Matioo̱ 23:13 - Xo̱jo̱n eén Néná

¹³ ¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Matioo̱ 23:13 ပူးပေါင်းရင်းမြစ်များ

Matioo̱ 23:16

¡Ni̱ma̱ xò jún, xota̱ xi bokoó ndi̱yà xota̱ ti̱ka̱! Nga bi̱ ꞌmíjnú: «Tsi tjín káꞌá xota̱ xi ngiboanéná ka̱tso̱, kó na̱ngo̱xi̱i̱ ku̱i̱ꞌíjñangi eén, jmí ni chjíjiín, ta̱nga tsi tjín káꞌá xi eén ku̱i̱ꞌíjñangi to̱nsinié xi tjiín na̱ngo̱xi̱i̱, chjiéngá sa̱ꞌínkjatjosón ni xi ka̱tso̱.»

Matioo̱ 23:23

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ boeꞌéjnú jún ngo tjín xi tie nga úchaán xka̱ mentaa̱, xka̱ anii̱ ko̱jo xka̱ kominoo̱, ta̱nga niꞌánkjatjosónjínjnú kjo̱a̱botíxoma xi ꞌniú nkꞌaá kjo̱a̱kitii̱: Nga kixi̱ ka̱majnú, nga ni̱ma̱ ka̱majnú ngayeje xotaa̱, ko̱jo nga sꞌi̱jinjnú Néná. Chjiéngá si̱ꞌan kui nii̱, ta̱nga ti̱ chjiéngá si̱ꞌan ni xi ingoo̱ nga.

Matioo̱ 23:25

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ niꞌántsjiejnú nga̱xto̱n ti̱bo̱a̱jnú ko̱jo boso̱jnú, ta̱nga ngi̱yaa̱ tjikítsie má ni chejé ko̱jo kjo̱a̱ꞌontakón.

Matioo̱ 23:27

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ja̱koxi̱ nga bo̱a̱ kónjnú xikó maá ngo nga̱tsjo̱ó xí tiboa niꞌánkꞌi xi achichí tsjá ꞌbé, ta̱nga ngi̱yaa̱ tjikítsie má ńdaa̱ ini̱ma̱ ko̱jo ni xi ndándí.

Matioo̱ 23:29

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ niꞌándajnúu̱ nga̱tsjo̱ó já chji̱ni̱e̱ꞌe̱én Néná, kó niꞌánnaxójnú nínga kjiyojonijín xota̱ xi kixi̱ kamá,

Matioo̱ 3:7

Nga kamábe Juaa̱ nga achichí má xota̱ fariseo̱, ko̱jo xota̱ sanduseo̱ xi jachó nínga tsꞌénbotíndá, bi̱ katsoó: ¡Xota̱ xi ja̱ kon ye̱ kónjnú! ꞌYá xi bo̱a̱ katsójnú nga ka̱ma ku̱i̱yòjnúu̱ kjo̱a̱xcha̱án Néná xí je kjimatiñaa̱.

Rkaa̱ 11:52

¡Ni̱ma̱ xò jún já chji̱ni̱e̱kjo̱a̱kiti! Ngatꞌa̱ jún kachjeꞌéxínjnú yibii̱ kjo̱a̱kjínkoón, ta̱nga ti̱nde jún ikitjasꞌi̱e̱njínjnú, kó xota̱ xi tsꞌasꞌien katseꞌéndièjínjnúu̱ nga kꞌo̱sꞌien.

Juaa̱ 9:22

Kui nii̱ katsó xi xchaá kui nda̱ xi kamáti̱ka̱a̱, ngatꞌa̱ katsakjónní xota̱ jundíoo̱, ngatꞌa̱ ja̱bo̱a̱ jè índa já jundíoo̱ nga tsi ngo xi ku̱i̱chji̱a̱ nga Kjisoo̱ xi Kristoo̱, ngiti̱ si̱ꞌankꞌasꞌienjín ngi̱ya ndiꞌa nínga ndokjo̱a̱ eén Néná.

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.

Juaa̱ 9:34

Sꞌe̱ kui jaá, bi̱ katsoó nda̱ xi kamáti̱ka̱a̱: –Áa̱n a bo̱a̱, a ji xi tjiín jé ndeskande koó nga katsen ji, kó a jí xí ko̱ko̱yéjne̱. Sꞌe̱ kaꞌnaxié kui nda̱a̱ ngi̱ya ndiꞌa nínga ndokjo̱a̱ eén Néná.

Ni xi kamá 13:8

Ta̱nga nda̱ tjiꞌee̱, (xi ti̱ Elima̱ kiꞌmí nga én ngriengoo̱), katsjandièjín kó íchjaá tsi̱ꞌe̱ nga nda̱ xtitjoón sꞌi̱jinjiín eén Néná.

Ni xi kamá 5:28

–Ji̱n jè ta̱nisién ꞌniú akatíxomajne̱ nga ngiti̱ chiíjín ko̱ndókjo̱a̱ni̱jmìjnú kjo̱a̱a̱ Kjisoo̱ nga ko̱ko̱yájnú, kó ngayeje na̱xi̱ńdáꞌniuú ikꞌíkitsiejnú kui ni xi akakoyájnú, kó mejénjnú nga ji̱n xi sꞌi̱niéjne̱ nga kiniꞌánkꞌién Kjisoo̱.

Ni xi kamá 5:40

Sꞌe̱ kandokjo̱a̱a̱ já apostroo̱, ngije ja̱bo̱a̱ je akjaa̱, kó ꞌniú ikꞌíjñaá nga ngiti̱ chiíjín ku̱i̱chji̱a̱ ngase kjo̱a̱a̱ jaꞌeén Kjisoo̱, sꞌe̱ ikꞌíndondé ngijee̱.

Ni xi kamá 8:1

Kó ki̱a̱ tikón Sauloo̱ nga kiniꞌánkꞌién Ixtibaa̱, kó nda kasasiee̱n kui nii̱. Kui ni̱xtjii̱n ítsꞌi̱yanii̱ nga ꞌniú ikiyotji̱ngii̱ xota̱ na̱ngo̱xi̱ xi chji̱a̱ni na̱xi̱ńdáꞌniú Jerusale̱n, kó ngayeje xota̱ na̱ngo̱xi̱i̱ kastsojoboa nga kijí nangi xi chji̱a̱ni Jundea̱ ko̱jo Samaria̱, ta̱kuítsí já apostroo̱ xi kastsojoboajín.

2 Timoo̱ 3:8

Kó xikó katsꞌén já tjiꞌe Janee̱ ko̱jo Jambree̱ nga kondra̱ kijií Moisee̱, ti̱ bo̱a̱ ti̱ tsꞌén kui xotaa̱ kondra̱ síndoo̱ ni xi ja̱koxi̱i̱. Xota̱ xi je jatson kjo̱a̱kjíntakoón boá, kó ya nga ngiti̱ sꞌijinjiín Néná.

2 Timoo̱ 4:15

Chíi̱n yojòo̱ kjo̱a̱a̱ kui, ngatꞌa̱ kondra̱ tikónnii̱ kui eén Néná xi ndyi̱bokoyá ñá.