Matioo̱ 20:24 - Xo̱jo̱n eén Néná

²⁴ Kó nga tsintꞌié kuí nii̱ xota̱a̱ Kjisoo̱ xi ngi tiee̱, achichí katsꞌénxchánjo̱ nga jó kui já ntsꞌiee̱.

Matioo̱ 20:24 ပူးပေါင်းရင်းမြစ်များ

Énkjínkón 13:10

Kjo̱a̱nkꞌakoo̱n ta̱ kjo̱a̱xti tsí xi ꞌboxié, kó xota̱ xi ni̱ma̱kjo̱a̱a̱ boá xi tjiín kjo̱a̱kjínkón.

Matioo̱ 20:23

Kó Kjisoo̱, bi̱ katsó: –Ja̱koxi̱ nga jún xchíkjo̱a̱jnú xikótsꞌèn chꞌo xꞌi̱a̱na ko̱jo kui kjo̱a̱ni̱ma̱ xi kjo̱a̱ꞌatio an, ta̱nga nga ki̱a̱ ku̱i̱ndyiontꞌajnúꞌun nga skónna ko̱jo tsi nga fojnína, ánjín tsoboána nga tsja an kjo̱a̱, Na̱ꞌmina xí je tikónndaa̱ ꞌyá xí tsja̱á kui ngi̱ndie xi je íjñanda.

Matioo̱ 20:25

Kósꞌe̱ Kjisoo̱ tsíchji̱a̱a̱ xota̱ xi ngasee̱, kó bi̱ katsoó: –Jè yàjnú nga kui nga̱sondiee̱, xota̱ xi botixómaá nangii̱, tsjandièjiín xotaa̱ nga ta̱xkiya sa̱ꞌín ngo ni tsi tsja kjo̱a̱jiín. Ko̱jo nga já xí ngito̱ko̱o̱ na̱xi̱ńdaá xi nkꞌa xaá ta̱ ni xi mejénrií tsꞌénjo̱ xota̱ na̱xi̱ńdaá.

Markoo̱ 10:14

Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 10:41

Kó nga tsintꞌié kuí nii̱ xota̱a̱ Kjisoo̱ xi ngi tiee̱, achichí katsꞌénxchánjo̱ Sandiyaá ko̱jo Juaa̱.

Rkaa̱ 13:14

Ta̱nga nda̱ ngito̱ko̱o̱ ndiꞌa nínga ndokjo̱a̱ eén Néná, katsꞌénxchán ngatꞌa̱ Kjisoo̱ katsꞌéndaya nga ni̱xtjin ndikón, kó bi̱ katsoó xotaa̱: –Jun ni̱xtjin tjiín xomanaa̱ nga ma niꞌánxá, sꞌe̱ ngo ni̱xtjin nga niꞌánkjaꞌyá. Jún, chjiéngá ni̱xtjin nga niꞌánxá nga kji̱ndi̱bájnú nga ka̱mandayajnú, jmí tsi nga ni̱xtjin nga niꞌánkjaꞌyá.

1 Xota̱ Korinto̱ 13:4

Tsi tjínná kjo̱a̱tjó, kjiꞌá boá nga niꞌánchíkjo̱a̱, ko̱jo nga ndaxota̱ niꞌán yojoná, ko̱jo ꞌbéjínná kjo̱a̱ꞌontakón, ko̱jo ndokjo̱a̱jín ñá én xí nkꞌa, ko̱jo nkꞌakonjín ꞌna̱xié yojoná.

Xota̱ Filipo̱ 2:3

Ngata̱ ngojín nii̱ xi niꞌánjnú tsi kjo̱a̱a̱ nga ku̱i̱tjátjónjnú, ko̱jo tsi kjo̱a̱a̱ nga kjo̱a̱nkꞌatakón, ta̱sá ni̱ma̱kjo̱a̱ ngatamajnú xikoó tsi nkꞌa ngase tꞌíjñájnú xota̱ xi ngasee̱.

Xo̱jo̱o̱n Sandiyaá 3:14

Ta̱nga tsi kjo̱a̱ꞌontakón tikónjii̱n ini̱ma̱jnú, kó tsi ndyi̱bixkánjnú nga mejénjnú ko̱kójnú ꞌyání xi chꞌokon ngase, ngata̱ jejín ꞌna̱xiéjnú yojojnú, ti̱nde ngata̱ miyoniéjínjnú ni xi ja̱koxi̱i̱.

1 Xo̱jo̱o̱n Peé 5:5

Kó ti̱ tsꞌén míꞌájnúꞌun jún xi xo̱ngòjnú nga cha̱ndikónjnú xota̱ xi xchaá, kó ngayejejnú ja̱kꞌi̱e̱ ja̱ngaján ni̱ma̱kjo̱a̱ ngatamajnú, ngatꞌa̱ bi̱ tsó xo̱jo̱n eén Néná: Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱, tsjaá kjo̱a̱nda.