ku̱i̱tjásꞌi̱e̱n ñá kui ngi̱ndie nínga tsꞌénkjaꞌyá xota̱ xi tsi̱ꞌe̱ Néná, ngatꞌa̱ bi̱ katsó Néná: Kó kuíni kjiꞌanga katsꞌenxchán án, ja̱koxi̱ nga bi̱ sa̱ꞌin an kixiáa̱n: “Kꞌo̱sꞌienjín kui xotaa̱ ngi̱ndie xi tsjàa̱ nínga tsꞌénkjaꞌyá xota̱ xi tsa̱ꞌa̱n.” Ndatsi Néná je kamándo̱jo̱ó xá xí katsꞌén ndeskande koó nga katsꞌénda nga̱sondiee̱.

Xota̱ Ebreo̱ 9:26

Tsi bo̱a̱ kamá, Kristoo̱ achichíra̱ kjín ndi̱yà kꞌien, ndeskande koó nga kijítjatsꞌee̱n kui nga̱sondiee̱, ta̱nga ngotꞌe̱ ꞌne̱, ngije kjifetꞌaa̱ ni̱xtjii̱n, Kristoo̱ ta̱ ngo tsí ndi̱yà jeꞌe, nga ti̱ kuii̱ katsjá yojoo̱ nga kiniꞌánkꞌién tsi̱ꞌe̱ nga kjo̱a̱ꞌáxín jeé.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 1:9

tjínjnú kui nii̱, ngatꞌa̱ jè ndyi̱fochótꞌajnúu̱ kjo̱a̱ꞌnaxiéꞌájnú, kó kui nii̱ ki̱a̱ ndibánií kjo̱a̱sꞌijinjnú.

1 Xo̱jo̱o̱n Peé 3:9

Tsi ngo xota̱ xi ndajínkjiꞌi ni xi katsꞌénjo̱jnú, ngata̱ niꞌánngojojínjnú, kó ti̱ tsi tjín xi chꞌo ka̱tso̱jnú, ngata̱ chꞌójín ꞌmíjnúu̱ ndatsa jún nga, ta̱sá chji̱a̱ꞌajnúu̱ Néná nga sa̱ꞌínchikonñé, ngatꞌa̱ jè yàjnú nga Néná tsíchji̱a̱nijnú tsi̱ꞌe̱ nga sa̱kójnú kjo̱a̱niꞌánchikonñeé kui.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.

Ni xi akakoo̱ 19:16

Kó nga̱són ńjñoo̱ ko̱jo nga̱són ti̱ꞌmi̱í kjitꞌa ngo jaꞌén xi bi̱ tsó: REE̱ NGAYEJE RE KO̱JO NDI̱A̱A̱ NGAYEJE NDI̱A̱.

Ni xi akakoo̱ 21:7

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.

Ni xi akakoo̱ 5:10

kó kuí xotaa̱ xi kiniꞌín ji re xi tsi̱ꞌe̱ Néná, kiniꞌín ji chináꞌmi xi tsi̱ꞌe̱ Néná, kó kuí boá xi ko̱tíxoma ngayeje tꞌanangii̱.