Matioo̱ 20:21 - Xo̱jo̱n eén Néná

²¹ Sꞌe̱ Kjisoo̱, bi̱ katsoó: –Mí xí mejeén. Sꞌe̱ bi̱ katsó kui xota̱chjo̱on: –Te̱ꞌé ji kjo̱a̱ tsi̱ꞌe̱ nga nínga ko̱ti̱xome ji kꞌuíndotꞌaa̱ nga jó ndína, ngo ngatꞌíjñá nga fojníi̱, sꞌe̱ ngo ngatꞌíjñá nga skóo̱n.

Matioo̱ 20:21 ပူးပေါင်းရင်းမြစ်များ

Na̱ Estee̱r (Ebreo̱) 5:3

Kósꞌe̱ ree̱, bi̱ katsoó: —Mí xí mejeén na̱ re Estee̱r. Ta̱ ni xi chji̱e̱ꞌéní, kó ngaskande ndatsi masien nangi nínga tsꞌénbotixoma an, tsjaa tsi kui ni xi chji̱e̱ꞌéní.

Xo̱jo̱n Salmoo̱ 110:1

Néná bi̱ katsoó nda̱ rejne̱: «Kꞌi̱e̱ ti̱ndyintꞌení nínga kixi̱i̱ ngi̱ndie nínga botixoma an, ngaskande nga sa̱ꞌinchaja an kondra̱a̱».

Xo̱jo̱n Salmoo̱ 45:9

Ngi̱jii̱n ínchjín xí ꞌniú tsjákón ngasee̱, ki̱a̱ síndojin ndí xí ínchjiín ree̱. Kó ki̱a̱ xtji̱e̱e̱n ndse̱ fojnií tikóntꞌa xi ka̱ma na̱ ree̱, xi yaꞌa ni to̱nsinié xi chji̱a̱ni na̱xi̱ńdáꞌniú Ofii̱r.

Matioo̱ 18:1

Ti̱ kuii̱ ni̱xtjin, xota̱ tsi̱ꞌe̱ Kjisoo̱ jachókón tiñaa̱ Kjisoo̱ kó bi̱ katsoó nga asíyaá: –ꞌYá xota̱ xi ꞌniú chjí ngasenii̱ ki̱a̱ ndiꞌakꞌajmi nínga botíxomaa̱ Néná.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 20:22

Kósꞌe̱ Kjisoo̱, bi̱ katsoó: –Yàjínjnú ni xi ndyi̱chjiáꞌájnú. A kjo̱chíkjo̱a̱jnú nga on xcha̱jnú xikótsꞌèn on xcha̱na an, kó a kjo̱chíkjo̱a̱jnú kjo̱a̱ni̱ma̱ xi kjo̱a̱ꞌatio an. Kó bi̱ katsó kui jaá: –Jo̱o̱n kjo̱chíkjo̱a̱jne̱.

Matioo̱ 20:32

Kó kasasien Kjisoo̱, tsíchji̱a̱a̱ nga jó já xí ti̱ka̱a̱, kó bi̱ katsoó: –Mí xí ka̱ma sa̱ꞌinjnúꞌun nganda tsa̱jún.

Markoo̱ 10:51

Kó Kjisoo̱, bi̱ katsó nga asíyaá: –Mí ni xi mejeén nga sa̱ꞌin an nganda tse̱. Sꞌe̱ nda̱ ti̱ka̱a̱, bi̱ katsó: –Mostro̱, mejénna nga ka̱matsijenna.

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Markoo̱ 6:22

Kó nga tsꞌasꞌien tsa̱kji̱ín na̱ Erondíaa̱, kitié, kó achichí tsjá kamaá Erondee̱, ko̱jo xota̱ xi síndotꞌajo̱ yámíxa̱. Kó nda̱ ree̱, bi̱ katsoó kui tsa̱kji̱ín: Ta̱ ni xi mejeénri chji̱e̱ꞌéní, kó an tsjaa.

Rkaa̱ 18:41

–Mí ni xi mejeén nga sa̱ꞌiin. Kó nda̱ ti̱ka̱a̱, bi̱ katsó: –Ndi̱a̱, mejénna nga ka̱matsijenna.

Rkaa̱ 19:11

Ngije tsintꞌié kuí eén xotaa̱, Kjisoo̱ katsóyà kui énkjiín, ngatꞌa̱ je tikón tiña na̱xi̱ńdáꞌniú Jerusale̱n, kó kui jaá katsꞌénkjó nga Néná je ko̱tíxoma tji̱ꞌni̱u̱.

Rkaa̱ 22:24

Sꞌe̱ kui jaá askjotíjo̱ xkjín kjo̱a̱a̱ ꞌyá kuií xi nkꞌa ngase xaá.

Juaa̱ 15:7

Tsi si̱ꞌanngora yojoná jún ko̱jo an, kó tsi énna kꞌuijñájinjnú, ngayeje ni xi chji̱a̱ꞌajnú, ko̱e̱ꞌéjnú.

Ni xi kamá 1:6

Kósꞌe̱ kui já xí kamátikójo̱ Kjisoo̱, bi̱ tsꞌén asíyaá: –Ji Ndi̱a̱, a kuí ni̱xtjii̱n nga ko̱e̱ꞌée̱ nga xota̱ xi chji̱a̱ni Israee̱l ko̱tíxomaa̱ nangi xi tsi̱ꞌe̱.

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Roma̱ 8:34

ꞌYá xí ko̱tíjéná. ¡Ta̱ ꞌyàjín ni! Ngatꞌa̱ Kristoo̱ boá xi kꞌien ta̱ngatꞌanii̱ ñá, kó jaꞌáꞌyaá, kó ngotꞌe̱ ꞌne̱ ki̱a̱ tikón xtji̱e̱e̱n nga fojnií Néná, kó tsꞌénmíꞌatjeé Néná ta̱ngatꞌanii̱ ñá.

Xota̱ Kolosa̱ 3:1

Jè nijan jaꞌáꞌyájnú ko̱jo Kristoo̱, kuíni nga ti̱ndyi̱séjnú ni xi chji̱a̱ni ndiꞌakꞌajmi jàn, nínga tikón Kristoo̱ ki̱a̱ tsja fojnií Néná.