Matioo̱ 21:12 - Xo̱jo̱n eén Néná

¹² Kó nga jachó Kjisoo̱ ndi̱tsen na̱ngo̱xi̱i̱ Néná tsangatji̱ngii̱ ngayeje xota̱ xi ndyi̱botiñá ko̱jo xi ndyi̱ꞌbotsie ni, kó tsꞌajmitójó yámíxa̱a̱ xota̱ xi ndyi̱bosíkjo to̱n, ko̱jo tsꞌajmitójó yáxíríee̱ xota̱ xi ndyi̱botiñá tójoo̱,

Matioo̱ 21:12 ပူးပေါင်းရင်းမြစ်များ

Éksondo̱ 30:13

»Tsi̱ꞌe̱ nga an sa̱ꞌinjetakóo̱n ngayeje xota̱ Israee̱l xi je tsꞌatio kan noó xi je kjiya xki̱i̱, chjiéngá ún to̱ntiboa ngatsꞌénkꞌásꞌiénna, masien tsí má kui chjií xikó kjiꞌi machjí ki̱a̱ ndiꞌandikoón. Ti̱nde xi cho̱o̱n ka̱májín tsie ngase tsja̱á, ti̱nde xi ni̱ma̱ xi jmí to̱njiín chiboajín ngase tsja̱á.

Lebitiko̱ 1:14

»Kó tsi tjín xí sa̱ꞌínkꞌasꞌienna ngo kjo̱a̱tjó xi cho̱ xi tjiín tsja̱nga̱, chjiéngá tójo ko̱jo tsi ndií toṉña̱ xi sa̱ꞌínkjién.

Lebitiko̱ 12:6

»Ngije jatjosón ni̱xtjin nga katsꞌéntsjie yojoo̱ kui na̱ xi yeꞌé kui ndií, tsi chjo̱on ko̱jo tsi xi̱ꞌin, chjiéngá ko̱e̱je̱ nínga bitjasꞌi̱e̱nni ndiꞌandikoón. Kó ki̱a̱ sa̱ꞌínkꞌasꞌiee̱n chináꞌmii̱ ngo cho̱tsa̱nga̱ xi sꞌe̱ tsí ngo noó, ko̱jo tsi jó tójo, ko̱jo tsi jó toṉña̱. Kósꞌe̱ kui chináꞌmii̱ ku̱i̱ꞌítí kui cho̱tsa̱nga̱a̱ nganda tsi̱ꞌe̱ Néná, kó sa̱ꞌínkꞌasꞌiee̱n Néná kui tójoo̱ ko̱jo tsi kui toṉñaa̱, tsi̱ꞌe̱ nga si̱ꞌanjetakón jeé, kó bo̱a̱ tsꞌén nga na̱aa̱n kui ndií je kamátsjie. »Kuí bí kui kjo̱a̱kitii̱ xi chjiéngá sa̱ꞌínkjatjosón ngo na̱ xi ku̱i̱ꞌé ngo ndí chjo̱on ko̱jo tsi ngo ndí xíꞌín.

Lebitiko̱ 12:8

Ta̱nga tsi kui naa̱ jmíjín to̱n xi kꞌo̱tsieni ngo cho̱tsa̱nga̱, ka̱má jó tójo ko̱jo tsi jó toṉña̱ sa̱ꞌínkꞌasꞌien. Kó chináꞌmii̱ ngo kui cho̱o̱ xi ku̱i̱ꞌítí nganda tsi̱ꞌe̱ Néná, kó xi ingoo̱, kjo̱a̱tjó tsi̱ꞌe̱ nga niꞌánjetakón jé sa̱ꞌín. Kó bo̱a̱ tsꞌén nga ka̱matsjie kui naa̱».

Lebitiko̱ 14:22

Kó ti̱ ka̱ma sa̱ꞌínkꞌasꞌien tsi ka̱maa̱ jó tójo ko̱jo tsi jó toṉña̱, ngo kui cho̱o̱ tsi̱ꞌe̱ nga si̱ꞌanjetakoón jeé, sꞌe̱ xi ingoo̱ tsi̱ꞌe̱ nga kꞌuití nganda tsa̱ꞌa̱n.

Lebitiko̱ 14:30

kó nga fetꞌani ngo kui cho̱ xi tjiín tsja̱nga̱a̱ nga tsꞌenkꞌásꞌién tsi̱ꞌe̱ nga kui xi ka̱ma ngo kjo̱a̱tjó, tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n kꞌuití ko̱jo kui kjo̱a̱tjó xi ndso̱ko̱a̱n ṉño̱paa̱n ko̱jo istii̱.

Lebitiko̱ 15:14

Xi ma jin ni̱xtjin chjiéngá ko̱e̱je̱ nínga bitjasꞌi̱e̱nnii̱ ndiꞌandikoón ki̱a̱ ngindyi̱ko̱n Néná. Kó ngatjíjo̱ jó tójo ko̱jo tsi jó toṉña̱ xi ngatsꞌénkꞌásꞌieén chináꞌmii̱.

Lebitiko̱ 15:29

Xi ma jin ni̱xtjii̱n, nga kjíbé jó tójo ko̱jo tsi jó toṉña̱, ngatjíjo̱ kó ngatsꞌénkꞌásꞌieén chináꞌmii̱ ki̱a̱ nínga bitjasꞌi̱e̱nnii̱ ndiꞌandikoón.

Lebitiko̱ 5:11

»Tsi kui xi katsꞌénjeé jmíjiín to̱n nga kꞌo̱tsieni jó tójo ko̱jo tsi jó toṉña̱, ka̱ma jó kilo̱ ndso̱ko̱a̱n ṉño̱pan xi nda sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé. Kó chináꞌmii̱ ngatjíjoo̱, kó kui chináꞌmii̱ skjíbé ngo tji̱ngo̱ kui ndso̱ko̱a̱n ṉño̱paa̱n, kó ki̱a̱ ku̱i̱ꞌítí nga̱soón ṉchandikoón. Kó bo̱a̱ tsꞌén nga jún kjo̱a̱ꞌátsjienjnú nga án boá xi tsjajnúꞌun ngayeje nii̱. Kuí boá kui nii̱ xi ngo kjo̱a̱tjó xi niꞌánkꞌasꞌien kjo̱a̱a̱ nga niꞌánjetakón jé, kó nga jmí isti̱ ko̱jo nga jmí nisije̱n mindyiajínjnúu̱.

Lebitiko̱ 5:7

»Tsi xi katsꞌénjeé jmíjiín to̱n xi kꞌo̱tsieni ngo ndí tindso̱ chjo̱on, chjiéngá jó tójo ko̱jo tsi jó toṉña̱ xi ngatsꞌénkꞌásꞌiénna. Chináꞌmii̱ ngatjíjoo̱ nga jó kui cho̱o̱, kó chináꞌmii̱ ngo kui cho̱o̱ xi sa̱ꞌínkꞌasꞌienna tsi̱ꞌe̱ nga sa̱ꞌinjetakóo̱n jeé, kó xi ingo kui cho̱o̱ nganda tsa̱ꞌa̱n ngatꞌítí. Cho̱ xi tjoón nga kjítꞌósén, ta̱nga nga ꞌboxiékjojín to̱ko̱,

Markoo̱ 11:11

Kó tsꞌasꞌien Kjisoo̱ na̱xi̱ńdáꞌniú Jerusale̱n, sꞌe̱ kijí na̱ngo̱xi̱i̱. Ngije askotsijen ni xi tjín nga ngo foaꞌatjiyajoo̱n, kijíjo̱ nga tiejó xota̱a̱ na̱xi̱ńdá Betania̱ ngatꞌa̱ je kamásajín.

Rkaa̱ 2:24

Kó bo̱a̱ tsꞌén kijítsꞌenkꞌásꞌieén Néná xikótsꞌèn botixómá kjo̱a̱kitii̱ Néná, nínga bi̱ tsoó: Chjiéngá ngo ꞌniú toṉña̱ ko̱jo tsi jó tójo si̱ꞌankꞌasꞌiee̱n Néná.

Juaa̱ 2:13

Kó kjiꞌanga je tikón tiña sꞌué paskuaa̱ xota̱ jundíoo̱, Kjisoo̱ kijí na̱xi̱ńdáꞌniú Jerusale̱n.