Matioo̱ 21:19 - Xo̱jo̱n eén Néná

¹⁹ Kó nga kamábe ngo yá xí boajaá toꞌingo̱ tꞌa ndi̱ya̱à, kijí nínga tikón kui yaá, kó jmí to kasakojiín, ta̱ xka̱ tsí xi tjiín yaá. Kósꞌe̱ Kjisoo̱, bi̱ katsoó kui yaá: –¡Nga nginijánjín ko̱a̱ja̱a̱ to! Kó ti̱ kjiꞌa kixí kui yaá.

Matioo̱ 21:19 ပူးပေါင်းရင်းမြစ်များ

Matioo̱ 21:20

Kó nga kamábe kui ni xi kamaá, xota̱ tsi̱ꞌe̱ Kjisoo̱ kijíndikoón, kó bi̱ katsó nga asíyaá Kjisoo̱: –Kótsꞌèn nga kixí kjiꞌá má kui yáꞌingoo̱.

Markoo̱ 11:14

Sꞌe̱ Kjisoo̱, bi̱ katsoó yáꞌingoo̱: –Nginijánjín tjín xí skji̱ni̱e̱ to xi ko̱a̱ja̱a̱. Kó xota̱ tsi̱ꞌe̱ Kjisoo̱ tsintꞌié ni xi katsó.

Markoo̱ 11:20

Kó nga ta̱jño̱ó nga kamángindyiojón jaꞌa nínga tikón yáꞌingoo̱, kó kamábe nga je kixí ndeskande ja̱ma̱a̱.

Rkaa̱ 3:9

Kó ti̱ je tikónnda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin.

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Juaa̱ 15:6

Xi kꞌuijñájinjínna, bo̱a̱ ka̱maa̱ xikó maá ngo tjia xi jmí to tsjájín: Bichá, xí, chjaꞌáꞌyá, kó ngi̱jin ndiꞌií bichijmijin tsi̱ꞌe̱ nga tí.

2 Timoo̱ 3:5

Ja̱ sa̱ꞌín xi bendikón Néná sa̱ꞌín, ta̱nga kjo̱a̱a̱ xikótsꞌèn síndo, ko̱kó nga jmíjiín kui ngaꞌniú xí Néná tsjaá xota̱ xi bendikón. Ngata̱ ki̱a̱jín niꞌínkamaje̱ ji kui xota̱ xi̱ꞌba̱.

Titoo̱ 1:16

Be xò Néná ti̱xꞌi̱a̱n ndyi̱tsó, ta̱nga ni xi ndyi̱tsꞌèn, bokó nga jmí tsi sꞌijin ja̱koxi̱i̱ Néná. Kuí boá kui xotaa̱ xi ndajín, ko̱jo xi ntꞌiéꞌénjín, kó nde chiíjín maá tsꞌén ni xi nda.

Xo̱jo̱o̱n Jundaa̱ 1:12

Kui jaá, kuí boá xi tsꞌénndándí ni xi niꞌánjnú kjiꞌanga matikójnú nga niꞌánkjaꞌátsjienjnú kjo̱a̱tjó xi Néná katsjájnú, ngatꞌa̱ tsja maa̱ nga kjinie ko̱jo nga ꞌbi, kó ndasénjiín ni xi ndyi̱niꞌánjnú. Kui jaá xikónií xota̱ ngito̱ko̱ xi ta̱ ni xi nda maá kuí tsí xi ndyi̱mongase. Ko̱jo xikónií ṉdi̱ xi jmí stséjiín, xi ja̱kꞌi̱e̱ ja̱ngaján fíjo̱ tjo̱o̱. Ko̱jo xikónií yá xí jmí to tsjájín nga fochó ni̱xtjii̱n, kuí boá xi je kaꞌnaxiénijínni ndeskande ja̱ma̱a̱, jè ta̱nisién ꞌniú jè jesón.

Ni xi akakoo̱ 22:11

Xióchíi̱n xota̱ xi kixi̱jiín, kixi̱jín ngatamara, kó xota̱ xi ni xi tsjiejín ndyi̱tsꞌe̱én, ngatsꞌénrá ni xi tsjiejín, ta̱nga kui xi kixi̱i̱, ngatsꞌénrá kjo̱a̱kixi̱i̱, ko̱jo kui xota̱ xi tsjiee̱, ngatsꞌéntsjiera ngase yojoo̱.