Matioo̱ 22:12 - Xo̱jo̱n eén Néná

¹² Kó nda̱ ree̱, bi̱ katsoó: «Ji amingo̱, kótsꞌèn ikitjasꞌi̱n ji kui ngi̱ndiee̱ nga kichejéjín ji ńjño xi chajá nga ma ndiꞌibixan.» Ta̱nga kui nda̱a̱ jmí ni katsójín.

Matioo̱ 22:12 ပူးပေါင်းရင်းမြစ်များ

Joo̱b 5:16

ngatꞌa̱ kuí boá xi tsjaá kjo̱a̱chiyá xota̱ xi ni̱ma̱a̱, ta̱nga xota̱ xi ꞌniú ndajiín bókjo tsꞌoa.

Xo̱jo̱n Salmoo̱ 107:42

Kjiꞌanga xota̱ xi kixi̱i̱ be kui nii̱, achichí tsjá maá, ta̱nga xota̱ xi ꞌniú ndajiín ta̱ xió tsí ꞌbíndo.

Matioo̱ 20:13

Ta̱nga nda̱ xi tsi̱ꞌe̱ xaá, bi̱ katsoó ngo kui jaá: «Nda̱ amingo̱, ndakjíꞌí ni xi tjítsꞌenjoo̱. A mí tsi nga ngo ni̱xtjin ngo to̱n ndenario̱ kꞌuichjií kixiaan nga ikꞌínda tsi̱ꞌe̱ nga si̱ꞌinxé.

Matioo̱ 26:50

Ta̱nga Kjisoo̱, bi̱ katsoó: –Nda̱ amingo̱, ti̱ꞌin ji ni xi si̱ꞌin ji. Kó kui jaá jachókón tiñaa̱ Kjisoo̱, sꞌe̱ katsoboá.

Matioo̱ 5:20

Ngatꞌa̱ xiyàjnúꞌun nga tsi ku̱i̱tjátjónjínjnúu̱ já chji̱ni̱e̱kjo̱a̱kitii̱ ko̱jo xota̱ fariseoo̱ nga ni xi kixi̱ si̱ꞌánjnú ngindyi̱ko̱n Néná, jmíni̱xtjin ku̱i̱tjásꞌi̱e̱njnú nínga botixómá Néná.

Xota̱ Roma̱ 3:19

Ta̱nga jè ya ñá ngayeje ni xi tsó kjo̱a̱kitii̱, nga tsi̱ꞌe̱ xota̱ xi Néná katsjaá kui kjo̱a̱kitii̱ boá, tsi̱ꞌe̱ nga ngayeje tsꞌoa xotaa̱ si̱chjá, kó ngayeje xotaa̱ kui nga̱sondiee̱ sa̱ꞌínkie yojoo̱ nga katsꞌénjé, kó kꞌuíndo ngi̱yaa̱ kjo̱a̱botíjeé Néná.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

Titoo̱ 3:11

Jè yé ji nga kui xi bo̱a̱ tjítsꞌeén jè katsꞌénkjatsón soboá yojoo̱, ngi̱jii̱n jeé tikónjin, kó ti̱kuíní tjítsꞌénkjí yojoo̱ nínga xcha̱ja.