Matioo̱ 25:21 - Xo̱jo̱n eén Néná

²¹ Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:21 ပူးပေါင်းရင်းမြစ်များ

Énkjínkón 14:35

Nda̱ xi kjínkón xi bosikójo nda̱ ree̱, kuí boá xi tsjaá kjo̱a̱nda ree̱, ta̱nga kui nda̱ xi tsjaá kjo̱a̱soboá, kuí boá xi tsꞌén nga tsꞌénxchán nda̱ ree̱.

Énkjínkón 28:20

Xota̱ xi ma maꞌniátakoón, ngatsjéni̱xtjin nga tsie kjo̱a̱niꞌánchikonñé kꞌuieé, ta̱nga xota̱ xi tsá mejeén nga ka̱macho̱n, ka̱majérií.

Matioo̱ 24:45

ꞌYá moso̱ xi kixi̱ ko̱jo xi ꞌniátakón xi ka̱maa̱ si̱ꞌankjatjosón, nga ndi̱a̱a̱ sa̱ꞌínkonda ndiꞌaa̱ tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Matioo̱ 24:47

Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱.

Matioo̱ 25:23

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Rkaa̱ 12:44

Ja̱koxi̱ ni xi xiánjnúꞌun nga kui mosoo̱, kuí xí si̱ꞌankonda ngayeje ni xi tjiín ndi̱a̱a̱.

Rkaa̱ 16:10

Xota̱ xi nda maꞌniátakón nga skoón ni xi chiboa, ti̱ ka̱maꞌniátakón nga skoón ni xi tsie, kó xota̱ xi kixi̱jín tsꞌénkjátjosón ni xi chiboaa̱, ti̱ bo̱a̱ ti̱ tsꞌén ni xi tsiee̱ kixi̱jín ka̱ma nga.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 14:3

Kó tsi kjuínkꞌijñandajnúꞌun ngo ngi̱ndie, kjoéꞌe̱ ngiñá an nga kjoéꞌe̱kjaꞌajnúꞌun, tsi̱ꞌe̱ nga nínga kotíjña̱ an ki̱a̱ ku̱i̱ndyionjnú nga.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Xota̱ Roma̱ 2:29

Kuí xí xota̱ jundío̱ xi xota̱ jundío̱ ngi̱ya yojoo̱ nga, kó sirkunsisio̱n xi ndaa̱ kuí xí xikoó tsi ngi̱jin ini̱ma̱a̱ xotaa̱ nga kiniꞌaán, kó A̱si̱énni̱xtjii̱n Néná boá xi bo̱a̱ tsꞌén, jmí tsi kjo̱a̱a̱ xikó tsó kjo̱a̱kitii̱. Néná boá xi tsꞌénjóꞌo xota̱ xi ja̱koxi̱ nga ngi̱jin ini̱ma̱a̱ nga kiniꞌaán sirkunsisioo̱n, kó jmí tsi xotaa̱.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 10:18

Ngatꞌa̱ kuijín xi si̱ꞌanjo̱ꞌo kui xi nda tsꞌénꞌboxié yojoo̱. Kuí xí si̱ꞌanjo̱ꞌo kui xi Néná nda tsꞌén ku̱i̱chji̱a̱ kjo̱a̱a̱ kui.

2 Xota̱ Korinto̱ 5:9

Kó kuíni nga niꞌán ngo kjo̱a̱ꞌniú nga niꞌán ni xi tsja maa̱ Ndi̱a̱ná, ndatsi kꞌi̱e̱ tindyión ngi̱jii̱n kui yojoo̱, ko̱jo tsi je akayà.

Xota̱ Filipo̱ 1:23

Ngatꞌa̱ achichí niꞌin mana nga ngo nga jó kui nii̱ xi kjo̱a̱ꞌajin an: Ngatꞌa̱ ta̱ bo̱a̱ mejénna ko̱yà án, tsi̱ꞌe̱ nga ki̱a̱ kotíjña̱ an nínga tikón Kristoo̱, ngatꞌa̱ nda ngase kjimana kui nii̱,

1 Timoo̱ 3:13

Ngatꞌa̱ nda̱ xi ko̱síko̱jo já ngito̱ko̱o̱ na̱ngo̱xi̱i̱ xi nda tsꞌén sa̱ꞌín xaá, yandikón kó tjiín kjo̱a̱ꞌniátakón nga chji̱a̱ kjo̱a̱a̱ nga sꞌijii̱n Kristo̱ Kjisoo̱.

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 21:7

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.