Matioo̱ 22:24 - Xo̱jo̱n eén Néná

²⁴ kó bi̱ katsó nga asíyaá: –Ji Mostro̱, Moisee̱ bi̱ katsó: Tsi ngo nda̱ ko̱yà, kó tsi jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n.

Matioo̱ 22:24 ပူးပေါင်းရင်းမြစ်များ

Jenesii̱s 38:11

Kósꞌe̱ Jundáa̱, tsíchji̱a̱jo kja̱ndaa̱ nga bo̱a̱ katsoó nga kꞌuijñákꞌánra, kó nga ndiꞌaa̱ na̱ꞌmíi̱ kꞌuijñára ngaskande nga ka̱maxchá ndií Jundáa̱ xi ꞌmí Selaa̱. Bo̱a̱ kjiꞌi ni xi katsoó, ngatꞌa̱ katsꞌénkjó nga tsi ta̱ bo̱a̱ tsꞌén ko̱yà ndií xi̱ꞌba̱ nga, xikótsꞌèn jesón xi ngasee̱. Kó kuíni nga na̱ Tamaa̱r kijí ndiꞌaa̱ na̱ꞌmii̱, kó ki̱a̱ kisꞌijña.

Jenesii̱s 38:8

Kósꞌe̱ Jundáa̱ bi̱ katsoó Onaa̱n: «Tsjajnije̱ ji chjo̱ón ntsꞌie, kó ti̱xenje̱, ti̱ꞌinkjatjosén ji ni xi tsoboaá nga chja̱ ji, ki̱a̱ ka̱maa̱ nga ngatꞌaa̱ ji nga kꞌuieé xota̱ tji̱e̱ ntsꞌie ji».

Matioo̱ 22:16

Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱: –Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n,

Matioo̱ 22:25

Ngo ndi̱yà kisꞌińdojinjne̱ yito já xí ta̱ ngo ntsꞌi̱e̱ kamá, kó kui nda̱ xi tjoón ixánjo̱ chjo̱ón, kó kꞌien kui nda̱a̱, kó jmí ndí kisꞌiejiín, sꞌe̱ ntsꞌi̱e̱ xi ma joó ixánjo̱ nginí kui xota̱chjo̱on,

Matioo̱ 22:36

–Mostro̱, ñání kjo̱a̱botíxoma xi ꞌniú chjí ngasenii̱ ngi̱jii̱n ngayeje kjo̱a̱botíxoma xi tjiín.

Matioo̱ 7:21

Jmí tsi ngayeje xota̱ xi «Ndi̱a̱, Ndi̱a̱», ka̱tso̱na xi kꞌo̱sꞌien nínga botixómá Néná, ta̱kuítsí xi kꞌo̱sꞌien xi sa̱ꞌínkjatjosón ngayeje ni xi mejeén Na̱ꞌmina xi tikón ndiꞌakꞌajmi jàn.

Markoo̱ 12:19

–Ji Mostro̱, Moisee̱ ítꞌaná ngo xo̱jo̱n xi bi̱ tsó: Tsi ngo nda̱ ko̱yà, kó ku̱i̱ꞌíjñá chjo̱ón kó jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ kui xota̱chjo̱on tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n.

Rkaa̱ 20:28

–Ji Mostro̱, Moisee̱ ítꞌaná ngo xo̱jo̱n xi bi̱ tsó: tsi ngo nda̱ ko̱yà xí tjiín chjo̱on, kó tsi jmí ndíjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ kui xota̱chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n.

Rkaa̱ 20:33

Ni̱xtjin nga kjo̱a̱ꞌáꞌyaá xota̱ xi je jesoón, ja̱, ꞌyání nga yito kui jaá xi xi̱ꞌii̱n kui xota̱chjo̱on ka̱ma, ngatꞌa̱ nga yitoo̱ nga kisꞌińdojo̱.

Rkaa̱ 6:46

Míkjo̱a̱a̱ nga jún, “Ndi̱a̱, Ndi̱a̱” ndyi̱ꞌmìjnúu̱, kó niꞌánjínjnú ni xi xian an.

Na̱ Ruu̱t 1:11

Ta̱nga na̱ Noemii̱ bi̱ katsoó kui ínchjiín: —¡Tangínrajnú nínga ndyi̱mongínjnú, ndí ínchjín! Mí tsjá nga an kongintjingíjnúꞌun. Jè ngiti̱ jmíjín ngasena ndí xíꞌín xi ka̱ma ku̱i̱xanjo̱jnú, kó an jè ꞌniú xchá an tsi̱ꞌe̱ nga kꞌuié nginína xi̱ꞌin. Kó ndatsi ngotꞌe̱ má ku̱i̱xan an, kó ndatsi tsá kꞌuiéna ndí. A xchiyàjnúu̱ ngaskande nga ka̱maxchá nginí kui ndií. ¡Jmí, ndí ínchjiín, ka̱májín kui nii̱! Achichí tsie ngase kjo̱a̱ni̱ma̱ tsꞌénfoaꞌatio an, ta̱bo̱a̱jiín jún, ngatꞌa̱ Néná kondra̱ tikónnii̱ an ngotꞌe̱.

Na̱ Ruu̱t 3:13

Ta̱sá xió ti̱ꞌinkjaꞌyé ji ngotꞌe̱, kó ndyiojón xcha̱ tsí kui xotaa̱ ka̱mamejeén skoón ji, tsi sa̱ꞌín jo̱ꞌo, jmí kjo̱a̱xtijínna, ta̱nga tsi jmí ka̱tso̱, ngiboanéná nga an skoon ji. Tꞌenni̱ꞌinkjaꞌyé ꞌne̱, kó nda tsjáfé, ndyiojón chiboá.

Na̱ Ruu̱t 4:5

Kósꞌe̱ Boo̱, bi̱ katsó ngasee̱: —Tsi si̱ꞌi̱ntsie ji kui tꞌanangii̱, ti̱ chjiéngá ku̱i̱xenje̱ ji na̱ Ruu̱t nga, kui xota̱chjo̱on kꞌán xi je kꞌien xi̱ꞌii̱n xi nijan kjindibájo̱ na̱ Noemii̱ ndeskande nangii̱ xota̱ Moaa̱b. Kó bo̱a̱ tsꞌén kjiꞌanga stse̱én ndí xí tjoón, xcha̱jàjín jaꞌeén ndie xi̱ꞌii̱n na̱ Ruu̱t, kó nga kui tꞌanangii̱ tsi̱ꞌe̱ kui ndií ka̱ma ngijee̱.