Matioo̱ 22:16 - Xo̱jo̱n eén Néná

¹⁶ Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱: –Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n,

Matioo̱ 22:16 ပူးပေါင်းရင်းမြစ်များ

Xo̱jo̱n Salmoo̱ 12:2

Kjo̱a̱ndiso boá xi chji̱a̱jo ja̱kꞌi̱e̱ ja̱ngaján xkjín, kó én tsjatsó, ko̱jo én jókje̱n boá xi chji̱a̱.

Xo̱jo̱n Salmoo̱ 5:9

Ngatꞌa̱ jmí kjo̱a̱kixi̱jiín ni xi chji̱a̱ tsꞌoa kui xotaa̱, ni xi ndajín boá ngayeje ni xi ndyi̱a̱ nga̱ntsꞌo̱a̱, nga̱tsjo̱ó xí tji̱e̱nti̱xa̱ boá na̱xo̱o̱, kó ta̱soboá ni ndiso boá xi chji̱a̱ na̱je̱n.

Xo̱jo̱n Salmoo̱ 55:21

Én xí katsꞌénkjién inda ngase kamá ta̱bo̱a̱jiín mantekiyaa̱, ta̱nga ngi̱jin ini̱ma̱a̱ kjo̱a̱xchán boá xi kisꞌiee̱, én xí tsíchji̱a̱ inda ngase kamá ta̱bo̱a̱jiín istii̱, ta̱nga kui boá xi ki̱cha̱ xi yojó ngajó ngaboaá kamá.

Énkjínkón 29:5

Xota̱ xi achichí nda chji̱a̱ kjo̱a̱a̱ kje̱ꞌe xota̱, nga ja̱koxi̱, ta̱ chja̱ya̱ tsí tsꞌénꞌbijñaá.

Matioo̱ 22:24

kó bi̱ katsó nga asíyaá: –Ji Mostro̱, Moisee̱ bi̱ katsó: Tsi ngo nda̱ ko̱yà, kó tsi jmí ndí kꞌuiéjiín, ntsꞌi̱e̱ kui nda̱a̱ chjiéngá kuí ku̱i̱xanjo̱ chjo̱on, tsi̱ꞌe̱ nga xcha̱jàjín tji̱e̱e̱ ntsꞌi̱e̱ xi kꞌiee̱n.

Matioo̱ 22:26

kó ti̱ bo̱a̱ ti̱ kamaá xi ma joó, sꞌe̱ ngi̱chí sájín, ti̱ bo̱a̱ ti̱ kamaá xi ma jaán, kó bo̱a̱ ti̱ kamaá ngaskande xi ma yitoo̱.

Matioo̱ 26:18

Kó Kjisoo̱, bi̱ katsó: –Tangínjnú na̱xi̱ńdáꞌniuú, ti̱ndyi̱séjnú ngo nda̱ xi yàjnú, kó bi̱ tꞌínjnúu̱: «Bi̱ tsó nda̱ Mostroo̱: Jè xò kamátiña ni̱xtjii̱n, kó ndiꞌa tse̱ xò sa̱ꞌín sꞌué paskuaa̱, ko̱jo xota̱ tsi̱ꞌe̱.»

Matioo̱ 26:49

Kó Jundaa̱ tji̱e̱nmá jachókón tiñaa̱ Kjisoo̱, kó bi̱ katsoó: –¡Tinde Mostro̱! Kó ngo ndsó katsjaá tꞌanijon.

Markoo̱ 10:17

Kó nga tsꞌénfí Kjisoo̱ ngi̱ya ndi̱ya̱à, ngo nda̱ jachókón monga mongaa̱, asiéntꞌaa̱tikoó, kó bi̱ katsoó nga asíyaá: –Ji Mostro̱ nda, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Markoo̱ 12:13

Kó kanangiyachoo̱n Kjisoo̱ já fariseo̱ ko̱jo xota̱ xi majo̱ Erondee̱, tsi̱ꞌe̱ nga ku̱i̱ntꞌiè tsí ta̱ꞌa ngo ni xi ndajínkjiꞌi ku̱i̱chji̱a̱ Kjisoo̱, tsi̱ꞌe̱ nga ko̱óngítaꞌin.

Markoo̱ 12:14

Kó ngije jachó kui jaá, bi̱ katsoó: –Mostro̱, jè yàjne̱ nga ja̱koxi̱ ni xi bokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, ta̱sá ja̱koxi̱i̱ ndi̱yà xí tsi̱ꞌe̱ Néná xí tibokoyé ji. A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱. A ko̱e̱ꞌéjne̱ axa̱ ko̱e̱ꞌéjínjne̱.

Markoo̱ 3:6

Kó ngije jataxie já fariseoo̱, ítsꞌi̱yanii̱ nga índajo̱ xota̱ xi majo̱ nda̱ re Erondee̱ kótsꞌèn sa̱ꞌínkꞌién Kjisoo̱.

Markoo̱ 8:15

Kósꞌe̱ Kjisoo̱, bi̱ katsoó: –Chónjnú yojojnú kjo̱a̱a̱ nisaa̱n nda̱ꞌyo̱paa̱n já fariseoo̱, ko̱jo nisaa̱n nda̱ꞌyo̱paa̱n Erondee̱.

Rkaa̱ 20:21

Kó bi̱ kiꞌmií nga akasíyaá: –Mostro̱, jè yàjne̱ nga kixi̱ ni xi se ko̱jo ni xi bokoyé ji, ko̱jo nga jmí tsi skján niꞌínje̱ ji xotaa̱, ko̱jo nga ta̱sá ja̱koxi̱i̱ ndi̱yà xí tsi̱ꞌe̱ Néná xi tibokoyé ji.

Rkaa̱ 7:40

Kó Kjisoo̱, bi̱ katsoó nda̱ fariseoo̱: –Ji Ximo̱, ngo ni tikónna xi xiyaá ji. Sꞌe̱ bi̱ katsó nda̱ fariseoo̱: –Tꞌíyéní, Mostro̱.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 18:37

Sꞌe̱ bi̱ katsó nginí Pilatoo̱: –Áa̱n, ja̱ re jí tsobo̱a̱. Sꞌe̱ Kjisoo̱, bi̱ katsó: –Jí xí bo̱a̱ tꞌísé nga re an. Ja̱ kuí xá katsen an, kó ja̱ kuíni nga jéꞌe̱ an kui nga̱sondiee̱, tsi̱ꞌe̱ nga xiyà an ngayeje ni xi ja̱koxi̱i̱. Ngayeje xota̱ xi chji̱a̱ni ni xi ja̱koxi̱i̱, ntꞌié nda̱na.

Juaa̱ 7:18

Kui xota̱ xi tsi̱ꞌe̱ ni xi chji̱a̱a̱, mongase nga ngayeje xi sku̱i̱e̱ kjo̱a̱jee̱, ta̱nga xi mongase nga xcha̱ kjo̱a̱jee̱ xi katsangiya, kuí xi̱ꞌbi̱ xi ja̱koxi̱i̱, kó kuí xí kixi̱.

2 Xota̱ Korinto̱ 2:17

Ngatꞌa̱ jmí tsi bo̱a̱ kónjne̱ xikoó kjín xota̱ xi ndyi̱foaꞌáchjí nga ndyi̱chji̱a̱ eén Néná, ngayejení ini̱ma̱jne̱ nga ndyi̱ꞌbíni̱jmìjne̱ Kristoo̱. Bo̱a̱ ndyi̱niꞌánjne̱ ngindyi̱ko̱n Néná xí katsjájne̱ kui xaá.

2 Xota̱ Korinto̱ 4:2

Niꞌánjínjne̱ ni xi niꞌán nínga ꞌmaa̱, ko̱jo ni xi tsja̱aná kjo̱a̱soboá, jmí kjo̱a̱maña ndyi̱niꞌánkjiénjínjne̱, ti̱nde jmí tsi ndyi̱ꞌbosíkjoyájne̱ eén Néná. Néná be nga ja̱koxi̱ boá ni xi ndokjo̱a̱jne̱, kó bo̱a̱ tsꞌén ndyi̱bokojne̱ kókónjne̱ ngindyi̱ko̱n xota̱ xi nda síndo kjo̱a̱kjíntakoón.

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.

Xota̱ Ngalasia̱ 1:10

Ngatꞌa̱, a kjo̱a̱ndaa̱ xotaa̱ xí tsꞌénmongase an, axa̱ kjo̱a̱ndaa̱ Néná boá. Axa̱ xotaa̱ xí tsꞌéntsjàa̱ kjo̱a̱tsja. Ngatꞌa̱ tsi mejénna nga xotaa̱ xi tsja ka̱maa̱ ni xi sa̱ꞌin an, ja̱ ngiti̱ mosoo̱ Kristoo̱jín ka̱ma an tsobo̱a̱.

Xota̱ Ngalasia̱ 2:6

Ta̱nga kui já xí ya nga ngito̱ko̱o̱ na̱ngo̱xi̱i̱, nde chií ni xi tja̱tsi̱e̱ yísónjiín éntjatsi̱e̱ xi ini̱jmi án. Tsi ngito̱ko̱ ko̱jo tsi jmí, jmí ndasénjínna, ngatꞌa̱ ta̱ ngo ndse̱je̱n ñá ngindyi̱ko̱n Néná.

1 Xota̱ Tesalónika̱ 2:4

Ta̱sá ndokjo̱a̱jne̱ xikoó xota̱ xi Néná je katsꞌénjo̱ꞌo, ko̱jo xi Néná katsꞌénꞌniátakón tsi̱ꞌe̱ nga ku̱i̱ꞌíni̱jmì éntjatsi̱e̱e̱, kó kuíni nga bo̱a̱ tsꞌén ndokjo̱a̱jne̱, jmí tsi kjo̱a̱a̱ nga xotaa̱ xi ko̱e̱ꞌéjne̱ kjo̱a̱tsja, ta̱sá Néná xí katseꞌéjne̱ kjo̱a̱tsja, kui Néná xí kotꞌa kókjiꞌi ini̱ma̱ná.

Xo̱jo̱o̱n Sandiyaá 3:17

Ta̱nga kui xota̱ xi Néná tsjaá kjo̱a̱kjínkoón, kuí boá xi tsjietsꞌén síndo ngindyi̱ko̱n Néná, kó tjiín kjo̱a̱xió, kó ndaxota̱ ma, kó ntꞌiéꞌén, kó tsie kjo̱a̱ni̱ma̱takón tjiín, kó nda ni xi tsꞌén, kó ta̱ són tsꞌénjo̱ ngayeje xotaa̱, kó jmíjiín kjo̱a̱jókje̱n.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.