Matioo̱ 20:28 - Xo̱jo̱n eén Néná

²⁸ xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 20:28 ပူးပေါင်းရင်းမြစ်များ

Joo̱b 33:24

tsi ni̱ma̱ ka̱maa̱, kó bi̱ ka̱tso̱o̱ Néná: ꞌNa̱xiéꞌé ji ngi̱ya tsja kjo̱a̱bo̱yaa̱, ngatꞌa̱ jè kasakoséna kótsꞌèn kjo̱tjoꞌa.

Xo̱jo̱n Salmoo̱ 49:7

Nde ngojín kui xotaa̱ xi ka̱maa̱ kꞌo̱xiéꞌá ngo ntsꞌi̱e̱, ti̱nde ka̱májiín ku̱i̱ꞌíchjií Néná tsi̱ꞌe̱ nga kꞌo̱xiéꞌá,

Matioo̱ 20:27

kó kui xi mejeén nga tjón ka̱ma ngi̱jinjnú kuí xí chjiéngá sa̱ꞌínseén xota̱ xi ngasee̱,

Matioo̱ 26:28

ngatꞌa̱ kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón ta̱ngatꞌanií kjo̱a̱ndaa̱ kjín xota̱, tsi̱ꞌe̱ nga si̱ꞌanjetakoón jeé.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Markoo̱ 10:45

Ngatꞌa̱ ndií nda̱ xi̱ꞌii̱n jmí tsi jeꞌe kui nga̱sondiee̱ tsi̱ꞌe̱ nga kui xi si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱a yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Markoo̱ 14:24

Kó Kjisoo̱, bi̱ katsó: –Kuí xi̱ꞌbi̱ xi jínna, nínga tjíꞌbínda ngo kjo̱a̱tja̱tsi̱e̱ tsi̱ꞌe̱ Néná ko̱jo jún. Jín xí xtjoón, ta̱ngatꞌanií kjo̱a̱ndaa̱ kjín xota̱ nga xtjón.

Rkaa̱ 22:27

Ngatꞌa̱, ꞌyání xi nkꞌa ngase xaá, a xi tikóntꞌa yámíxa̱a̱, axa̱ moso̱ xi tsꞌénꞌbiyá nichiniee̱. A kuijín xi tikóntꞌa yámíxa̱a̱. Ta̱nga kꞌi̱e̱ tikónjin an ngamasienjnú xikoó ngo moso̱ xi tjítsꞌénsénjnú.

Juaa̱ 10:15

xikótsꞌèn bena Na̱ꞌmina, an ti̱ bo̱a̱ ti̱ tsꞌén be an Na̱ꞌmina, kó an tsja an kjo̱a̱mindyionna ta̱ngatꞌanii̱ cho̱tsa̱nga̱na.

Xota̱ Roma̱ 4:25

Kui xi kiniꞌánkꞌasꞌien tsi̱ꞌe̱ nga si̱ꞌankꞌien, ta̱ngatꞌanii̱ jéná, kó jaꞌáꞌyaá tsi̱ꞌe̱ nga sa̱ꞌínkixi̱ná ngindyi̱ko̱n Néná.

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

1 Timoo̱ 2:6

Kui xi ti̱ kuii̱ katsꞌénkꞌasꞌien yojoo̱ nga kiniꞌánkꞌién, tsi̱ꞌe̱ nga íchjítjéná ngayeje ñá, kó kuí ngatꞌaa̱ nga Néná, nga jachó ni̱xtjin akó nga mejeén kꞌo̱xiéꞌá ngayeje xotaa̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 2:10

Néná kamámejeén nga kjín ka̱ma ndií xí kꞌuieé kjo̱a̱jee̱, kui Néná xí katsꞌénda ngayeje nii̱, ko̱jo nga ngatꞌaa̱ kui nga síndo kui nii̱, kuí boá xi katsꞌén nga ngi̱jii̱n kjo̱a̱ni̱ma̱ xi jaꞌatio Jesukristoo̱, ka̱ma xi chjiéngá ka̱ma kui, kui Jesukristoo̱ xi tsꞌaxiéꞌá kui xotaa̱.

Xota̱ Ebreo̱ 5:8

Kó ndatsi ndií Néná kuí, tsie kjo̱a̱ni̱ma̱ jaꞌatio nga kamaá kandaꞌyáꞌén.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

1 Xo̱jo̱o̱n Peé 2:24

Kuí Kristoo̱ xi kijíjo̱ jéná ngi̱jin yojoo̱ ki̱a̱ tꞌa kroo̱, tsi̱ꞌe̱ nga ñá ko̱yà kjo̱a̱a̱ jé xí kiniꞌán, kó ku̱i̱ndyión kjo̱a̱a̱ kjo̱a̱kixi̱i̱. Kó ta̱ngatꞌanii̱ nga kiniꞌánꞌoón Kristoo̱ nga jún je kamándayajnú.

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,