Matioo̱ 21:11 - Xo̱jo̱n eén Néná

¹¹ Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Matioo̱ 21:11 ပူးပေါင်းရင်းမြစ်များ

Matioo̱ 2:23

Kó nga jachó ki̱a̱a̱, ki̱a̱ kisꞌińdo ndí na̱xi̱ńdáꞌniú Nasaree̱t, tsi̱ꞌe̱ nga jatjosón ni xi katsó já chji̱ni̱e̱ꞌe̱én Néná nga bi̱ katsó: Nda̱ xi chji̱a̱ni Nasaree̱t kꞌuin.

Matioo̱ 21:10

Kó nga tsꞌasꞌien Kjisoo̱ na̱xi̱ńdáꞌniú Jerusale̱n, ngayeje xotaa̱ kamákjaán, kó tjín xí bi̱ katsó nga asíyá: –ꞌYání bo̱a̱ kui nda̱a̱.

Matioo̱ 21:26

kó tsi xotaa̱ xí katsangiya tsi kꞌuíi̱n, ndokón xota̱ na̱xi̱ńdaá, ngatꞌa̱ ngayeje xotaa̱ xi katsó nga Juaa̱ xí ngo nda̱ chji̱ni̱e̱ꞌe̱én Néná.

Matioo̱ 21:46

kó kamámejeén nga katsoboá Kjisoo̱, ta̱nga katsakjónnií ngatꞌa̱ xotaa̱ kisꞌijinrií nga nda̱ chji̱ni̱e̱ꞌe̱én Néná boá Kjisoo̱.

Markoo̱ 6:15

Kje̱ꞌe xota̱ xi bi̱ katsó: –Eliyaa̱ boá. Kó kje̱ꞌe xí bi̱ katsó: –Nda̱ chji̱ni̱e̱ꞌe̱én Néná boá, ko̱jo tsi kuí boá xi ngo nda̱ chji̱ni̱e̱ꞌén xchaá Néná.

Rkaa̱ 13:33

Ta̱nga chjiéngá ngotꞌe̱ ko̱jo ndyiojón, ko̱jo ngii̱ kjuínrá an ndi̱yàna, ngaskande nga kjóchó an na̱xi̱ńdáꞌniú Jerusale̱n, ngatꞌa̱ ka̱májín tsi xín nangi ko̱yà ngo nda̱ chji̱ni̱e̱ꞌe̱én Néná.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Rkaa̱ 7:16

Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Rkaa̱ 7:39

Nga kamábe kui nii̱ nda̱ fariseoo̱, bi̱ tsꞌén katsꞌénkjó: “Tsi ja̱koxi̱ nga kui nda̱a̱ xi nda̱ chji̱ni̱e̱ꞌe̱én Néná, kamákjínrií ꞌyá naa̱ bo̱a̱ xi tjítsꞌénjo̱, ngatꞌa̱ na̱ xi tjiín jé boá.”

Juaa̱ 1:21

Kó bi̱ kiꞌmií nga akasíyaá: –Ja̱, a jí xí Eliyaa̱ ji tsobo̱a̱. Kó bi̱ katsó Juaa̱: –Jmí, ánjín bo̱a̱. Sꞌe̱ bi̱ tsꞌén akasíyá nginií: –A jí xí chji̱ni̱e̱ꞌe̱én Néná jí. Sꞌe̱ bi̱ katsó. –Jmí.

Juaa̱ 1:25

Kó asíyaá Juaa̱, nga bi̱ katsoó: –Ja̱ kó míkjo̱a̱a̱ nga botíndé jí, tsi jijín xi Kristoo̱, tsi jijín xi Eliyaa̱, ti̱nde jijín xi ngo nda̱ chji̱ni̱e̱ꞌe̱én Néná xi kjo̱e̱ꞌe̱é.

Juaa̱ 4:19

Sꞌe̱ bi̱ katsó kui xota̱chjo̱on: –Ndi̱a̱, bee̱ko̱n an nga xota̱ chji̱ni̱e̱ꞌe̱én Nénárá ji.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 7:40

Kósꞌe̱ kjín xota̱ xi síndojii̱n xota̱ kjiín nga tsintꞌié kuí eén, bi̱ katsó: –Ja̱koxi̱ nga chji̱ni̱e̱ꞌe̱én Néná boá kui nda̱a̱.

Juaa̱ 9:17

Sꞌe̱ ti̱ bi̱ ti̱ kiꞌmí nginií nda̱ xi kamáti̱ka̱a̱: –Kó se ji kjo̱a̱a̱ nda̱ xi katsꞌéntsijee̱n ndyikin. Kó bi̱ katsó kui nda̱ xi kamáti̱ka̱a̱: –Nda̱ chji̱ni̱e̱ꞌe̱én Néná boá.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”