Matioo̱ 24:30 - Xo̱jo̱n eén Néná

³⁰ Kósꞌe̱ kjiꞌá boá nga xcha̱ chi̱bo̱a̱ xi ko̱kó nga je kjo̱e̱ꞌe ndií nda̱ xi̱ꞌii̱n, kó achichí stsa̱kjonní ngayeje xtín xota̱ xi tjín kui tꞌanangii̱ nga skja̱ndá, kó sku̱i̱e̱ ndií nda̱ xi̱ꞌii̱n nga ngo ṉdi̱ kji̱ndi̱bájinni ndiꞌakꞌajmi jàn, kó achichí ngaꞌniú kꞌuieé ko̱jo tsie kjo̱a̱jee̱ kjindibájo̱,

Matioo̱ 24:30 ပူးပေါင်းရင်းမြစ်များ

Matioo̱ 24:3

Kó kjiꞌanga Kjisoo̱ tikónndo nínga tikón tji̱ngi̱ nínga tjín yáꞌoliboo̱, xota̱ tsi̱ꞌe̱ jachókoón, sꞌe̱ tsíchji̱a̱jo soboá, nga bi̱ katsoó: Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña nga kji̱ndi̱bé ji, ko̱jo nga kju̱i̱e̱ nga̱sondiee̱.

Matioo̱ 24:37

Ngatꞌa̱ xikó kamá ni̱xtjin nga kisꞌijña Noee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Matioo̱ 24:39

kó kamákjínjiín kui xotaa̱ ngaskande nga kjindibá stsé ꞌniuú, sꞌe̱ jesón ngándá ngayejee̱, bo̱a̱ má ka̱ma nga kjo̱e̱ꞌe ndií nda̱ xi̱ꞌii̱n.

Matioo̱ 26:64

Sꞌe̱ Kjisoo̱, bi̱ katsó: –Jí xí jè bo̱a̱ kase, kó xiyàjnúꞌun nga ndeskande ngotꞌe̱ ku̱i̱ꞌítsꞌi̱yani nga xcha̱jnú nga ndií nda̱ xi̱ꞌii̱n kꞌuijñá nínga kixi̱i̱ ngaꞌniuú Néná, ko̱jo nga kjo̱e̱ꞌéjinni ngi̱jin ṉdi̱ nga kji̱ndi̱báni ndiꞌakꞌajmi jàn.

Markoo̱ 13:26

Kósꞌe̱ kjiꞌá boá nga xcha̱ ndií nda̱ xi̱ꞌii̱n nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kji̱ndi̱bájo̱.

Markoo̱ 13:4

–Tꞌíyéjne̱, kjiꞌání nga ka̱ma kui nii̱, kó mí chi̱bo̱a̱ xi sꞌi̱jña ngije makjatjosón nga ka̱ma kui nii̱.

Rkaa̱ 21:27

Kósꞌe̱ kjiꞌá boá nga xcha̱ ndií nda̱ xi̱ꞌii̱n, nga ngo ṉdi̱ kji̱ndi̱bájinni, kó achichí ngaꞌniú kꞌuieé, ko̱jo tsie kjo̱a̱jee̱ kjindibájo̱.

Rkaa̱ 22:69

Ta̱nga ndeskande ngotꞌe̱ ku̱i̱ꞌítsꞌi̱yani nga ndií nda̱ xi̱ꞌii̱n kꞌuijñá nga fojnií Néná xí tsi̱ꞌe̱ ngayeje ngaꞌniú xí tjiín.

Ni xi kamá 1:11

kó bi̱ katsoó: –Já Ngalilea̱, míkjo̱a̱a̱ nga nkꞌa jàn ndyi̱tsitsijenjnú. Ti̱ kuíní Kjiso̱ xi̱ꞌbi̱ xi kisꞌijñajo̱jnú, xi je tsangínjo̱ ndiꞌakꞌajmi jàn xi kji̱ndi̱bá nginí xikótsꞌèn kamáyàjnú nga kijí ndiꞌakꞌajmi jàn.

2 Xota̱ Tesalónika̱ 1:7

Kó jún xi ndyi̱bitjatiójnú kjo̱a̱ni̱ma̱ tsja̱ajnú ngo kjo̱a̱niꞌánkjaꞌyá xikoó ji̱n. Kui nii̱ ka̱ma kjiꞌanga Ndi̱a̱ná Kjisoo̱ kjo̱e̱ꞌekákó yojoo̱ nga kji̱ndi̱bájo̱ni ndiꞌakꞌajmi jàn ndítsjiee̱ xi tjiín ngaꞌniú.

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.

Ni xi akakoo̱ 12:1

Kó kamáyà ndiꞌakꞌajmi jàn ngo chi̱bo̱a̱ xi ta̱nisién je: Ngo na̱ xi tjítsakjájón tsꞌueé xikoó tsi chi̱nga̱a̱, kó saá ngindie se kui naa̱ kisꞌijña, kó ngo korona̱ xi tjiín tiejó ńño kisꞌijñaa̱ to̱ko̱,