Matioo̱ 23:23 - Xo̱jo̱n eén Néná

²³ ¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ boeꞌéjnú jún ngo tjín xi tie nga úchaán xka̱ mentaa̱, xka̱ anii̱ ko̱jo xka̱ kominoo̱, ta̱nga niꞌánkjatjosónjínjnú kjo̱a̱botíxoma xi ꞌniú nkꞌaá kjo̱a̱kitii̱: Nga kixi̱ ka̱majnú, nga ni̱ma̱ ka̱majnú ngayeje xotaa̱, ko̱jo nga sꞌi̱jinjnú Néná. Chjiéngá si̱ꞌan kui nii̱, ta̱nga ti̱ chjiéngá si̱ꞌan ni xi ingoo̱ nga.

Matioo̱ 23:23 ပူးပေါင်းရင်းမြစ်များ

Énkjínkón 21:3

Kixi̱ ti̱ꞌin ji, ko̱jo kixi̱ ti̱ꞌinje̱ ji xotaa̱, ngatꞌa̱ kuí nii̱ xi tsja ma ngasee̱ Néná, ta̱bo̱a̱jiín kjo̱a̱tjó xi niꞌánkꞌasꞌiee̱n kui.

Lebitiko̱ 27:30

»Tie nga úchaán ngayeje ni xi ikꞌítji̱e̱jnú tꞌanangijnú, ko̱jo to xi tsjá yá tjiéjnú xi an tsoboána. Kó ti̱ tie nga úchaán cho̱yojo, ko̱jo cho̱tsa̱nga̱ xi niꞌánxchájnú xi an tsoboána nga. Xi ka̱mamejeén skjíbé nginí kui cho̱o̱, chjiéngá ngi kan nga úchán ko̱ósoón kui to̱n xi ku̱i̱ꞌíchjií, kjo̱a̱a̱ xikó tjín kisꞌinda chjií kui cho̱o̱.

Matioo̱ 12:7

Ta̱nga tsi ka̱makjínjnú mí ni xi bi̱ tsoó: «Kjo̱a̱ni̱ma̱takón xi mejénna, jmí tsi kjo̱a̱tjó xi si̱ꞌankꞌasꞌienna» nde kjongítaꞌínjínjnú jé xota̱ xi jmí jéjiín tsobo̱a̱.

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Rkaa̱ 11:42

¡Ni̱ma̱ xò jún já fariseo̱! Nga boeꞌéjnú jún ngo tjín xi tie nga úchaán xka̱ mentaa̱, ko̱jo xka̱ rundaa̱, ko̱jo ngayeje xka̱ xi maxchájnú, ta̱nga chꞌiáxki̱jínjnú kjo̱a̱kixi̱i̱ ko̱jo kjo̱a̱tjoó Néná. Chjiéngá si̱ꞌánjnú kui nii̱, ta̱nga ti̱ chjiéngá si̱ꞌánjnú ni xi ingoo̱ nga.

Rkaa̱ 18:12

jó ndi̱yà tsꞌenkjaꞌa an kjindiá yojona nga ngo xomana̱, kó tsja an tie nga úchán to̱n xi tsꞌen an.”